ਭਾਰਤ ਨੇ ਚੱਕਰਵਾਤ ਯਾਗੀ ਕਾਰਨ ਆਏ ਹੜ੍ਹਾਂ ਅਤੇ ਜ਼ਮੀਨ ਖਿਸਕਣ ਨਾਲ ਪ੍ਰਭਾਵਿਤ ਵੀਅਤਨਾਮ ਦੀ ਮਦਦ ਲਈ 1 ਮਿਲੀਅਨ ਡਾਲਰ (ਲਗਭਗ 8.4 ਕਰੋੜ ਰੁਪਏ) ਦੀ ਰਾਹਤ ਸਮੱਗਰੀ ਭੇਜੀ ਹੈ। ਭਾਰਤ ਨੇ ਇਸ ਨੂੰ ਆਪਰੇਸ਼ਨ ਸਦਭਾਵ ਦਾ ਨਾਂ ਦਿੱਤਾ ਹੈ।
ਇਸ ਆਪਰੇਸ਼ਨ ਤਹਿਤ ਭਾਰਤ ਨੇ ਕੁੱਲ 35 ਟਨ ਰਾਹਤ ਸਮੱਗਰੀ ਜਿਵੇਂ ਵਾਟਰ ਫਿਲਟਰ, ਪਾਣੀ ਦੇ ਕੰਟੇਨਰ, ਕੰਬਲ, ਰਸੋਈ ਦੇ ਬਰਤਨ ਅਤੇ ਸੂਰਜੀ ਲਾਲਟੈਣ ਭੇਜੇ ਹਨ। ਇਹ ਸਮੱਗਰੀ ਹਵਾਈ ਸੈਨਾ ਦੇ ਸੀ17 ਜਹਾਜ਼ਾਂ ਦੁਆਰਾ ਭੇਜੀ ਗਈ ਸੀ। ਯਾਗੀ ਕਾਰਨ ਵੀਅਤਨਾਮ ਵਿੱਚ ਹੋਏ ਨੁਕਸਾਨ ਤੋਂ ਬਾਅਦ ਪ੍ਰਧਾਨ ਮੰਤਰੀ ਮੋਦੀ ਅਤੇ ਵਿਦੇਸ਼ ਮੰਤਰੀ ਜੈਸ਼ੰਕਰ ਨੇ ਵੀਅਤਨਾਮ ਦੇ ਲੋਕਾਂ ਪ੍ਰਤੀ ਹਮਦਰਦੀ ਪ੍ਰਗਟਾਈ ਸੀ।
ਵੀਅਤਨਾਮ ਵਿੱਚ ਤੂਫ਼ਾਨ ਯਾਗੀ ਕਾਰਨ ਆਏ ਹੜ੍ਹਾਂ ਅਤੇ ਜ਼ਮੀਨ ਖਿਸਕਣ ਕਾਰਨ 200 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਅਤੇ ਕਈ ਲੋਕ ਲਾਪਤਾ ਹਨ। 800 ਤੋਂ ਵੱਧ ਜ਼ਖਮੀ ਹੋਏ ਹਨ। 10 ਸਤੰਬਰ ਨੂੰ ਲਾਓ ਕਾਈ ਸੂਬੇ ਵਿੱਚ ਜ਼ਮੀਨ ਖਿਸਕਣ ਕਾਰਨ ਲੰਗ ਨੂ ਪਿੰਡ ਮਿੱਟੀ ਵਿੱਚ ਦੱਬ ਗਿਆ।
