ਹਿਮਾਚਲ ਨਾਲ ਸੰਬੰਧਿਤ ਜਗਤ ਪ੍ਰਕਾਸ਼ ਨੱਡਾ ਨੂੰ ਕੇਂਦਰੀ ਮੰਤਰੀ ਬਣਨ ‘ਤੇ ਮੁੱਖ ਮੰਤਰੀ ਸੁਖਵਿੰਦਰ ਸਿੰਘ ਸੁੱਖੂ ਨੇ ਵਧਾਈ ਦਿੱਤੀ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਨੱਡਾ ਸੂਬੇ ਦੀਆਂ ਮੁਸ਼ਕਲ ਭੂਗੋਲਿਕ ਸਥਿਤੀਆਂ ਤੋਂ ਚੰਗੀ ਤਰ੍ਹਾਂ ਜਾਣੂ ਹਨ। ਉਨ੍ਹਾਂ ਆਸ ਪ੍ਰਗਟਾਈ ਕਿ ਉਹ ਸੂਬੇ ਦੇ ਲੋਕਾਂ ਦੀਆਂ ਵਿਕਾਸ ਸਬੰਧੀ ਮੰਗਾਂ ਨੂੰ ਪੂਰਾ ਕਰਨ ਲਈ ਕੰਮ ਕਰਨਗੇ।
ਦੱਸ ਦਈਏ ਕਿ ਵਿਰੋਧੀ ਧਿਰ ਦੇ ਨੇਤਾ ਜੈਰਾਮ ਠਾਕੁਰ ਨੇ ਵੀ ਕੇਂਦਰੀ ਮੰਤਰੀ ਬਣਨ ਵਾਲੇ ਜੇਪੀ ਨੱਡਾ ਨੂੰ ਵਧਾਈ ਦਿੱਤੀ ਹੈ। ਭਾਜਪਾ ਦੇ ਸੂਬਾ ਪ੍ਰਧਾਨ ਰਾਜੀਵ ਬਿੰਦਲ, ਜਨਰਲ ਸਕੱਤਰ ਤ੍ਰਿਲੋਕ ਕਪੂਰ, ਬਿਹਾਰੀ ਲਾਲ ਸ਼ਰਮਾ, ਰਾਜ ਸਭਾ ਮੈਂਬਰ ਸਿਕੰਦਰ ਕੁਮਾਰ, ਮੁੱਖ ਬੁਲਾਰੇ ਰਾਕੇਸ਼ ਜਾਮਵਾਲ, ਮੀਡੀਆ ਇੰਚਾਰਜ ਕਰਨ ਨੰਦਾ, ਤ੍ਰਿਲੋਕ ਜਾਮਵਾਲ, ਸੰਦੀਪਨੀ ਭਾਰਦਵਾਜ, ਵਿਨੋਦ ਕੁਮਾਰ, ਜਨਕ ਰਾਜ, ਹਰਸ਼ ਮਹਾਜਨ, ਇੰਦੂ ਗੋਸਵਾਮੀ ਸਮੇਤ ਹੋਰ ਕਈ ਨੇਤਾਵਾਂ ਨੇ ਵੀ ਨੱਡਾ ਨੂੰ ਵਧਾਈ ਦਿੱਤੀ ਹੈ।
ਜੇਪੀ ਨੱਡਾ 1994, 1998 ਅਤੇ 2007 ਵਿੱਚ ਤਿੰਨ ਵਾਰ ਹਿਮਾਚਲ ਦੀ ਬਿਲਾਸਪੁਰ ਸਦਰ ਸੀਟ ਤੋਂ ਵਿਧਾਇਕ ਰਹਿ ਚੁੱਕੇ ਹਨ। ਤਿੰਨ ਵਾਰ ਰਾਜ ਸਭਾ ਮੈਂਬਰ, 1998 ਅਤੇ 2007 ਵਿੱਚ ਦੋ ਵਾਰ ਹਿਮਾਚਲ ਵਿੱਚ ਕੈਬਨਿਟ ਮੰਤਰੀ ਅਤੇ 1994 ਵਿੱਚ ਹਿਮਾਚਲ ਵਿੱਚ ਵਿਰੋਧੀ ਧਿਰ ਦੇ ਨੇਤਾ ਰਹੇ।