ਕੈਨੇਡਾ ਵਿੱਚ ਇੱਛਾ ਮੌਤ ਦੀ ਇਜਾਜ਼ਤ ਇੱਕ ਸਮੱਸਿਆ ਬਣਦਾ ਜਾ ਰਿਹਾ ਹੈ। ਇੱਥੇ ਪਿਛਲੇ ਸਾਲ ਭਾਵ 2021 ਵਿੱਚ ਹੀ 10 ਹਜ਼ਾਰ ਤੋਂ ਵੱਧ ਲੋਕਾਂ ਨੇ ਇੱਛਾ ਮੌਤ ਦੇ ਜ਼ਰੀਏ ਆਪਣੀ ਜਾਨ ਦਿੱਤੀ। ਇਹ ਕੈਨੇਡਾ ਵਿੱਚ ਪੂਰੇ ਸਾਲ ਦੌਰਾਨ ਹੋਈਆਂ ਕੁੱਲ ਮੌਤਾਂ ਦਾ 3% ਤੋਂ ਵੱਧ ਹੈ। ਹੁਣ 4 ਮਹੀਨਿਆਂ ਬਾਅਦ ਮਾਰਚ 2023 ਵਿੱਚ ਮਾਨਸਿਕ ਤੌਰ ‘ਤੇ ਬਿਮਾਰ ਲੋਕਾਂ ਨੂੰ ਵੀ ਕਾਨੂੰਨ ਅਨੁਸਾਰ ਮਰਨ ਦੀ ਇਜਾਜ਼ਤ ਦਿੱਤੀ ਜਾਵੇਗੀ।
ਇਸ ਤਹਿਤ ਨਾਬਾਲਗਾਂ ਨੂੰ ਵੀ ਇੱਛਾ ਮੌਤ ਦਾ ਅਧਿਕਾਰ ਦਿੱਤਾ ਜਾਵੇਗਾ। ਇੰਨੀ ਵੱਡੀ ਗਿਣਤੀ ਵਿੱਚ ਇੱਛਾ ਮੌਤ ਦੇ ਕਾਰਨ, ‘ਦ ਡੀਪ ਪਲੇਸ: ਏ ਮੈਮੋਇਰ ਆਫ਼ ਇਲਨੈਸ ਐਂਡ ਡਿਸਕਵਰੀ’ ਦੇ ਲੇਖਕ ਰੌਸ ਡੌਥਟ ਕਹਿੰਦੇ ਹਨ – ਜਦੋਂ ਇੱਕ ਸਾਲ ਵਿੱਚ 10,000 ਲੋਕ euthanasia ਕਰ ਰਹੇ ਹਨ, ਤਾਂ ਫਿਰ euthanasia ਦੀ ਇਜਾਜ਼ਤ ਇੱਕ ਸਭਿਅਕ ਸਮਾਜ ਦੀ ਨਿਸ਼ਾਨੀ ਨਹੀਂ ਰਹਿ ਜਾਂਦੀ। ਰੌਸ ਦਾ ਕਹਿਣਾ ਹੈ ਕਿ “ਹਾਲਾਂਕਿ ਦੇਸ਼ ਦੇ ਜ਼ਿਆਦਾਤਰ ਲੋਕ ਇੱਛਾ ਮੌਤ ਦੀ ਇਜਾਜ਼ਤ ਦੇਣ ਦੇ ਸਮਰਥਨ ‘ਚ ਹਨ। ਉਸ ਦਾ ਮੰਨਣਾ ਹੈ ਕਿ ਇੱਜ਼ਤ ਨਾਲ ਜਿਉਣ ਦੇ ਨਾਲ-ਨਾਲ ਇੱਜ਼ਤ ਨਾਲ ਮਰਨਾ ਵੀ ਮਨੁੱਖ ਦਾ ਅਧਿਕਾਰ ਹੈ।”