ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਇਕ ਕੁੱਤਾ ਗਟਰ ਦੇ ਟੋਏ ‘ਚ ਬੁਰੀ ਤਰ੍ਹਾਂ ਫਸਿਆ ਹੋਇਆ ਹੈ ਅਤੇ ਉਸ ਨੂੰ ਬਚਾਉਣ ਲਈ ਫੌਜ ਦੇ ਇਕ ਜਵਾਨ ਨੇ ਜਿਸ ਕਦਰ ਮਿਹਨਤ ਕੀਤੀ ਹੈ ਉਹ ਦੁਨੀਆਭਰ ਵਿਚ ਵਾਇਰਲ ਹੋ ਰਹੀ ਹੈ। ਫੌਜੀ ਜਵਾਨ ਨੇ ਤੰਗ ਟੋਏ ਤੋਂ ਹੇਠਾਂ ਉਤਰ ਕੇ ਉਲਟਾ ਲਟਕ ਰਹੇ ਕੁੱਤੇ ਨੂੰ ਬਾਹਰ ਕੱਢਿਆ। ਇਸ ਦਾ ਵੀਡੀਓ ਸਾਹਮਣੇ ਆਇਆ ਹੈ।
ਅਸਲ ਵਿੱਚ ਇੱਕ ਯੂਜ਼ਰ ਨੇ ਇਸ ਵੀਡੀਓ ਨੂੰ ਟਵਿਟਰ ‘ਤੇ ਸ਼ੇਅਰ ਕੀਤਾ ਹੈ। ਹਾਲਾਂਕਿ ਇਹ ਵੀਡੀਓ ਟਿਕ ਟਾਕ ‘ਤੇ ਪਹਿਲਾਂ ਹੀ ਸ਼ੇਅਰ ਕੀਤੀ ਜਾ ਚੁੱਕੀ ਹੈ ਅਤੇ ਵੀਡੀਓ ‘ਚ ਯੂਜ਼ਰ ਦਾ ਨਾਂ ਵੀ ਲਿਖਿਆ ਹੋਇਆ ਹੈ। ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਕਾਲੇ ਰੰਗ ਦਾ ਕੁੱਤਾ ਅਚਾਨਕ ਗਟਰ ‘ਚ ਡਿੱਗ ਗਿਆ। ਕੁੱਤੇ ਦੀ ਆਵਾਜ਼ ਤੋਂ ਬਾਅਦ ਫੌਜ ਦੇ ਕੁਝ ਜਵਾਬ ਉਥੇ ਪਹੁੰਚ ਗਏ। ਰਿਪੋਰਟਸ ਮੁਤਾਬਕ ਇਹ ਕੁੱਤਾ ਪਾਲਤੂ ਸੀ।
ਇਸ ਤੋਂ ਬਾਅਦ ਫੌਜ ਦੇ ਜਵਾਨਾਂ ਨੇ ਉਸ ਨੂੰ ਬਾਹਰ ਕੱਢਣ ਦੀ ਯੋਜਨਾ ਬਣਾਉਣੀ ਸ਼ੁਰੂ ਕਰ ਦਿੱਤੀ। ਅੰਤ ਵਿੱਚ ਇੱਕ ਸਿਪਾਹੀ ਉਸ ਟੋਏ ਵਿੱਚ ਉਲਟਾ ਲਟਕ ਗਿਆ ਅਤੇ ਬਾਕੀ ਦੋ ਸਿਪਾਹੀ ਉਸਦੇ ਪੈਰ ਫੜ ਕੇ ਉਸਨੂੰ ਸੰਭਾਲਣ ਲੱਗੇ। ਇਸ ਤੋਂ ਬਾਅਦ ਉਸ ਨੇ ਉਸ ਟੋਏ ਦੇ ਹਨੇਰੇ ਵਿੱਚ ਕੁੱਤੇ ਨੂੰ ਖਿੱਚਣਾ ਸ਼ੁਰੂ ਕਰ ਦਿੱਤਾ। ਇਸ ਤਰਾਂ ਉਸ ਜਵਾਨ ਨੇ ਕੁੱਤੇ ਦੀ ਜਾਨ ਬਚਾ ਲਈ।
