ਅਸਮ ਦੇ ਕਛਰ ਜ਼ਿਲ੍ਹੇ ਦੇ ਸਿਲਚਰ ਸ਼ਹਿਰ ਵਿੱਚ ਇੱਕ ਕੈਂਸਰ ਹਸਪਤਾਲ ਹੜ੍ਹ ਦੇ ਪਾਣੀ ਵਿੱਚ ਡੁੱਬ ਗਿਆ ਹੈ। ਕੈਂਸਰ ਹਸਪਤਾਲ ਦੇ ਡਾਇਰੈਕਟਰ ਰਵੀ ਕੰਨਨ ਨੇ ਕਿਹਾ, “ਕੈਂਸਰ ਦੇ ਮਰੀਜ਼ਾਂ ਲਈ ਹਸਪਤਾਲ ਇੱਕ ਦਿਨ ਲਈ ਵੀ ਬੰਦ ਨਹੀਂ ਕੀਤਾ ਜਾ ਸਕਦਾ। ਬਾਹਰਲੇ ਮਰੀਜ਼ਾਂ ਨੂੰ ਹਲਕਾ ਇਲਾਜ ਦਿੱਤਾ ਜਾਂਦਾ ਸੀ, ਗੰਭੀਰ ਇਲਾਜ ਦੀ ਲੋੜ ਵਾਲੇ ਮਰੀਜ਼ਾਂ ਨੂੰ ਅੰਦਰ ਰੱਖਿਆ ਜਾਂਦਾ ਸੀ।
ਰਿਪੋਰਟਾਂ ਮੁਤਾਬਕ ਸੂਬੇ ਦੀ ਬਰਾਕ ਘਾਟੀ ‘ਚ ਸਥਿਤ 150 ਬਿਸਤਰਿਆਂ ਵਾਲਾ ਕੈਂਸਰ ਹਸਪਤਾਲ ਅਤੇ ਖੋਜ ਕੇਂਦਰ ਕਈ ਦਿਨਾਂ ਤੋਂ ਪਾਣੀ ‘ਚ ਡੁੱਬਿਆ ਹੋਇਆ ਹੈ। ਹਾਲਤ ਇੰਨੀ ਨਾਜ਼ੁਕ ਬਣੀ ਹੋਈ ਹੈ ਕਿ ਸੜਕ ‘ਤੇ ਹੀ ਮਰੀਜ਼ਾ ਦਾ ਇਲਾਜ ਕੀਤਾ ਜਾ ਰਿਹਾ ਹੈ। ਹਸਪਤਾਲ ਦੇ ਰਿਸੋਰਸ ਮੋਬਲਾਈਜ਼ੇਸ਼ਨ ਵਿਭਾਗ ਦੇ ਮੁਖੀ ਦਰਸ਼ਨ ਆਰ ਨੇ ਆਪਣੇ ਟਵਿੱਟਰ ਹੈਂਡਲ ‘ਤੇ ਕਿਹਾ, “ਕੀਮੋਥੈਰੇਪੀ ਵਰਗੀਆਂ ਪ੍ਰਕਿਰਿਆਵਾਂ ਜੋ ਬਾਹਰ ਕੀਤੀਆਂ ਸਕਦੀਆਂ ਹਨ, ਅਸੀਂ ਸੜਕ ‘ਤੇ ਕਰ ਰਹੇ ਹਾਂ ਜਿੱਥੇ ਘੱਟ ਤੋਂ ਘੱਟ ਪਾਣੀ ਭਰਿਆ ਹੋਇਆ ਹੈ।”