ਬੰਬੇ ਹਾਈ ਕੋਰਟ ਨੇ ਇੰਸਟਾਗ੍ਰਾਮ ਨੂੰ ਕਾਪੀਰਾਈਟ ਦੀ ਉਲੰਘਣਾ ਕਰਨ ਵਾਲੇ ਉਪਭੋਗਤਾਵਾਂ ਦੇ ਖਾਤਿਆਂ ਨੂੰ ਬਲਾਕ ਕਰਨ ਦਾ ਹੁਕਮ ਦਿੱਤਾ ਹੈ। ਅਦਾਲਤ ਨੇ ਕਿਹਾ ਕਿ ਵਿਆਪਕ ਗਤੀਸ਼ੀਲ ਤਰੀਕੇ ਨਾਲ, ਸੋਸ਼ਲ ਮੀਡੀਆ ਕੰਪਨੀ ਨੂੰ ਕਾਪੀਰਾਈਟ-ਉਲੰਘਣ ਕਰਨ ਵਾਲੇ ਖਾਤੇ ਨੂੰ ਖਤਮ ਕਰਨ ਅਤੇ ਇਸਦੇ ਪਲੇਟਫਾਰਮ ਤੋਂ ਉਲੰਘਣਾ ਕਰਨ ਵਾਲੇ URL ਨੂੰ ਸ਼ੇਅਰ ਕਰਨ ਦੀ ਲੋੜ ਹੈ। ਦੱਸ ਦਈਏ ਕਿ ਇਹ ਮੁਕੱਦਮਾ ਭਾਰਤੀ ਕੰਪਨੀ ਐਪਲਾਜ਼ ਐਂਟਰਟੇਨਮੈਂਟ ਦੁਆਰਾ ਦਾਇਰ ਕੀਤਾ ਗਿਆ ਸੀ, ਜਿਸ ਨੇ ਟੀਵੀ-ਸੀਰੀਜ਼ “ਸਕੈਮ 1992” ਦਾ ਨਿਰਮਾਣ ਕੀਤਾ ਸੀ।
ਦਰਅਸਲ, ਸਕੈਮ 1992 ਸੀਰੀਜ਼ ਕਾਫੀ ਮਸ਼ਹੂਰ ਹੋ ਗਈ ਸੀ ਅਤੇ ਇਸ ਦਾ ਟੀਵੀ ਪ੍ਰੋਡਕਸ਼ਨ ਲਾਇਸੈਂਸ ਸੋਨੀ ਐਲਆਈਵੀ ਨੂੰ ਦਿੱਤਾ ਗਿਆ। ਹਾਲਾਂਕਿ ਪਾਈਰੇਟਡ ਫੁਟੇਜ ਵੀ ਆਸਾਨੀ ਨਾਲ ਉਪਲਬਧ ਸੀ। ਇਹ ਲੜੀ ਨਾ ਸਿਰਫ਼ ਪਾਈਰੇਟਿਡ ਸਾਈਟਾਂ ‘ਤੇ ਉਪਲਬਧ ਸੀ, ਸਗੋਂ ਜਾਇਜ਼ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ‘ਤੇ ਵੀ ਉਪਲਬਧ ਹੋ ਗਈ। ਐਪਲਾਜ਼ ਐਂਟਰਟੇਨਮੈਂਟ ਇਸ ਪਾਈਰੇਟਿਡ ਗਤੀਵਿਧੀ ਤੋਂ ਖੁਸ਼ ਨਹੀਂ ਸੀ। ਇੰਸਟਾਗ੍ਰਾਮ ‘ਤੇ ਵੀ ਸੀਰੀਜ਼ ਦੀ ਪਾਈਰੇਟਿਡ ਸਮੱਗਰੀ ਦੀ ਵੱਡੀ ਮਾਤਰਾ ਚ ਉਪਲਬਧ ਸੀ, ਪਰ ਤੁਰੰਤ ਕਾਰਵਾਈ ਕਰਨ ਦੀ ਬਜਾਏ ਪਲੇਟਫਾਰਮ ਨੇ ਮਾਲਕੀ ਦਾ ਸਬੂਤ ਮੰਗਿਆ। ਜਿਸ ਤੋਂ ਬਾਅਦ ਮੀਡੀਆ ਕੰਪਨੀ ਨੇ ਹਾਈ ਕੋਰਟ ਤੱਕ ਪਹੁੰਚ ਕੀਤੀ। ਕੇਸ ਦੀ ਸਮੀਖਿਆ ਕਰਨ ਤੋਂ ਬਾਅਦ, ਹਾਈ ਕੋਰਟ ਨੇ ਸਿੱਟਾ ਕੱਢਿਆ ਕਿ ਸਟੂਡੀਓ ਦੇ ਅਧਿਕਾਰ ਹਨ, ਇਸ ਲਈ ਇੰਸਟਾਗ੍ਰਾਮ ਨੂੰ ਕਾਰਵਾਈ ਕਰਨੀ ਚਾਹੀਦੀ ਹੈ। ਅਦਾਲਤ ਨੇ ਇੰਸਟਾਗ੍ਰਾਮ ਨੂੰ ਵੀ ਇਨ੍ਹਾਂ ਪੋਸਟਾਂ ਨੂੰ ਹਟਾਉਣ ਦਾ ਹੁਕਮ ਦਿੱਤਾ ਹੈ।