ਦੇਸ਼ ਦੀਆਂ ਕਈ ਛੋਟੀਆਂ-ਵੱਡੀਆਂ ਜੇਲ੍ਹਾਂ ਵਿੱਚ ਮਿੰਨੀ ਮੋਬਾਈਲ ਜੇਲ੍ਹ ਪ੍ਰਸ਼ਾਸਨ ਲਈ ਵੱਡੀ ਸਿਰਦਰਦੀ ਦਾ ਕਾਰਨ ਬਣੇ ਹੋਏ ਹਨ। ਇਹ ਚਾਈਨੀਜ਼ ਮਿੰਨੀ ਮੋਬਾਈਲ ਜੇਲ੍ਹ ਵਿੱਚ ਬੰਦ ਕੈਦੀਆਂ ਤੱਕ ਆਸਾਨੀ ਨਾਲ ਪਹੁੰਚ ਜਾਂਦੇ ਹਨ। ਇਹ ਮੋਬਾਈਲ ਫੋਨ ਦਿੱਖ ਵਿੱਚ ਇੱਕ ਆਮ ਵਿਅਕਤੀ ਦੀ ਉਂਗਲੀ ਨਾਲੋਂ ਆਕਾਰ ਵਿੱਚ ਛੋਟੇ ਹੁੰਦੇ ਹਨ। ਕੈਦੀਆਂ ਕੋਲੋਂ ਬਰਾਮਦ ਕੀਤੇ ਗਏ 90 ਫੀਸਦੀ ਮੋਬਾਈਲ ਫੋਨ ਇਕ ਖਾਸ ਬ੍ਰਾਂਡ ਦੇ ਹਨ, ਜੋ ਸਿਰਫ ਇਕ ਚੀਨੀ ਕੰਪਨੀ ਦੁਆਰਾ ਬਣਾਏ ਗਏ ਹਨ। ਇਨ੍ਹਾਂ ਫ਼ੋਨਾਂ ਦੀ ਵਰਤੋਂ ਕਰਕੇ ਅਪਰਾਧੀ ਜੇਲ੍ਹ ‘ਚੋਂ ਜ਼ਬਰੀ ਵਸੂਲੀ ਕਰਨ, ਕਤਲ ਦੀ ਯੋਜਨਾ ਬਣਾਉਣ ਅਤੇ ਅੰਜ਼ਾਮ ਦੇਣ, ਹਥਿਆਰਾਂ ਦੀ ਸਪਲਾਈ, ਅੱਤਵਾਦੀ ਘਟਨਾਵਾਂ ਨੂੰ ਅੰਜਾਮ ਦੇਣ ਅਤੇ ਇੱਥੋਂ ਤੱਕ ਕਿ ਛੋਟੇ-ਵੱਡੇ ਸ਼ਹਿਰਾਂ ‘ਚ ਡਰੱਗ ਰੈਕੇਟ ਚਲਾਉਣ ਵਰਗੀਆਂ ਘਟਨਾਵਾਂ ਨੂੰ ਅੰਨ੍ਹੇਵਾਹ ਅੰਜਾਮ ਦੇ ਰਹੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਪ੍ਰਾਈਵੇਟ ਪਾਰਟਸ ਵਿੱਚ ਲੁਕਾ ਕੇ ਇਹ ਫੋਨ ਜੇਲ੍ਹਾਂ ਵਿੱਚ ਲਿਆਏ ਜਾਂਦੇ ਹਨ ਅਤੇ ਕੈਦੀਆਂ ਤੱਕ ਪਹੁੰਚਾਏ ਜਾਂਦੇ ਹਨ। ਸੁਰੱਖਿਆ ਕਾਰਨਾਂ ਕਰਕੇ ਅਸੀਂ ਚੀਨੀ ਕੰਪਨੀ ਦੇ ਇਸ ਮਿੰਨੀ ਮੋਬਾਈਲ ਫੋਨ ਦਾ ਨਾਮ ਨਹੀਂ ਦੱਸ ਰਹੇ ਹਾਂ ਜੋ ਜ਼ਿਆਦਾਤਰ ਜੇਲ੍ਹਾਂ ਵਿੱਚ ਵਰਤਿਆ ਜਾਂਦਾ ਹੈ। ਜੇਲ੍ਹ ਦੇ ਇੱਕ ਅਧਿਕਾਰਤ ਸੂਤਰ ਨੇ ਦੱਸਿਆ ਕਿ ਕੈਦੀ ਮੋਬਾਈਲ ਫ਼ੋਨਾਂ ਨੂੰ ਆਪਣੇ ਗੁਪਤ ਅੰਗਾਂ ਵਿੱਚ ਛੁਪਾ ਕੇ ਤਸਕਰੀ ਕਰਦੇ ਹਨ।
ਪੰਜਾਬ ਦੀ ਇਕ ਜੇਲ੍ਹ ਦੇ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਵਰਤੇ ਗਏ ਇਸ ਮਿੰਨੀ ਮੋਬਾਈਲ ਫੋਨ ਦੀ ਲੰਬਾਈ 7 ਸੈਂਟੀਮੀਟਰ ਤੋਂ ਘੱਟ ਅਤੇ ਚੌੜਾਈ 3 ਸੈਂਟੀਮੀਟਰ ਹੈ। ਮੋਬਾਈਲ ਫ਼ੋਨ ਦਾ ਆਕਾਰ ਇੰਨਾ ਛੋਟਾ ਹੈ ਕਿ ਜਦੋਂ ਜੇਲ੍ਹ ਸਟਾਫ਼ ਵੱਲੋਂ ਅਚਨਚੇਤ ਚੈਕਿੰਗ ਕੀਤੀ ਜਾਂਦੀ ਸੀ ਤਾਂ ਕੈਦੀ ਇਸ ਨੂੰ ਕੰਧਾਂ ਦੀਆਂ ਤਰੇੜਾਂ ਵਿੱਚ ਛੁਪਾ ਲੈਂਦੇ ਸਨ। ਜ਼ਿਆਦਾਤਰ ਮਿੰਨੀ ਮੋਬਾਈਲ ਇਕ ਵਿਸ਼ੇਸ਼ ਕੰਪਨੀ ਦੇ ਹਨ।
