ਕੀਨੀਆ ਵਿੱਚ ਇੱਕ 61 ਸਾਲਾ ਵਿਅਕਤੀ ਜਿਸ ਦੀਆਂ 2 -4 ਨਹੀਂ ਬਲਕਿ 15 ਪਤਨੀਆਂ ਅਤੇ 107 ਬੱਚੇ ਹਨ। ਸਭ ਤੋਂ ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਸਾਰੇ ਇਕੱਠੇ ਰਹਿੰਦੇ ਹਨ। ਉਨ੍ਹਾਂ ਵਿਚਕਾਰ ਕੋਈ ਝਗੜਾ ਨਹੀਂ ਹੈ। ਪੱਛਮੀ ਕੀਨੀਆ ਦੇ ਰਹਿਣ ਵਾਲੇ 61 ਸਾਲਾ ਡੇਵਿਡ ਸਕਾਯੋ ਕਾਲੂਹਾਨਾ ਨੇ ਆਪਣੀਆਂ ਸਾਰੀਆਂ ਪਤਨੀਆਂ ਨੂੰ ਵੱਖ-ਵੱਖ ਡਿਊਟੀਆਂ ਸੌਂਪੀਆਂ ਹਨ। ਤਾਂ ਜੋ ਕਿਸੇ ਦਾ ਕਿਸੇ ਨੂੰ ਲੈ ਕੇ ਕੋਈ ਝਗੜਾ ਨਾ ਹੋਵੇ। ਡੇਵਿਡ ਦਾ ਕਹਿਣਾ ਹੈ ਕਿ ਉਸਦਾ ਦਿਮਾਗ ਬਹੁਤ ਤੇਜ਼ ਹੈ ਅਤੇ ਉਸਨੂੰ ਸੰਭਾਲਣ ਲਈ ਇੱਕ ਤੋਂ ਵੱਧ ਔਰਤਾਂ ਦੀ ਲੋੜ ਹੈ।
ਡੇਵਿਡ ਨੇ ਸਥਾਨਕ ਟੀਵੀ ਚੈਨਲ ਨੂੰ ਦਿੱਤੇ ਇੰਟਰਵਿਊ ਵਿੱਚ ਦੱਸਿਆ ਕਿ ਜੇਕਰ ਮੇਰੀਆਂ 20 ਪਤਨੀਆਂ ਹੋਣ ਤਾਂ ਵੀ ਮੈਨੂੰ ਕੋਈ ਸਮੱਸਿਆ ਨਹੀਂ ਹੋਵੇਗੀ। ਮੈਂ ਰਾਜਾ ਸੁਲੇਮਾਨ ਤੋਂ ਬਹੁਤ ਪ੍ਰਭਾਵਿਤ ਹਾਂ। ਜਿਵੇਂ ਉਸ ਦੀਆਂ 700 ਪਤਨੀਆਂ ਅਤੇ 300 ਨੌਕਰ ਸਨ। ਇਸੇ ਤਰ੍ਹਾਂ ਮੈਂ ਵੀ ਚਾਹੁੰਦਾ ਹਾਂ ਕਿ ਮੇਰੀਆਂ ਵੀ ਵੱਧ ਤੋਂ ਵੱਧ ਪਤਨੀਆਂ ਹੋਣ।
ਇਸ ਦੇ ਨਾਲ ਹੀ ਡੇਵਿਡ ਦੀਆਂ ਹੋਰ ਪਤਨੀਆਂ ਵੀ ਇਕ-ਦੂਜੇਨਾਲ ਖੁਸ਼ੀ ਖੁਸ਼ੀ ਰਹਿੰਦੀਆਂ ਹਨ। ਕਦੇ ਕਿਸੇ ਨਾਲ ਲੜਾਈ ਨਹੀਂ ਹੁੰਦੀ, ਸਾਰੇ ਇਕੱਠੇ ਰਹਿੰਦੇ ਹਨ। ਡੇਵਿਡ ਦੇ ਉਸਦੀ ਇੱਕ ਪਤਨੀ ਜੈਸਿਕਾ ਕਾਲੂਹਾਨਾ ਤੋਂ 13 ਬੱਚੇ ਹਨ। ਇਨ੍ਹਾਂ ਵਿੱਚੋਂ 2 ਬੱਚਿਆਂ ਦੀ ਮੌਤ ਹੋ ਚੁੱਕੀ ਹੈ। ਜੈਸਿਕਾ ਨੇ ਕਿਹਾ- ਅਸੀਂ ਸ਼ਾਂਤੀ ਅਤੇ ਏਕਤਾ ਨਾਲ ਰਹਿੰਦੇ ਹਾਂ। ਮੈਂ ਆਪਣੇ ਪਤੀ ਨੂੰ ਬਹੁਤ ਪਿਆਰ ਕਰਦੀ ਹਾਂ। ਡੇਵਿਡ ਦੀ ਪਤਨੀ ਰੋਜ਼ ਡੇਵਿਡ ਕਲੂਹਾਨਾ ਨੇ ਕਿਹਾ- ਅਸੀਂ ਚੰਗੀ ਜ਼ਿੰਦਗੀ ਜੀ ਰਹੇ ਹਾਂ। ਅਸੀਂ ਇੱਕ ਦੂਜੇ ਨੂੰ ਬਹੁਤ ਪਿਆਰ ਕਰਦੇ ਹਾਂ।ਦੱਸ ਦੇਈਏ ਕਿ ਰੋਜ਼ ਡੇਵਿਡ ਦੀ 7ਵੀਂ ਪਤਨੀ ਹੈ। ਰੋਜ਼ ਨੇ ਡੇਵਿਡ ਦੇ 15 ਬੱਚਿਆਂ ਨੂੰ ਜਨਮ ਦਿੱਤਾ ਹੈ।