ਅਮਰੀਕਾ ‘ਚ ਚੋਰਾਂ ਵੱਲੋਂ ਐਪਲ ਸਟੋਰ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ 436 ਆਈਫੋਨ ਚੋਰੀ ਕਰਨ ਦਾ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਇਨ੍ਹਾਂ ਸਾਰੇ ਆਈਫੋਨ ਦੀ ਕੁੱਲ ਕੀਮਤ 4.10 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ। ਸੀਏਟਲ ਦੇ ਇੱਕ ਸਥਾਨਕ ਨਿਊਜ਼ ਚੈਨਲ ਕਿੰਗ 5 ਨਿਊਜ਼ ਦੀ ਰਿਪੋਰਟ ਮੁਤਾਬਕ, ਚੋਰਾਂ ਨੇ ਸੀਏਟਲ ਕੌਫੀ ਗੀਅਰ ਦੁਕਾਨ ‘ਚ ਸੇਂਧ ਲਾ ਕੇ ਅਤੇ ਐਪਲ ਸਟੋਰ ਦੇ ਪਿਛਲੇ ਕਮਰੇ ਤੱਕ ਪਹੁੰਚ ਪ੍ਰਾਪਤ ਕਰਨ ਲਈ ਬਾਥਰੂਮ ਦੀ ਕੰਧ ਵਿੱਚ ਇੱਕ ਮੋਰੀ ਬਣਾ ਦਿੱਤੀ। ਚੋਰਾਂ ਨੇ ਐਪਲ ਸਟੋਰ ਦੀ ਸੁਰੱਖਿਆ ਨੂੰ ਚਕਮਾ ਦਿੰਦਿਆਂ ਲਗਭਗ $500,000 (ਕਰੀਬ 4.10 ਕਰੋੜ ਰੁਪਏ) ਦੇ 436 ਆਈਫੋਨ ਚੋਰੀ ਕਰਨ ਲਈ ਗੁਆਂਢੀ ਕੌਫੀ ਸ਼ਾਪ ਦੀ ਵਰਤੋਂ ਕੀਤੀ।
ਐਪਲ ਦੇ ਰਿਟੇਲ ਅਤੇ ਖੇਤਰੀ ਮੈਨੇਜਰ ਐਰਿਕ ਮਾਰਕਸ ਨੇ ਖੁਲਾਸਾ ਕੀਤਾ ਕਿ ਘਟਨਾ ਤੋਂ ਬਾਅਦ ਸਵੇਰੇ ਉਨ੍ਹਾਂ ਨੂੰ ਇੱਕ ਕਾਲ ਆਈ ਪਰ ਉਹ ਵਿਸ਼ਵਾਸ ਨਹੀਂ ਕਰ ਪਾਏ ਕਿ ਇਹ ਅਸਲ ਵਿੱਚ ਹੋਇਆ ਹੈ। ਹਾਲਾਂਕਿ, ਪੁਲਿਸ ਨੇ ਪੁਸ਼ਟੀ ਕੀਤੀ ਕਿ ਇਕ ਦੁਕਾਨ ਦੀ ਵਰਤੋਂ ਐਪਲ ਸਟੋਰ ਤੱਕ ਪਹੁੰਚ ਪ੍ਰਾਪਤ ਕਰਨ ਲਈ ਕੀਤੀ ਗਈ ਸੀ। ਮਾਰਕਸ ਨੇ ਕਿਹਾ, “ਮੈਨੂੰ ਕਦੇ ਸ਼ੱਕ ਨਹੀਂ ਹੋਇਆ ਕਿ ਚੋਰ ਸਟੋਰ ਦੇ ਆਲੇ ਦੁਆਲੇ ਸਨ। ਹੈਰਾਨੀ ਦੀ ਗੱਲ ਹੈ ਕਿ ਚੋਰਾਂ ਨੇ ਮਾਲ ਲੇਆਉਟ ਤੱਕ ਕਿਵੇਂ ਪਹੁੰਚ ਕੀਤੀ।” ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।