ਕਿਸੇ ਦੇ ਕੋਮਾ ਵਿੱਚ ਚਲੇ ਜਾਣ ਦਾ ਦਰਦ ਉਹੀ ਵਿਅਕਤੀ ਬਿਆਨ ਕਰ ਸਕਦਾ ਹੈ, ਜਿਸ ਦਾ ਪਿਆਰਾ ਨਾ ਚਾਹੁੰਦੇ ਹੋਏ ਵੀ ਉਸ ਦੀਆਂ ਅੱਖਾਂ ਸਾਹਮਣੇ ਹਸਪਤਾਲ ਦੇ ਬੈੱਡ ’ਤੇ ਗੂੜ੍ਹੀ ਨੀਂਦ ਵਿੱਚ ਪਿਆ ਹੋਵੇ। ਅਜਿਹੀ ਹੀ ਹਾਲਤ ‘ਚ ਇਕ ਅਮਰੀਕੀ ਔਰਤ ਸੀ, ਜੋ ਪੰਜ ਸਾਲਾਂ ਤੋਂ ਆਪਣੀ ਬੇਟੀ ਦੇ ਕੋਮਾ ‘ਚੋਂ ਬਾਹਰ ਆਉਣ ਦਾ ਇੰਤਜ਼ਾਰ ਕਰ ਰਹੀ ਸੀ। ਇਹ ਮਾਂ ਹਰ ਰੋਜ਼ ਹਸਪਤਾਲ ਜਾਂਦੀ ਸੀ ਅਤੇ ਆਪਣੀ ਧੀ ਕੋਲ ਇਸ ਆਸ ਨਾਲ ਬੈਠਦੀ ਸੀ ਕਿ ਇੱਕ ਦਿਨ ਉਹ ਜਾਗ ਕੇ ਉਸਨੂੰ ਦੁਬਾਰਾ ਜੱਫੀ ਪਾਵੇਗੀ। ਆਖਿਰਕਾਰ ਉਹ ਖੁਸ਼ੀ ਦਾ ਪਲ ਵੀ ਆ ਗਿਆ ਪਰ ਜਿਸ ਤਰ੍ਹਾਂ ਆਪਣੀ ਧੀ ਕੋਮਾ ‘ਚੋਂ ਉੱਠੀ, ਉਸ ਨੂੰ ਦੇਖ ਕੇ ਮਾਂ ਡਰ ਗਈ।
ਮਿਸ਼ੀਗਨ ਦੀ ਜੈਨੀਫਰ ਫਲੇਵੇਲਨ ਕਾਰ ਦੁਰਘਟਨਾ ਤੋਂ ਬਾਅਦ ਚਾਰ ਸਾਲ ਅਤੇ 11 ਮਹੀਨਿਆਂ ਲਈ ਕੋਮਾ ਵਿੱਚ ਸੀ। ਪਰ ਜਦੋਂ ਉਹ ਕੋਮਾ ਚੋਂ ਬਾਹਰ ਆਈ ਤਾਂ ਉਸਨੇ ਆਪਣੀ ਮਾਂ ਨੂੰ ਆਪਣੀਆਂ ਅੱਖਾਂ ਸਾਹਮਣੇ ਪਾਇਆ। ਜੈਨੀਫਰ ਦੀ ਮਾਂ ਪੈਗੀ ਮੀਨਜ਼ ਕੋਈ ਉਮੀਦ ਨਾ ਹੋਣ ‘ਤੇ ਵੀ ਆਪਣੀ ਬੇਟੀ ਨੂੰ ਮਿਲਣ ਹਸਪਤਾਲ ਜਾਂਦੀ ਸੀ। ਪਰ ਉਸਨੇ ਕਦੇ ਸੋਚਿਆ ਨਹੀਂ ਸੀ ਕਿ ਉਸਦੀ ਧੀ ਇਸ ਤਰ੍ਹਾਂ ਜਾਗ ਜਾਵੇਗੀ।
ਰਿਪੋਰਟ ਮੁਤਾਬਕ 25 ਸਤੰਬਰ 2017 ਨੂੰ ਹੋਏ ਭਿਆਨਕ ਕਾਰ ਹਾਦਸੇ ਤੋਂ ਬਾਅਦ ਜੈਨੀਫਰ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਹ ਕੋਮਾ ‘ਚ ਚਲੀ ਗਈ। ਉਦੋਂ ਉਸਦੀ ਉਮਰ 36 ਸਾਲ ਸੀ। ਇਲਾਜ ਚੱਲਦਾ ਰਿਹਾ। ਜੈਨੀਫਰ ਦੀ ਮਾਂ ਅਤੇ ਉਸ ਦੇ ਬੱਚੇ ਹਰ ਰੋਜ਼ ਆ ਕੇ ਉਸ ਨੂੰ ਚੁਟਕਲੇ ਸੁਣਾਉਂਦੇ ਸਨ ਅਤੇ ਘਰ ਨਾਲ ਜੁੜੀਆਂ ਗੱਲਾਂ ਕਰਦੇ ਸਨ।
60 ਸਾਲਾ ਪੈਗੀ ਨੇ ਕਿਹਾ, ਸ਼ੁਰੂਆਤ ‘ਚ ਜੈਨੀਫਰ ਜ਼ਿਆਦਾਤਰ ਸੁਤੀ ਰਹਿੰਦੀ ਸੀ ਪਰ ਜਿਵੇਂ-ਜਿਵੇਂ ਸਮਾਂ ਬੀਤਦਾ ਗਿਆ ਉਹ ਮਜ਼ਬੂਤ ਹੁੰਦੀ ਗਈ ਅਤੇ ਕੋਮਾ ਤੋਂ ਬਾਹਰ ਆਉਣ ਦੀ ਕੋਸ਼ਿਸ਼ ਕਰਨ ਲੱਗੀ।
ਰਿਪੋਰਟ ਮੁਤਾਬਕ 41 ਸਾਲ ਦੀ ਉਮਰ ‘ਚ ਬੇਟੀ ਅਚਾਨਕ ਕੋਮਾ ਤੋਂ ਜਾਗ ਗਈ ਅਤੇ ਉੱਚੀ-ਉੱਚੀ ਹੱਸਣ ਲੱਗੀ। ਡਾਕਟਰਾਂ ਨੇ ਪੈਗੀ ਨੂੰ ਦੱਸਿਆ ਕਿ ਉਨ੍ਹਾਂ ਦੀ ਧੀ ਨੇ ਉਨ੍ਹਾਂ ਦੇ ਚੁੱਟਕਲਿਆ ‘ਤੇ ਪ੍ਰਤੀਕਿਰਿਆ ਦਿੱਤੀ ਸੀ। ਮਿਸ਼ੀਗਨ ਦੇ ਮੈਰੀ ਫ੍ਰੀ ਬੈੱਡ ਰੀਹੈਬਲੀਟੇਸ਼ਨ ਹਸਪਤਾਲ ‘ਚ ਜੈਨੀਫਰ ਦੇ ਡਾਕਟਰ ਰਾਲਫ ਵੈਂਗ ਨੇ ਕਿਹਾ, ਇਹ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਹੈ। ਕਿਉਂਕਿ, ਅਜਿਹਾ ਸਿਰਫ 1-2% ਮਰੀਜ਼ਾਂ ਨਾਲ ਹੁੰਦਾ ਹੈ।
ਪੈਗੀ ਨੇ ਕਿਹਾ, ਕੋਮਾ ‘ਚ ਪਈ ਆਪਣੀ ਬੇਟੀ ਦਾ ਹਾਸਾ ਸੁਣ ਕੇ ਮੈਂ ਹੈਰਾਨ ਰਹਿ ਗਈ ਕਿਉਂਕਿ ਮੈਂ ਕਾਫੀ ਸਮੇਂ ਤੋਂ ਉਸ ਦੀ ਆਵਾਜ਼ ਨਹੀਂ ਸੁਣੀ ਸੀ। ਉਸ ਪਲ ਨੂੰ ਯਾਦ ਕਰਦੇ ਹੋਏ ਉਹ ਕਹਿੰਦੀ ਹੈ, ਜਦੋਂ ਜੈਨੀਫਰ ਉੱਠੀ ਤਾਂ ਮੈਂ ਉਸ ਦਾ ਹੱਸਣਾ ਸੁਣ ਕੇ ਬਹੁਤ ਘਬਰਾ ਗਈ। ਕਿਉਂਕਿ ਉਸਨੇ ਅਜਿਹਾ ਪਹਿਲਾਂ ਕਦੇ ਨਹੀਂ ਕੀਤਾ ਸੀ।
