ਲੋਕਾਂ ਨੂੰ ਖਾਣ ਪੀਣ ਸਮੇਂ ਆਪਣਾ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ। ਅਜਿਹਾ ਨਾ ਕਰਨਾ ਕਈ ਵਾਰ ਮੌਤ ਦਾ ਸਬੱਬ ਵੀ ਬਣ ਸਕਦਾ ਹੈ। ਵਿਸ਼ਵ ਵਿੱਚ 12 ਲੱਖ ਵਿੱਚੋਂ ਇੱਕ ਮੌਤ ਭੋਜਨ ਦੌਰਾਨ ਸਾਹ ਦੀ ਰੁਕਾਵਟ ਕਾਰਨ ਹੁੰਦੀ ਹੈ। ਨਵੀਂ ਦਿੱਲੀ ਸਥਿਤ ਆਲ ਇੰਡੀਆ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਿਜ਼ (ਏਮਜ਼) ਦੇ ਫੋਰੈਂਸਿਕ ਮਾਹਿਰਾਂ ਨੇ ਪੋਸਟਮਾਰਟਮ ਜਾਂਚ ਤੋਂ ਬਾਅਦ ਦੇਸ਼ ਵਿੱਚ ਅਜਿਹੇ ਹੀ ਪਹਿਲੇ ਮਾਮਲੇ ਦਾ ਪਰਦਾਫਾਸ਼ ਕੀਤਾ ਹੈ।
ਡਾਕਟਰਾਂ ਮੁਤਾਬਕ 50 ਸਾਲਾ ਵਿਅਕਤੀ ਦੱਖਣੀ ਦਿੱਲੀ ‘ਚ ਏਮਜ਼ ਨੇੜੇ ਸਥਿਤ ਇਕ ਰੈਸਟੋਰੈਂਟ ‘ਚ ਮੋਮੋਸ ਖਾ ਰਿਹਾ ਸੀ। ਅਚਾਨਕ ਉਹ ਜ਼ਮੀਨ ‘ਤੇ ਡਿੱਗ ਗਿਆ ਅਤੇ ਉਸ ਦੀ ਮੌਤ ਹੋ ਗਈ। ਏਮਜ਼ ਵਿੱਚ ਪੋਸਟਮਾਰਟਮ ਕੰਪਿਊਟਿਡ ਟੋਮੋਗ੍ਰਾਫੀ ਵਿੱਚ ਉਸ ਦੇ ਗਲੇ ਵਿੱਚ ਮੋਮੋ ਫਸਿਆ ਹੋਇਆ ਪਾਇਆ ਗਿਆ। ਪੇਟ ਵਿੱਚ ਸ਼ਰਾਬ ਵੀ ਮਿਲੀ ਸੀ। ਫੋਰੈਂਸਿਕ ਵਿਭਾਗ ਦੇ ਮੁਖੀ ਦਾ ਕਹਿਣਾ ਹੈ ਕਿ ਇਹ ਮਾਮਲਾ ਬਹੁਤ ਹੀ ਦੁਰਲੱਭ ਹੈ, ਇਸ ਤੋਂ ਸਬਕ ਲੈਣਾ ਚਾਹੀਦਾ ਹੈ।
ਡਾ. ਨੇ ਕਿਹਾ ਕਿ ਏਮਜ਼ ਵਿੱਚ ਇੱਕ ਅਤਿ-ਆਧੁਨਿਕ ਮੁਰਦਾਘਰ ਹੈ। ਪੋਸਟਮਾਰਟਮ ‘ਚ ਮ੍ਰਿਤਕ ਦੀ ਵਿੰਡ ਪਾਈਪ ਦੇ ਸ਼ੁਰੂ ‘ਚ ਡੰਪਲਿੰਗ ਵਰਗਾ ਪਦਾਰਥ ਮਿਲਿਆ ਸੀ, ਉਹ ਮੋਮੋਸ ਸੀ। ਜਿਸ ਦੇ ਫਸਣ ਕਾਰਨ ਵਿਅਕਤੀ ਦੀ ਮੌਤ ਹੋ ਗਈ ।