ਆਂਧਰਾ ਪ੍ਰਦੇਸ਼ ਦੇ ਸ਼੍ਰੀਹਰੀਕੋਟਾ ਸਟੇਸ਼ਨ ਤੋਂ ਚੰਦਰਯਾਨ-3 ਦੇ ਲਾਂਚ ਲਈ 25:30 ਘੰਟੇ ਦੀ ਕਾਊਂਟਡਾਊਨ ਵੀਰਵਾਰ ਨੂੰ ਦੁਪਹਿਰ 1.05 ਵਜੇ ਤੇ ਸ਼ੁਰੂ ਹੋ ਗਈ। ਲਾਂਚਿੰਗ ਸ਼ੁੱਕਰਵਾਰ ਨੂੰ ਦੁਪਹਿਰ 2:35 ਵਜੇ ਸਤੀਸ਼ ਧਵਨ ਸਪੇਸ ਸੈਂਟਰ ਤੋਂ ਹੋਵੇਗੀ। ਚੰਦਰਯਾਨ-3 ਦੇ ਲਾਂਚ ਤੋਂ ਪਹਿਲਾਂ ਵੀਰਵਾਰ ਸਵੇਰੇ ਵਿਗਿਆਨੀਆਂ ਨੇ ਤਿਰੁਮਾਲਾ ਦੇ ਸ਼੍ਰੀ ਵੈਂਕਟੇਸ਼ਵਰ ਮੰਦਰ ‘ਚ ਪੂਜਾ ਕੀਤੀ। ਚੰਦਰਯਾਨ-3 ਨੂੰ ਦੇਸ਼ ਦੇ ਅਭਿਲਾਸ਼ੀ ਚੰਦਰ ਮਿਸ਼ਨ ਦੇ ਤਹਿਤ 14 ਜੁਲਾਈ ਨੂੰ ਦੁਪਹਿਰ 2:35 ਵਜੇ ਲਾਂਚ ਕੀਤਾ ਜਾਵੇਗਾ।
ਮੰਦਰ ਪਹੁੰਚੀ ਵਿਗਿਆਨਕ ਟੀਮ ‘ਚ ਤਿੰਨ ਔਰਤਾਂ ਅਤੇ ਦੋ ਪੁਰਸ਼ ਸ਼ਾਮਲ ਸਨ, ਜਿਨ੍ਹਾਂ ਦੇ ਵੀਰਵਾਰ ਸਵੇਰੇ ਮੰਦਰ ਪਹੁੰਚਣ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਆਈਆਂ ਹਨ। ਤਿਰੁਮਾਲਾ ਤਿਰੂਪਤੀ ਦੇਵਸਥਾਨਮ (TTD) ਦੇ ਇੱਕ ਅਧਿਕਾਰੀ ਨੇ ਵੀ ਟੀਮ ਦੇ ਮੰਦਰ ਪਹੁੰਚਣ ਦੀ ਪੁਸ਼ਟੀ ਕੀਤੀ ਹੈ। ਦੱਸ ਦਈਏ ਕਿ ਚੰਦਰਮਾ ‘ਤੇ ਯਾਨ ਦੀ ”ਸਾਫਟ ਲੈਂਡਿੰਗ” ਕਰਨ ਯਾਨੀ ਵਾਹਨ ਨੂੰ ਸੁਰੱਖਿਅਤ ਤਰੀਕੇ ਨਾਲ ਉਤਾਰਨ ਦਾ ਇਸਰੋ ਦਾ ਇਹ ਮਿਸ਼ਨ ਜੇਕਰ ਸਫਲ ਹੋ ਜਾਂਦਾ ਹੈ ਤਾਂ ਭਾਰਤ ਉਨ੍ਹਾਂ ਚੁਣੇ ਹੋਏ ਦੇਸ਼ਾਂ ਦੀ ਸੂਚੀ ‘ਚ ਸ਼ਾਮਲ ਹੋ ਜਾਵੇਗਾ, ਜੋ ਅਜਿਹਾ ਕਰ ਸਕਣ ਚ ਸਫਲ ਹੋਏ ਹਨ। ਇਸ ਲਈ ਦੇਸ਼ ਦੇ ਅਭਿਲਾਸ਼ੀ ਚੰਦਰ ਮਿਸ਼ਨ ਦੇ ਤਹਿਤ ਚੰਦਰਯਾਨ-3 ਨੂੰ ‘ਫੈਟ ਬੁਆਏ’ LVM-M4 ਰਾਕੇਟ ਦੁਆਰਾ ਲਿਜਾਇਆ ਜਾਵੇਗਾ।