ਕੇਂਦਰੀ ਮੰਤਰੀ ਅਨੁਰਾਗ ਠਾਕੁਰ ਦਾ ਹਿਮਾਚਲ ਵਿੱਚ ਚੋਣ ਪ੍ਰਚਾਰ ਦੌਰਾਨ ਇੱਕ ਹੈਰਾਨੀਜਨਕ ਵੀਡੀਓ ਸਾਹਮਣੇ ਆਇਆ ਹੈ। ਵੀਡੀਓ ‘ਚ ਠਾਕੁਰ ਹਿਮਾਚਲ ਰੋਡਵੇਜ਼ ਦੀ ਖਰਾਬ ਹੋਈ ਬੱਸ ਨੂੰ ਧੱਕਾ ਲਗਾਉਂਦੇ ਨਜ਼ਰ ਆ ਰਹੇ ਹਨ। ਜਾਣਕਾਰੀ ਮੁਤਾਬਿਕ ਕੇਂਦਰੀ ਮੰਤਰੀ ਅਨੁਰਾਗ ਠਾਕੁਰ ਹਿਮਾਚਲ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ ਲਈ ਬਿਲਾਸਪੁਰ ਵਿੱਚ ਪ੍ਰਚਾਰ ਕਰਨ ਗਏ ਸਨ। ਪਿੰਡ ਵਿੱਚੋਂ ਲੰਘਦੀ ਤੰਗ ਸੜਕ ’ਤੇ ਸਵਾਰੀਆਂ ਨਾਲ ਭਰੀ ਬੱਸ ਖਰਾਬ ਹੋ ਗਈ। ਜਿਸ ਕਾਰਨ ਆਵਾਜਾਈ ਵਿੱਚ ਵਿਘਨ ਪਿਆ। ਅਨੁਰਾਗ ਠਾਕੁਰ ਦਾ ਕਾਫਲਾ ਵੀ ਇਸੇ ਜਾਮ ਵਿੱਚ ਫਸਿਆ ਰਿਹਾ। ਆਪਣੀ ਕਾਰ ਤੋਂ ਹੇਠਾਂ ਉਤਰ ਕੇ ਅਨੁਰਾਗ ਠਾਕੁਰ ਨੇ ਬਾਕੀ ਲੋਕਾਂ ਨਾਲ ਬੱਸ ਨੂੰ ਧੱਕਾ ਲਗਾਇਆ।
ਘੁਮਾਰਵੀ ਬੱਸ ਸਟੈਂਡ ਦੇ ਇੰਚਾਰਜ ਕੁਲਦੀਪ ਨੇ ਦੱਸਿਆ ਕਿ ਘੁਮਾਰਵੀ ਤੱਲਿਆਣਾ ਦੀ ਬੱਸ ਸ਼ਾਮ ਸਾਢੇ ਪੰਜ ਵਜੇ ਦੇ ਕਰੀਬ ਰਵਾਨਾ ਹੋਈ ਸੀ ਪਰ ਕੁਥੇੜਾ ਤੋਂ ਕੁਝ ਦੂਰੀ ’ਤੇ ਸਥਿਤ ਕੋਠੀ ਨੇੜੇ ਖਰਾਬ ਹੋ ਗਈ। ਬੱਸ ਦਾ ਗੇਅਰ ਲੀਵਰ ਟੁੱਟ ਗਿਆ ਸੀ, ਜਿਸ ਕਾਰਨ ਬੱਸ ਨੂੰ ਅੱਗੇ ਨਹੀਂ ਚਲਾਇਆ ਜਾ ਸਕਿਆ। ਹੁਣ ਮਕੈਨਿਕ ਸਵੇਰੇ ਜਾ ਕੇ ਉਸ ਬੱਸ ਨੂੰ ਠੀਕ ਕਰੇਗਾ। ਦੱਸ ਦਈਏ ਕਿ ਸੋਸ਼ਲ ਮੀਡੀਆ ‘ਤੇ ਕਈ ਯੂਜ਼ਰਸ ਵੀਡੀਓ ‘ਤੇ ਮਜ਼ੇਦਾਰ ਕੁਮੈਂਟਸ ਕਰ ਰਹੇ ਹਨ।