ਕੇਂਦਰੀ ਮੰਤਰੀ ਅਨੁਰਾਗ ਠਾਕੁਰ ਨੇ ਲੱਦਾਖ ‘ਚ ਮਨਾਲੀ-ਲੇਹ ਹਾਈਵੇਅ ‘ਤੇ 14,000 ਫੁੱਟ ਦੀ ਉਚਾਈ ‘ਤੇ ਦੇਬਰਿੰਗ ਪਿੰਡ ‘ਚ ਹੈਂਡਪੰਪ ਚਲਾ ਕੇ ਪਾਣੀ ਪੀਤਾ। ਉਨ੍ਹਾਂ ਨੇ ਟਵਿੱਟਰ ‘ਤੇ ਵੀਡੀਓ ਪੋਸਟ ਕਰਦਿਆਂ ਲਿਖਿਆ ਕਿ ਪਿੰਡ ‘ਚ ਹੈਂਡਪੰਪ ਚਲਾ ਕੇ ਮਿੱਠਾ ਪਾਣੀ ਪੀਣ ਨੇ ਇਕ ਵੱਖਰਾ ਅਹਿਸਾਸ ਦਿੱਤਾ। ਅਨੁਰਾਗ ਠਾਕੁਰ ਦੁਆਰਾ ਸਾਂਝੀ ਕੀਤੀ ਗਈ ਇਸ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਜਦੋਂ ਅਨੁਰਾਗ ਨੇ ਹੈਂਡ ਪੰਪ ਚਲਾ ਕੇ ਪਾਣੀ ਕੱਢਿਆ ਤਾਂ ਇਕ ਵਿਅਕਤੀ ਪਾਣੀ ਪੀਣ ਲੱਗਾ। ਜਦੋਂ ਉਹ ਚਲੇ ਗਏ ਤਾਂ ਅਨੁਰਾਗ ਠਾਕੁਰ ਨੇ ਵੀ ਪਾਣੀ ਪੀਤਾ।
ਦੱਸ ਦਈਏ ਕਿ ਅਨੁਰਾਗ ਠਾਕੁਰ ਲੱਦਾਖ ਦੇ ਦੋ ਦਿਨਾਂ ਦੌਰੇ ‘ਤੇ ਸਨ। ਉਹ ਇੱਥੇ ਫੌਜ, ਇੰਡੋ-ਤਿੱਬਤੀਅਨ ਬਾਰਡਰ ਪੁਲਿਸ (ਆਈ.ਟੀ.ਬੀ.ਪੀ.) ਦੇ ਜਵਾਨਾਂ ਅਤੇ ਭਾਰਤ-ਚੀਨ ਸਰਹੱਦ ‘ਤੇ ਚਮੋਰ ਖੇਤਰ ‘ਚ ਰਹਿਣ ਵਾਲੇ ਲੋਕਾਂ ਨੂੰ ਮਿਲੇ। ਅਨੁਰਾਗ ਠਾਕੁਰ ਨੇ 15000 ਫੁੱਟ ਦੀ ਉਚਾਈ ‘ਤੇ ਭਾਰਤ-ਚੀਨ ਸਰਹੱਦ ਦੀ ਨਿਗਰਾਨੀ ਕਰ ਰਹੇ ITBP ਦੇ ਜਵਾਨਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ, ‘ਮੈਂ ਇਸ ਉਚਾਈ ‘ਤੇ ਕੁਦਰਤੀ ਚੁਣੌਤੀਆਂ ਦਾ ਸਾਹਮਣਾ ਕਰਕੇ ਆਪਣੀ ਡਿਊਟੀ ਨਿਭਾਉਣ ਵਾਲੇ ਜਵਾਨਾਂ ਦੀ ਸ਼ਲਾਘਾ ਕਰਦਾ ਹਾਂ। ਉਨ੍ਹਾਂ ਇਹ ਵੀ ਕਿਹਾ ਕਿ ਹਰ ਨਾਗਰਿਕ ਨੂੰ ਦੇਸ਼ ਦੀ ਬਿਹਤਰੀ ਲਈ ਕੰਮ ਕਰਨਾ ਚਾਹੀਦਾ ਹੈ।