ਨਵੀਂ ਦਿੱਲੀ, 26 ਫਰਵਰੀ 2022 – ਰੂਸ ਅਤੇ ਯੂਕਰੇਨ ਵਿਚਾਲੇ ਜੰਗ ਦੇ ਦੂਜੇ ਦਿਨ ਕਈ ਭਾਰਤੀ ਵਿਦਿਆਰਥੀ ਸਰਹੱਦ ਤੋਂ ਕੁਝ ਕਿਲੋਮੀਟਰ ਦੀ ਦੂਰੀ ‘ਤੇ ਸਥਿਤ ਸੁਮੀ ਸ਼ਹਿਰ ਦੀ ਸਟੇਟ ਮੈਡੀਕਲ ਯੂਨੀਵਰਸਿਟੀ ‘ਚ ਫਸੇ ਹੋਏ ਹਨ।
ਵਿਦਿਆਰਥੀਆਂ ਦਾ ਕਹਿਣਾ ਹੈ ਕਿ ਉਹ ਯੂਕਰੇਨ ਦੀ ਸਰਹੱਦ ਨਾਲ ਲੱਗਦੇ ਰੋਮਾਨੀਆ, ਹੰਗਰੀ, ਪੋਲੈਂਡ ਅਤੇ ਸਲੋਵਾਕੀਆ ਦੇਸ਼ਾਂ ਵਿਚ ਜਾ ਕੇ ਘਰ ਲਈ ਰਵਾਨਾ ਹੋ ਸਕਦੇ ਹਨ। ਪਰ ਹੁਣ ਉਨ੍ਹਾਂ ਕੋਲ ਕੋਈ ਪੈਸਾ ਨਹੀਂ ਬਚਿਆ ਹੈ। ਟਰਾਂਸਪੋਰਟਰ ਕਾਲਾਬਾਜ਼ਾਰੀ ਕਰ ਰਹੇ ਹਨ। ਬੈਂਕ ਬੰਦ ਹਨ, ਅਤੇ ਹਰ ਕੋਈ ਸਿਰਫ਼ ਸਹੂਲਤ ਲਈ ਅਮਰੀਕੀ ਡਾਲਰਾਂ ਦੀ ਮੰਗ ਕਰ ਰਿਹਾ ਹੈ, ਅਤੇ ਉਹਨਾਂ ਕੋਲ ਇਹ ਨਹੀਂ ਹੈ। ਵਿਦਿਆਰਥੀਆਂ ਨੇ ਅਪੀਲ ਕੀਤੀ ਹੈ ਕਿ ਹੁਣ ਭਾਰਤ ਸਰਕਾਰ ਆਪਣੇ ਪੱਧਰ ’ਤੇ ਉਨ੍ਹਾਂ ਨੂੰ ਇੱਥੋਂ ਬਾਹਰ ਕੱਢੇ।
ਵਿਦਿਆਰਥੀਆਂ ਨੇ ਦੱਸਿਆ ਕਿ ਜੰਗ ਦੇ ਪਹਿਲੇ ਦਿਨ ਸੁਮੀ ਸ਼ਹਿਰ ‘ਚ ਗੋਲੀਬਾਰੀ ਦਾ ਮਾਹੌਲ ਸੀ। ਹੁਣ ਇੱਥੇ ਸਥਿਤੀ ਸਥਿਰ ਹੈ। ਰੂਸੀ ਫੌਜ ਦਾ ਪੂਰਾ ਧਿਆਨ ਹੁਣ ਯੂਕਰੇਨ ਦੀ ਰਾਜਧਾਨੀ ਕੀਵ ‘ਤੇ ਹੈ। ਉਹਨਾਂ ਇਹ ਵੀ ਦੱਸਿਆ ਕੇ ਹਾਲਾਂਕਿ ਫੌਜ ਪਹਿਲੇ ਦਿਨ ਤੋਂ ਕਿਸੇ ਵੀ ਆਮ ਨਾਗਰਿਕ ਨੂੰ ਕੁਝ ਨਹੀਂ ਕਹਿ ਰਹੀ ਹੈ। ਕੋਈ ਵੀ ਆਮ ਨਾਗਰਿਕ ਵੀ ਦੇਸ਼ ਦੀਆਂ ਸਰਹੱਦਾਂ ਪਾਰ ਕਰ ਸਕਦਾ ਹੈ। ਬਸ਼ਰਤੇ ਉਹ ਖੁਦ ਟਰਾਂਸਪੋਰਟ ਦਾ ਖਰਚਾ ਚੁੱਕ ਸਕੇ। ਟਰਾਂਸਪੋਰਟਰ ਹਰ ਦੋ ਕਿਲੋਮੀਟਰ ਲਈ 200 ਤੋਂ 250 ਅਮਰੀਕੀ ਡਾਲਰ ਦੀ ਮੰਗ ਕਰ ਰਹੇ ਹਨ। ਯੂਕਰੇਨ ਦੀ ਮੁਦਰਾ ਦੀ ਹੁਣ ਕੋਈ ਜ਼ਿਆਦਾ ਕੀਮਤ ਨਹੀਂ ਰਹੀ।
