ਐਨੀਮਲ ਵੈਲਫੇਅਰ ਬੋਰਡ ਆਫ ਇੰਡੀਆ (AWBI) ਨੇ ਦੇਸ਼ ਵਾਸੀਆਂ ਨੂੰ 14 ਫਰਵਰੀ ਨੂੰ ‘Cow Hug Day’ ਮਨਾਉਣ ਦੀ ਅਪੀਲ ਕੀਤੀ ਹੈ। 14 ਫਰਵਰੀ ਨੂੰ ਹੀ ‘ਵੈਲੇਨਟਾਈਨ ਡੇ’ ਪੂਰੀ ਦੁਨੀਆ ‘ਚ ਮਨਾਇਆ ਜਾਂਦਾ ਹੈ। ਬੋਰਡ ਦੀ ਅਪੀਲ ਮੁਤਾਬਕ ਕਾਊ ਹੱਗ ਡੇ ਦਾ ਮਤਲਬ ਗਾਂ ਨੂੰ ਜੱਫੀ ਪਾਉਣਾ ਹੈ।
ਭਾਰਤ ਸਰਕਾਰ ਦੇ ਮੱਛੀ ਪਾਲਣ, ਪਸ਼ੂ ਪਾਲਣ ਅਤੇ ਡੇਅਰੀ ਮੰਤਰਾਲੇ ਦੇ ਨਿਰਦੇਸ਼ਾਂ ਹੇਠ ਪਸ਼ੂ ਕਲਿਆਣ ਬੋਰਡ ਦੁਆਰਾ ਜਾਰੀ ਕੀਤੀ ਗਈ ਅਪੀਲ ਵਿੱਚ ਕਿਹਾ ਗਿਆ ਹੈ, “ਅਸੀਂ ਸਾਰੇ ਜਾਣਦੇ ਹਾਂ ਕਿ ਗਊ ਭਾਰਤੀ ਸੰਸਕ੍ਰਿਤੀ ਅਤੇ ਪੇਂਡੂ ਅਰਥਚਾਰੇ ਦੀ ਰੀੜ੍ਹ ਦੀ ਹੱਡੀ ਹੈ, ਜੋ ਸਾਡੇ ਜੀਵਨ ਅਤੇ ਪਸ਼ੂ ਧਨ ਨੂੰ ਕਾਇਮ ਰੱਖਦੀ ਹੈਇਸ ਨੂੰ ਕਾਮਧੇਨੂ ਅਤੇ ਗੌਮਾਤਾ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ ਕਿਉਂਕਿ ਇਹ ਮਾਂ ਵਰਗੀ ਪੋਸ਼ਣ ਪ੍ਰਦਾਨ ਕਰਨ ਵਾਲੀ ਕੁਦਰਤ ਹੈ ਜੋ ਮਨੁੱਖਤਾ ਨੂੰ ਸਭ ਕੁਝ ਦਿੰਦੀ ਹੈ। ਇਸ ਲਈ, ਮਾਂ ਗਊ ਦੀ ਮਹੱਤਤਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਸਾਰੇ ਗਊ ਪ੍ਰੇਮੀ ਵੀ 14 ਫਰਵਰੀ ਨੂੰ ਗਊ ਹੱਗ ਦਿਵਸ ਵਜੋਂ ਮਨਾ ਸਕਦੇ ਹਨ ਅਤੇ ਜੀਵਨ ਨੂੰ ਖੁਸ਼ਹਾਲ ਅਤੇ ਸਕਾਰਾਤਮਕ ਊਰਜਾ ਨਾਲ ਭਰਪੂਰ ਬਣਾ ਸਕਦੇ ਹਨ।