ਸੀਬੀਆਈ ਨੇ ਰਾਜਸਥਾਨ ਦੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਦੇ ਭਰਾ ਅਗਰਸੇਨ ਗਹਿਲੋਤ ਦੇ ਘਰ ਛਾਪਾ ਮਾਰਿਆ ਹੈ। ਇਸ ਤੋਂ ਪਹਿਲਾਂ ਈਡੀ ਨੇ ਵੀ ਅਗਰਸੇਨ ਗਹਿਲੋਤ ਦੇ ਘਰ ਛਾਪਾ ਮਾਰਿਆ ਸੀ। ਸੀਬੀਆਈ ਨੇ ਮੁੱਖ ਮੰਤਰੀ ਗਹਿਲੋਤ ਦੇ ਭਰਾ ਦੇ ਘਰ ਅਤੇ ਦੁਕਾਨ ‘ਤੇ ਛਾਪੇਮਾਰੀ ਕੀਤੀ ਹੈ। ਅਗਰਸੇਨ ਗਹਿਲੋਤ ‘ਤੇ ਦੋਸ਼ ਹੈ ਕਿ 2007 ਤੋਂ 2009 ਦਰਮਿਆਨ ਕਿਸਾਨਾਂ ਨੂੰ ਖਾਦ ਬਣਾਉਣ ਲਈ ਲੋੜੀਂਦਾ ਪੋਟਾਸ਼ ਵੰਡਣ ਦੇ ਨਾਂ ‘ਤੇ ਉਸ ਨੇ ਸਰਕਾਰ ਤੋਂ ਸਬਸਿਡੀ ‘ਤੇ ਖਰੀਦਿਆ ਅਤੇ ਨਿੱਜੀ ਕੰਪਨੀਆਂ ਨੂੰ ਉਤਪਾਦ ਵੇਚ ਕੇ ਮੁਨਾਫਾ ਕਮਾਇਆ। ਇਸ ਮਾਮਲੇ ਦੀ ਜਾਂਚ ਈਡੀ ਵਿੱਚ ਵੀ ਚੱਲ ਰਹੀ ਹੈ।
ਸੂਤਰਾਂ ਮੁਤਾਬਿਕ ਸੀਬੀਆਈ ਦੀ ਟੀਮ ਸ਼ੁੱਕਰਵਾਰ ਸਵੇਰੇ ਅਚਾਨਕ ਗਹਿਲੋਤ ਦੇ ਭਰਾ ਅਗਰਸੇਨ ਦੇ ਟਿਕਾਣਿਆਂ ‘ਤੇ ਪਹੁੰਚੀ। ਇਸ ਟੀਮ ਵਿੱਚ ਪੰਜ ਅਧਿਕਾਰੀ ਦਿੱਲੀ ਅਤੇ ਪੰਜ ਅਧਿਕਾਰੀ ਜੋਧਪੁਰ ਦੇ ਹਨ। ਫਿਲਹਾਲ ਟੀਮ ਦੇ ਮੈਂਬਰ ਜਾਂਚ ‘ਚ ਲੱਗੇ ਹੋਏ ਹਨ। ਕਿਸੇ ਨੂੰ ਅੰਦਰ ਨਹੀਂ ਜਾਣ ਦਿੱਤਾ ਜਾ ਰਿਹਾ। ਜਦੋਂ ਕਿ ਅਗਰਸੇਨ ਗਹਿਲੋਤ ਵੀ ਘਰ ‘ਚ ਹੀ ਹਨ। ਸੀਬੀਆਈ ਦੀ ਟੀਮ ਪਾਵਟਾ ਸਥਿਤ ਉਨ੍ਹਾਂ ਦੀ ਦੁਕਾਨ ‘ਤੇ ਵੀ ਪਹੁੰਚ ਗਈ ਹੈ।