ਦਿੱਲੀ ਦੇ ਕੰਝਾਵਲਾ ਕਾਂਡ ‘ਚ ਕਾਰ ਦੀ ਲਪੇਟ ਵਿੱਚ ਆ ਕੇ ਜਾਨ ਗਵਾਉਣ ਵਾਲੀ ਅੰਜਲੀ ਦੀ ਮੌਤ ਦੇ ਮਾਮਲੇ ਵਿੱਚ ਨਵਾਂ ਮੋੜ ਆਇਆ ਹੈ। ਅੰਜਲੀ ਦੇ ਘਰ ਚੋਰੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਨਿਊਜ਼ ਏਜੰਸੀ ਮੁਤਾਬਕ ਕਰਨ ਵਿਹਾਰ ਸਥਿਤ ਅੰਜਲੀ ਦੇ ਘਰ ‘ਚ ਕਥਿਤ ਤੌਰ ‘ਤੇ ਚੋਰੀ ਦੀ ਘਟਨਾ ਸਾਹਮਣੇ ਆਈ ਹੈ। ਰਾਤ ਅੰਜਿਲ ਦੇ ਘਰ ਕੋਈ ਨਹੀਂ ਸੀ। ਗੁਆਂਢੀ ਨੇ ਦੇਖਿਆ ਕਿ ਘਰ ਦੇ ਬਾਹਰ ਦਾ ਬਲਬ ਬੰਦ ਸੀ ਅਤੇ ਘਰ ਦਾ ਦਰਵਾਜ਼ਾ ਖੁੱਲ੍ਹਾ ਸੀ। ਇਸ ‘ਤੇ ਗੁਆਂਢੀ ਨੇ ਅੰਜਲੀ ਦੇ ਪਰਿਵਾਰਕ ਮੈਂਬਰਾਂ ਨੂੰ ਚੋਰੀ ਦੀ ਘਟਨਾ ਦੀ ਸੂਚਨਾ ਦਿੱਤੀ।
ਘਟਨਾ ਬਾਰੇ ਜਾਣਕਾਰੀ ਦਿੰਦਿਆਂ ਰਿਸ਼ਤੇਦਾਰਾਂ ਨੇ ਕਿਹਾ ਕਿ ਚੋਰੀ ਬਾਰੇ ਗੁਆਂਢੀਆਂ ਨੇ ਦੱਸਿਆ ਸੀ। ਘਰੋਂ ਚੀਜ਼ਾਂ ਗਾਇਬ ਹਨ। ਅੰਜਲੀ ਦੇ ਰਿਸ਼ਤੇਦਾਰਾਂ ਨੇ ਕੰਝਾਵਲਾ ਕਾਂਡ ਦੀ ਚਸ਼ਮਦੀਦ ਗਵਾਹ ਨਿਧੀ ਅਤੇ ਪੁਲਿਸ ‘ਤੇ ਚੋਰੀ ਦੀ ਸਾਜ਼ਿਸ਼ ਰਚਣ ਦਾ ਦੋਸ਼ ਲਗਾਇਆ ਹੈ। ਰਿਸ਼ਤੇਦਾਰਾਂ ਦ ਕਹਿਣਾ ਹੈ ਕਿ ਇਹ ਨਿਧੀ ਦੀ ਸਾਜ਼ਿਸ਼ ਹੈ। ਪਰਿਵਾਰ ਦਾ ਦੋਸ਼ ਹੈ ਕਿ ਉਹ ਫੜੇ ਜਾਣ ਦੇ ਡਰੋਂ ਆਪਣਾ ਸਮਾਨ ਸਾਡੇ ਘਰ ਰੱਖਣਾ ਚਾਹੁੰਦੀ ਹੈ।