ਪੱਛਮੀ ਬੰਗਾਲ ਦੀ ਇੱਕ ਕੁੜੀ ਨੇ 100 ਦਿਨ ਲਗਾਤਾਰ 9 ਘੰਟੇ ਸੌਣ ਦਾ ਰਿਕਾਰਡ ਬਣਾਇਆ ਹੈ। ਇਸ ਲੜਕੀ ਦਾ ਨਾਂ ਤ੍ਰਿਪਰਣਾ ਚੱਕਰਵਰਤੀ ਹੈ, ਜੋ ਹੁਗਲੀ ਦੇ ਸ਼੍ਰੀਰਾਮਪੁਰ ਦੀ ਰਹਿਣ ਵਾਲੀ ਹੈ। ਤ੍ਰਿਪਰਣਾ ਨੇ 4.5 ਲੱਖ ਪ੍ਰਤੀਯੋਗੀਆਂ ਨੂੰ ਹਰਾ ਕੇ ਖਿਤਾਬ ਜਿੱਤਿਆ। ਦਿਲਚਸਪ ਗੱਲ ਇਹ ਹੈ ਕਿ ਤ੍ਰਿਪਰਣਾ ਨੂੰ ਖਿਤਾਬ ਜਿੱਤਣ ਲਈ 6 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਵੀ ਦਿੱਤੀ ਗਈ ਹੈ। ਜਿੱਤ ਤੋਂ ਬਾਅਦ ਤ੍ਰਿਪਰਣਾ ਨੇ ਦੱਸਿਆ ਕਿ ਉਹ ਰਾਤ ਨੂੰ ਜਾਗਦੀ ਸੀ ਅਤੇ ਦਿਨ ਨੂੰ ਸੌਂਦੀ ਸੀ। ਉਸ ਨੇ ਕਿਹਾ ਕਿ ਉਸ ਨੂੰ ਮਿਲਣ ਵਾਲੀ ਇਨਾਮੀ ਰਾਸ਼ੀ ਨਾਲ ਉਹ ਆਪਣੀ ਪਸੰਦ ਅਤੇ ਲੋੜ ਦੀਆਂ ਚੀਜ਼ਾਂ ਖਰੀਦੇਗੀ।
ਦੱਸ ਦਈਏ ਕਿ ਇਹ ਮੁਕਾਬਲਾ ਆਲ ਇੰਡੀਆ ਪੱਧਰ ‘ਤੇ ਕਰਵਾਇਆ ਗਿਆ ਸੀ, ਜਿਸ ‘ਚ 4.5 ਲੱਖ ਲੋਕਾਂ ਨੇ ਅਪਲਾਈ ਕੀਤਾ ਸੀ। ਇਨ੍ਹਾਂ ਵਿੱਚੋਂ 15 ਪ੍ਰਤੀਯੋਗੀਆਂ ਦੀ ਚੋਣ ਕੀਤੀ ਗਈ। ਇਸ ਵਿੱਚੋਂ ਸਿਰਫ਼ ਚਾਰ ਵਿਅਕਤੀ ਹੀ ਫਾਈਨਲ ਲਈ ਚੁਣੇ ਗਏ ਸਨ। ਤ੍ਰਿਪਰਣਾ ਨੇ ਇਸ ਮੁਕਾਬਲੇ ਦੀ ਜਾਣਕਾਰੀ ਇਕ ਵੈੱਬਸਾਈਟ ਰਾਹੀਂ ਹਾਸਲ ਕੀਤੀ। ਜਿੱਤ ਤੋਂ ਬਾਅਦ ਤ੍ਰਿਪਰਣਾ ਨੇ ਦੱਸਿਆ ਕਿ ਇਸ ਮੁਕਾਬਲੇ ਲਈ ਚਾਰੇ ਪ੍ਰਤੀਯੋਗੀਆਂ ਨੂੰ ਇੱਕ ਗੱਦਾ ਅਤੇ ਇੱਕ ਸਲੀਪ ਟਰੈਕਰ ਦਿੱਤਾ ਗਿਆ ਸੀ। ਉਨ੍ਹਾਂ ਸਾਰਿਆਂ ਨੂੰ ਸੌਣ ਦਾ ਹੁਨਰ ਦਿਖਾਉਣ ਲਈ ਕਿਹਾ ਗਿਆ ਸੀ।