ਬ੍ਰਿਟੇਨ ਦੇ ਕਿੰਗ ਚਾਰਲਸ ਦੀ ਸ਼ਨੀਵਾਰ ਨੂੰ 74 ਸਾਲ ਦੀ ਉਮਰ ‘ਚ ਤਾਜਪੋਸ਼ੀ ਹੋਈ। ਵੈਸਟਮਿੰਸਟਰ ਐਬੇ ਵਿਖੇ ਇੱਕ ਸ਼ਾਨਦਾਰ ਤਾਜਪੋਸ਼ੀ ਸਮਾਰੋਹ ਵਿੱਚ ਉਨ੍ਹਾਂ ਬ੍ਰਿਟੇਨ ਦੇ ਰਾਜੇ ਦਾ ਤਾਜ ਪਹਿਨਾਇਆ ਗਿਆ। ਕੈਂਟਰਬਰੀ ਦੇ ਆਰਕਬਿਸ਼ਪ ਨੇ ਕਿੰਗ ਚਾਰਲਸ ਨੂੰ 360 ਸਾਲ ਪੁਰਾਣਾ ਤਾਜ ਪਹਿਨਾਇਆ। ਕਿੰਗ ਨੇ ਬਰਤਾਨੀਆ ਦੇ ਲੋਕਾਂ ‘ਤੇ ‘ਨਿਆਂ ਅਤੇ ਦਿਆਲਤਾ’ ਨਾਲ ਰਾਜ ਕਰਨ ਅਤੇ ਅਜਿਹੇ ਮਾਹੌਲ ਨੂੰ ਉਤਸ਼ਾਹਿਤ ਕਰਨ ਦੀ ਸਹੁੰ ਚੁੱਕੀ ਜਿੱਥੇ ਸਾਰੇ ਧਰਮਾਂ ਅਤੇ ਵਿਸ਼ਵਾਸਾਂ ਦੇ ਲੋਕ ਆਜ਼ਾਦੀ ਨਾਲ ਰਹਿ ਸਕਣ।
ਲੰਡਨ ਦੇ ਵੈਸਟਮਿੰਸਟਰ ਐਬੇ ਵਿਖੇ ਤਾਜਪੋਸ਼ੀ ਸਮਾਰੋਹ ਵਿਚ ਦੁਨੀਆ ਭਰ ਦੇ ਲਗਭਗ 2000 ਸ਼ਾਹੀ ਮਹਿਮਾਨ ਸ਼ਾਮਲ ਹੋਏ। ਪ੍ਰਿੰਸ ਵਿਲੀਅਮ ਪਤਨੀ ਕੇਟ ਅਤੇ ਬੱਚਿਆਂ ਨਾਲ ਸਮਾਰੋਹ ਵਿੱਚ ਸ਼ਾਮਲ ਹੋਏ, ਜਦੋਂ ਕਿ ਪ੍ਰਿੰਸ ਹੈਰੀ ਵੀ ਪਤਨੀ ਮੇਘਨ ਮਾਰਕਲ ਅਤੇ ਬੱਚਿਆਂ ਨਾਲ ਸਮਾਰੋਹ ਵਿੱਚ ਸ਼ਾਮਲ ਹੋਏ। ਭਾਰਤ ਦੇ ਉਪ ਰਾਸ਼ਟਰਪਤੀ ਜਗਦੀਪ ਧਨਖੜ ਆਪਣੀ ਪਤਨੀ ਸਮੇਤ ਭਾਰਤ ਵੱਲੋਂ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਏ।
ਦੱਸ ਦਈਏ ਕਿ ਭਾਰਤ ਦੇ ਉਪ ਰਾਸ਼ਟਰਪਤੀ ਜਗਦੀਪ ਧਨਖੜ ਅਤੇ ਉਨ੍ਹਾਂ ਦੀ ਪਤਨੀ ਡਾ. ਸੁਦੀਪ ਧਨਖੜ ਕਿੰਗ ਚਾਰਲਸ ਦੇ ਇਤਿਹਾਸਕ ਤਾਜਪੋਸ਼ੀ ਸਮਾਰੋਹ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕਰਨ ਲਈ ਵੈਸਟਮਿੰਸਟਰ ਐਬੇ ਪਹੁੰਚੇ ਹਨ। ਧਨਖੜ ਅਤੇ ਉਨ੍ਹਾਂ ਦੀ ਪਤਨੀ ਸਮਾਰੋਹ ‘ਚ ਹੋਰ ਰਾਸ਼ਟਰਮੰਡਲ ਦੇਸ਼ਾਂ ਦੇ ਮੁਖੀਆਂ ਨਾਲ ਬੈਠਣਗੇ। ਧਨਖੜ ਨੇ ਸ਼ੁੱਕਰਵਾਰ ਨੂੰ ਇੱਥੇ ਪਹੁੰਚਣ ਤੋਂ ਤੁਰੰਤ ਬਾਅਦ ਇੱਕ ਰਿਸੈਪਸ਼ਨ ਵਿੱਚ ਕਿੰਗ ਚਾਰਲਸ ਨਾਲ ਗੱਲਬਾਤ ਕੀਤੀ।