ਲਾਲੂ ਯਾਦਵ ਦੋ ਦਿਨਾਂ ਤੋਂ ਪਟਨਾ ਦੇ ਪਾਰਸ ਹਸਪਤਾਲ ‘ਚ ਭਰਤੀ ਹਨ। ਐਤਵਾਰ ਨੂੰ ਉਹ ਘਰ ਦੀਆਂ ਪੌੜੀਤੋਂ ਡਿੱਗ ਪਏ ਸਨ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਸਾਹ ਲੈਣ ਵਿੱਚ ਤਕਲੀਫ਼ ਹੋਣ ਲੱਗੀ। ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਸੋਮਵਾਰ ਤੜਕੇ 3.30 ਵਜੇ ਦੇ ਕਰੀਬ ਪਟਨਾ ਦੇ ਪਾਰਸ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ। ਉਨ੍ਹਾਂ ਦੀ ਬੇਟੀ ਰੋਹਿਨੀ ਅਚਾਰੀਆ ਨੇ ਟਵਿਟਰ ‘ਤੇ ਹਸਪਤਾਲ ਦੇ ਅੰਦਰ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ।
ਰੋਹਿਣੀ ਨੇ ਲਾਲੂ ਯਾਦਵ ਨਾਲ ਫੋਨ ‘ਤੇ ਵੀਡੀਓ ਕਾਲ ਰਾਹੀਂ ਗੱਲ ਕੀਤੀ। ਇਸ ਵੀਡੀਓ ਕਾਲ ਵਿਚ ਉਹ ਆਪਣੇ ਪਿਤਾ ਨੂੰ ਦੇਖ ਕੇ ਰੋਣ ਲੱਗ ਪਈ। ਰੋਹਿਣੀ ਨੇ ਇਸੇ ਕਾਲ ਦਾ ਸਕਰੀਨ ਸ਼ਾਟ ਟਵਿਟਰ ‘ਤੇ ਸ਼ੇਅਰ ਕੀਤਾ ਅਤੇ ਲਿਖਿਆ- ਮੇਰਾ ਪਿਤਾ ਮੇਰਾ ਹੀਰੋ ਹੈ। ਜਿਸ ਨੂੰ ਹਰ ਰੁਕਾਵਟ ਤੋਂ ਜਿਸਨੇ ਪਾਈ ਹੈ ਮੁਕਤੀ, ਕਰੋੜਾਂ ਲੋਕਾਂ ਦਾ ਦੁਆਵਾਂ ਹਨ ਜਿਸ ਦੀ ਹੈ ਸ਼ਕਤੀ।
ਪਾਰਸ ਹਸਪਤਾਲ ਦੇ ਮੈਡੀਕਲ ਸੁਪਰਡੈਂਟ ਨੇ ਦੱਸਿਆ ਕਿ ਹਸਪਤਾਲ ਦੀ ਬਹੁ-ਅਨੁਸ਼ਾਸਨੀ ਮਾਹਿਰ ਟੀਮ ਲਗਾਤਾਰ ਉਨ੍ਹਾਂ ਦੀ ਸਿਹਤ ਦੀ ਨਿਗਰਾਨੀ ਕਰ ਰਹੀ ਹੈ। ਉਹ ਆਈਸੀਯੂ ਵਿੱਚ ਦਾਖ਼ਲ ਹਨ। ਉਨ੍ਹਾਂ ਦੀ ਸਿਹਤ ਸਥਿਰ ਹੈ ਅਤੇ ਸੁਧਾਰ ਹੋ ਰਿਹਾ ਹੈ।
