ਦਿੱਗਜ ਅਭਿਨੇਤਰੀ ਅਤੇ ਸਮਾਜਵਾਦੀ ਪਾਰਟੀ ਦੀ ਸੰਸਦ ਮੈਂਬਰ ਜਯਾ ਬੱਚਨ ਹਾਲ ਹੀ ‘ਚ ਆਪਣੇ ਪਤੀ ਅਮਿਤਾਭ ਬੱਚਨ ਦਾ ਨਾਂ ਆਪਣੇ ਨਾਂ ਨਾਲ ਜੋੜਨ ‘ਤੇ ਗੁੱਸੇ ‘ਚ ਆ ਗਈ ਹੈ। ਉਨ੍ਹਾਂ ਨੇ ਇੱਥੋਂ ਤੱਕ ਕਿਹਾ ਕਿ ਜੇਕਰ ਸਿਰਫ ਜਯਾ ਬੱਚਨ ਬੋਲਦੇ ਤਾਂ ਕਾਫੀ ਸੀ। ਜਯਾ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ‘ਤੇ ਕਈ ਯੂਜ਼ਰਸ ਉਨ੍ਹਾਂ ਨੂੰ ਟ੍ਰੋਲ ਵੀ ਕਰ ਰਹੇ ਹਨ।
ਦਰਅਸਲ, ਰਾਜ ਸਭਾ ਦੇ ਡਿਪਟੀ ਚੇਅਰਮੈਨ ਹਰੀਵੰਸ਼ ਨਰਾਇਣ ਸਿੰਘ ਨੇ ਸਦਨ ਵਿੱਚ ਜਯਾ ਬੱਚਨ ਨੂੰ ‘ਸ਼੍ਰੀਮਤੀ ਜਯਾ ਅਮਿਤਾਭ ਬੱਚਨ ਜੀ’ ਕਹਿ ਕੇ ਸੰਬੋਧਨ ਕੀਤਾ। ਇਸ ‘ਤੇ ਜਯਾ ਸਦਨ ​​’ਚ ਡਿਪਟੀ ਸਪੀਕਰ ‘ਤੇ ਗੁੱਸੇ ‘ਚ ਆ ਗਈ। ਉਨ੍ਹਾਂ ਨੇ ਕਿਹਾ- “ਸਰ, ਸਿਰਫ ਜਯਾ ਬੱਚਨ ਹੀ ਬੋਲਦੇ ਤਾਂ ਕਾਫੀ ਸੀ।”
ਇਸ ‘ਤੇ ਡਿਪਟੀ ਚੇਅਰਮੈਨ ਨੇ ਵੀ ਜਵਾਬ ਦਿੱਤਾ ਕਿ ਇੱਥੇ ਪੂਰਾ ਨਾਂ ਲਿਖਿਆ ਹੋਇਆ ਸੀ ਇਸ ਲਈ ਮੈਂ ਦੁਹਰਾਇਆ। ਇਸ ਦਾ ਜਵਾਬ ਦਿੰਦੇ ਹੋਏ ਜਯਾ ਨੇ ਕਿਹਾ- “ਇਹ ਕੁਝ ਨਵਾਂ ਸ਼ੁਰੂ ਹੋਇਆ ਹੈ ਕਿ ਔਰਤਾਂ ਨੂੰ ਆਪਣੇ ਪਤੀ ਦੇ ਨਾਂ ਨਾਲ ਹੀ ਜਾਣਿਆ ਜਾਵੇ। ਕੀ ਉਨ੍ਹਾਂ ਦਾ ਕੋਈ ਅਸਤਿਤਵ ਨਹੀਂ ਹੈ। ਉਨ੍ਹਾਂ ਦੀ ਆਪਣੇ ਆਪ ਵਿੱਚ ਕੋਈ ਪ੍ਰਾਪਤੀ ਨਹੀਂ ਹੈ। “