ਹਿਮਾਚਲ ਪ੍ਰਦੇਸ਼ ਦੇ ਸ਼ਿਮਲਾ ਜ਼ਿਲੇ ਦੇ ਰਾਮਪੁਰ ‘ਚ ਦਰਦਨਾਕ ਸੜਕ ਹਾਦਸੇ ‘ਚ 4 ਲੋਕਾਂ ਦੀ ਮੌਤ ਹੋ ਗਈ ਜਦਕਿ ਇਕ ਗੰਭੀਰ ਜ਼ਖਮੀ ਹੋ ਗਿਆ। ਆਲਟੋ ਕਾਰ ਰਾਮਪੁਰ ਵਿੱਚ ਸ਼ਲੂਨ ਕੈਂਚੀ ਨੇੜੇ ਸੜਕ ਤੋਂ 500 ਮੀਟਰ ਹੇਠਾਂ ਡੂੰਘੀ ਖੱਡ ਵਿੱਚ ਡਿੱਗ ਗਈ। ਮਰਨ ਵਾਲਿਆਂ ਵਿੱਚ ਤਿੰਨ ਵਿਅਕਤੀ ਇੱਕੋ ਪਿੰਡ ਦੇ ਦੱਸੇ ਜਾ ਰਹੇ ਹਨ। ਸਾਰੇ ਇੱਕ ਵਿਆਹ ਸਮਾਗਮ ਤੋਂ ਵਾਪਸ ਆ ਰਹੇ ਸਨ। ਹਾਦਸੇ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਇਸ ਹਾਦਸੇ ‘ਚ ਮ੍ਰਿਤਕਾਂ ਦੀ ਪਛਾਣ ਅਵਿਨਾਸ਼ ਮੰਤਾ ਉਮਰ 24 ਸਾਲ, ਸੁਮਨ ਉਮਰ 22 ਸਾਲ, ਹਿਮਾਨੀ ਉਮਰ 22 ਸਾਲ ਅਤੇ ਸੰਦੀਪ ਉਮਰ 40 ਸਾਲ ਵਜੋਂ ਹੋਈ ਹੈ। ਹਾਦਸੇ ਵਿੱਚ ਸ਼ਿਵਾਨੀ (22 ਸਾਲ) ਪੁੱਤਰੀ ਦਲੀਪ ਕੁਮਾਰ ਪਿੰਡ ਕੁੱਕੀ ਡਾਕਖਾਨਾ ਦਾਰਕਾਲੀ ਤਹਿਸੀਲ ਰਾਮਪੁਰ ਜ਼ਿਲ੍ਹਾ ਸ਼ਿਮਲਾ, ਜ਼ਖ਼ਮੀ ਹੋ ਗਈ।