ਫਰੀਦਾਬਾਦ ਦੇ ਐਨਆਈਟੀ ਨੰਬਰ 5 ਖੇਤਰ ਵਿੱਚ ਪੁਲਿਸ ਨੇ ਸਾਈਨ ਸਟਾਰ ਓਯੋ ‘ਤੇ ਪੁਲਿਸ ਵੱਲੋ ਛਾਪੇਮਾਰੀ ਕੀਤੀ ਗਈ ਹੈ। ਜਾਣਕਾਰੀ ਮੁਤਾਬਿਕ ਪੁਲਿਸ ਨੂੰ 5 ਨੌਜਵਾਨਾਂ ਦੇ ਨਾਲ 5 ਨਾਬਾਲਗ ਲੜਕੀਆਂ ਦੇ ਓਯੋ ਵਿੱਚ ਹੋਣ ਦੀ ਸੂਚਨਾ ਮਿਲੀ ਸੀ। ਸੂਚਨਾ ਮਿਲਦੇ ਹੀ ਐਨ.ਆਈ.ਟੀ.ਥਾਣਾ ਦੀ ਪੁਲਿਸ ਨੇ ਮੌਕੇ ‘ਤੇ ਪਹੁੰਚ ਕੇ ਕੁਝ ਨੌਜਵਾਨਾਂ ਅਤੇ ਲੜਕੀਆਂ ਨੂੰ ਹਿਰਾਸਤ ‘ਚ ਲੈ ਲਿਆ। ਹਿਰਾਸਤ ਵਿੱਚ ਲਏ ਗਏ ਨੌਜਵਾਨਾਂ ਵਿੱਚ 5 ਨੌਜਵਾਨ ਅਤੇ 2 ਲੜਕੀਆਂ ਬਾਲਗ ਦੱਸੇ ਜਾ ਰਹੇ ਹਨ ਜਦ ਕਿ ਤਿੰਨ ਲੜਕੀਆਂ ਤੋਂ ਨਾਬਾਲਗ ਦੱਸੀਆਂ ਜਾ ਰਹੀਆਂ ਹਨ।
ਦੱਸ ਦਈਏ ਕਿ ਕੁਝ ਦਿਨ ਪਹਿਲਾਂ ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਰੇਣੂ ਭਾਟੀਆ ਦੀ ਸ਼ਿਕਾਇਤ ‘ਤੇ ਪੁਲਿਸ ਨੇ ਇਸੇ ਸਾਈਨ ਸਟਾਰ ਓਯੋ ‘ਤੇ ਇਕ ਨਾਬਾਲਗ ਸਕੂਲੀ ਵਿਦਿਆਰਥਣ ਸਮੇਤ ਇਕ ਨੌਜਵਾਨ ਨੂੰ ਹਿਰਾਸਤ ਵਿਚ ਲਿਆ ਸੀ। ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਨੇ ਜ਼ਿਲ੍ਹਾ ਪ੍ਰਸ਼ਾਸਨ ਨੂੰ OYO ਨੂੰ ਸੀਲ ਕਰਨ ਦੀ ਸਿਫ਼ਾਰਸ਼ ਕੀਤੀ ਸੀ। ਪਰ ਹੁਣ ਕੁਝ ਸਮਾਜ ਸੇਵੀਆਂ ਨੇ ਦੋਸ਼ ਲਾਏ ਹਨ ਕਿ ਇਸ ਸਭ ਦੇ ਬਾਵਜੂਦ ਵੀ ਓਯੋ ‘ਚ ਅੰਨ੍ਹੇਵਾਹ ਗਲਤ ਕੰਮ ਚਲ ਰਹੇ ਸਨ।