ਕੇਂਦਰੀ ਕੰਜ਼ਿਊਮਰ ਸੁਰੱਖਿਆ ਅਥਾਰਟੀ ਨੇ ਮੇਸ਼ੋ ਅਤੇ ਫਲਿੱਪਕਾਰਟ ਨੂੰ ਨੋਟਿਸ ਭੇਜਿਆ ਹੈ। ਇਹ ਨੋਟਿਸ ਇਨ੍ਹਾਂ ਆਨਲਾਈਨ ਸਾਈਟਾਂ ਨੂੰ ਤੇਜ਼ਾਬ ਵੇਚਣ ਨਾਲ ਸਬੰਧਤ ਨਿਯਮਾਂ ਦੀ ਉਲੰਘਣਾ ਕਰਨ ਲਈ ਦਿੱਤਾ ਗਿਆ ਹੈ। ਦੱਸਿਆ ਗਿਆ ਸੀ ਕਿ ਇਨ੍ਹਾਂ ਪਲੇਟਫਾਰਮਾਂ ‘ਤੇ ਤੇਜ਼ਾਬ ਵੇਚਿਆ ਜਾ ਰਿਹਾ ਸੀ। ਮੀਸ਼ੋ ਅਤੇ ਫਲਿੱਪਕਾਰਟ ਨੂੰ 7 ਦਿਨਾਂ ਦੇ ਅੰਦਰ ਜਵਾਬ ਦੇਣ ਲਈ ਕਿਹਾ ਗਿਆ ਹੈ। ਇਸ ਤੋਂ ਪਹਿਲਾਂ ਦਿੱਲੀ ਪੁਲਿਸ ਨੇ ਫਲਿੱਪਕਾਰਟ ਨੂੰ ਨੋਟਿਸ ਭੇਜਿਆ ਹੈ ਜਦਕਿ ਦਿੱਲੀ ਮਹਿਲਾ ਕਮਿਸ਼ਨ ਨੇ ਫਲਿੱਪਕਾਰਟ ਅਤੇ ਐਮਾਜ਼ਨ ਨੂੰ ਨੋਟਿਸ ਭੇਜਿਆ ਹੈ।
ਦਰਅਸਲ ਹਾਲ ਹੀ ‘ਚ ਦਿੱਲੀ ‘ਚ ਇਕ ਲੜਕੀ ‘ਤੇ ਹੋਏ ਤੇਜ਼ਾਬ ਹਮਲੇ ‘ਚ ਦੋਸ਼ੀ ਨੇ ਫਲਿੱਪਕਾਰਟ ਤੋਂ ਤੇਜ਼ਾਬ ਖਰੀਦਿਆ ਸੀ। ਇਸ ਘਟਨਾ ਤੋਂ ਬਾਅਦ ਆਨਲਾਈਨ ਪਲੇਟਫਾਰਮ ‘ਤੇ ਤੇਜ਼ਾਬ ਵੇਚਣ ਲਈ ਇਨ੍ਹਾਂ ਸਟੋਰਾਂ ਦੀ ਆਲੋਚਨਾ ਸ਼ੁਰੂ ਹੋ ਗਈ। ਹੁਣ ਇਸ ਮਾਮਲੇ ‘ਚ ਕਾਰਵਾਈ ਕਰਦੇ ਹੋਏ CCPA ਨੇ Flipkart ਅਤੇ Meesho ਨੂੰ ਨੋਟਿਸ ਜਾਰੀ ਕੀਤਾ ਹੈ।