ਇਸ ਸਾਲ ਹੋਲੀ ਦਾ ਤਿਓਹਾਰ ਸੋਮਵਾਰ, 25 ਮਾਰਚ 2024 ਨੂੰ ਮਨਾਇਆ ਜਾਵੇਗਾ। ਅਜਿਹੇ ‘ਚ ਤੁਸੀਂ ਕੁਦਰਤੀ ਰੰਗਾਂ ਨੂੰ ਘਰ ‘ਚ ਹੀ ਤਿਆਰ ਕਰ ਸਕਦੇ ਹੋ ਅਤੇ ਇਸ ‘ਚ ਜ਼ਿਆਦਾ ਪੈਸਾ ਵੀ ਨਹੀਂ ਲੱਗਦਾ ਹੈ। ਅਸਲ ‘ਚ ਬਾਜ਼ਾਰ ‘ਚ ਮਿਲਣ ਵਾਲੇ ਰੰਗਾਂ ‘ਚ ਕੈਮੀਕਲ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਜੋ ਤੁਹਾਡੀ ਚਮੜੀ ਨੂੰ ਬਹੁਤ ਨੁਕਸਾਨ ਪਹੁੰਚਾਉਂਦੀ ਹੈ। ਇਸ ਦੇ ਉਲਟ ਘਰ ‘ਚ ਤਿਆਰ ਕੀਤੇ ਗਏ ਇਨ੍ਹਾਂ ਰੰਗਾਂ ਵਿੱਚ ਸਾਰੇ ਕੁਦਰਤੀ ਤੱਤ ਹੁੰਦੇ ਹਨ ਜੋ ਚਮੜੀ ਲਈ ਚੰਗੇ ਹੁੰਦੇ ਹਨ।ਤਾਂ ਆਓ ਜਾਣਦੇ ਹਾਂ ਕੁਦਰਤੀ ਚੀਜ਼ ਨਾਲ ਘਰ ‘ਚ ਰੰਗ ਬਣਾਉਣ ਦਾ ਤਰੀਕਾ-
ਘਰ ‘ਚ ਰੱਖੀਆਂ ਚੀਜ਼ਾਂ ਤੋਂ ਬਣਾਓ ਕੁਦਰਤੀ ਰੰਗ
ਛੋਲੇ ਅਤੇ ਹਲਦੀ ਵਰਗੀਆਂ ਚੀਜ਼ਾਂ ਹਰ ਕਿਸੇ ਦੇ ਘਰ ਆਸਾਨੀ ਨਾਲ ਮਿਲ ਜਾਂਦੀਆਂ ਹਨ। ਇਸ ਦੇ ਲਈ ਸਭ ਤੋਂ ਪਹਿਲਾਂ ਛੋਲਿਆਂ ਨੂੰ ਮਿਕਸਰ ‘ਚ ਪਾ ਕੇ ਚੰਗੀ ਤਰ੍ਹਾਂ ਪੀਸ ਲਓ ਅਤੇ ਫਿਰ ਇਸ ‘ਚ ਥੋੜ੍ਹੀ ਜਿਹੀ ਹਲਦੀ ਮਿਲਾ ਲਓ। ਜੇਕਰ ਤੁਹਾਡੇ ਘਰ ‘ਚ ਮੈਰੀਗੋਲਡ/ਗੇਂਦੇ ਦੇ ਫੁੱਲ ਹਨ ਤਾਂ ਉਨ੍ਹਾਂ ਨੂੰ ਸੁਕਾ ਲਓ, ਬਰੀਕ ਪਾਊਡਰ ਤਿਆਰ ਕਰ ਲਓ ਅਤੇ ਇਸ ਨੂੰ ਰੰਗ ‘ਚ ਮਿਲਾ ਲਓ, ਇਸ ਤਰ੍ਹਾਂ ਤੁਹਾਡਾ ਸਕਿਨ ਫ੍ਰੈਂਡਲੀ ਕਲਰ ਤਿਆਰ ਹੋ ਜਾਵੇਗਾ।
ਗੁਲਾਬ ਅਤੇ ਚੰਦਨ ਤੋਂ ਗੁਲਾਲ ਬਣਾਓ
ਜੇਕਰ ਤੁਸੀਂ ਘਰ ‘ਚ ਕੁਦਰਤੀ ਅਤੇ ਸੁਗੰਧਿਤ ਗੁਲਾਲ ਬਣਾਉਣਾ ਚਾਹੁੰਦੇ ਹੋ, ਤਾਂ ਤਾਜ਼ੇ ਗੁਲਾਬ ਦੇ ਫੁੱਲਾਂ ਨੂੰ ਸੁਕਾ ਕੇ ਬਰੀਕ ਪਾਊਡਰ ਬਣਾ ਲਓ, ਇਸ ‘ਚ ਚੰਦਨ ਦਾ ਪਾਊਡਰ ਪਾਓ ਅਤੇ ਤੇਲ ਦੀਆਂ ਕੁਝ ਬੂੰਦਾਂ ਪਾਓ ਅਤੇ ਚੰਗੀ ਤਰ੍ਹਾਂ ਮਿਲਾਓ। ਇਸ ਤਰ੍ਹਾਂ ਤੁਹਾਡਾ ਖੁਸ਼ਬੂਦਾਰ ਗੁਲਾਲ ਤਿਆਰ ਹੋ ਜਾਵੇਗਾ।
ਸਬਜ਼ੀਆਂ ਤੋਂ ਰੰਗ ਬਣਾਓ-
ਜੇਕਰ ਤੁਸੀਂ ਲਾਲ ਰੰਗ ਤਿਆਰ ਕਰਨਾ ਚਾਹੁੰਦੇ ਹੋ, ਤਾਂ ਲਾਲ ਗੁਲਾਬ, ਚੁਕੰਦਰ, ਲਾਲ ਹਿਬਿਸਕਸ ਵਰਗੀਆਂ ਚੀਜ਼ਾਂ ਨੂੰ ਪੀਸ ਲਓ, ਇਨ੍ਹਾਂ ਸਾਰੀਆਂ ਚੀਜ਼ਾਂ ਨੂੰ ਇੱਕ ਬਰੀਕ ਸੂਤੀ ਕੱਪੜੇ ਵਿੱਚ ਬੰਨ੍ਹੋ, ਪਾਣੀ ਵਿੱਚ ਪਾਓ ਅਤੇ ਉਦੋਂ ਤੱਕ ਚੰਗੀ ਤਰ੍ਹਾਂ ਉਬਾਲੋ ਜਦੋਂ ਤੱਕ ਪਾਣੀ ਵਿੱਚ ਚੰਗਾ ਰੰਗ ਦਿਖਾਈ ਨਾ ਦੇਣ ਲਗ ਜਾਏ। ਹੁਣ ਬੰਡਲ ਨੂੰ ਕੱਢ ਕੇ ਰੰਗ ਵਿੱਚ ਨਿਚੋੜ ਲਓ ਅਤੇ ਇਸ ਤਰ੍ਹਾਂ ਤੁਹਾਡਾ ਰੰਗ ਤਿਆਰ ਹੋ ਜਾਵੇਗਾ। ਜੇ ਤੁਸੀਂ ਚਾਹੋ, ਤਾਂ ਤੁਸੀਂ ਹਰ ਚੀਜ਼ ਨੂੰ ਸਿੱਧੇ ਪਾਣੀ ਵਿੱਚ ਉਬਾਲ ਸਕਦੇ ਹੋ.