ਸ਼ੌਕ ਵੱਡਾ ਹੋਵੇ ਤਾਂ ਕੁਝ ਨਹੀਂ ਹੋ ਸਕਦਾ। ਤੁਹਾਨੂੰ ਕਿੱਦਾਂ ਲੱਗੇਗਾ ਜੇਕਰ ਹਰ ਕਾਰ ‘ਤੇ ਲਗਾਈ ਗਈ ਨੰਬਰ ਪਲੇਟ, ਜਿਸ ਦੀ ਕੀਮਤ ਸਿਰਫ ਸੈਂਕੜੇ ਰੁਪਏ ਹੈ। ਅਜਿਹਾ ਹੀ ਕੁਝ ਦੁਬਈ ਵਿੱਚ ਇੱਕ ਨਿਲਾਮੀ ਦੌਰਾਨ ਹੋਇਆ। ਦੁਬਈ ‘ਚ ਜਦੋਂ ਇੱਕ ਨੰਬਰ ਪਲੇਟ ਕਰੋੜਾਂ ਰੁਪਏ ਵਿੱਚ ਨਿਲਾਮ ਹੋਈ। ਉਹ ਵੀ 5 ਕਰੋੜ, 10 ਕਰੋੜ, 50 ਕਰੋੜ ਜਾਂ 100 ਕਰੋੜ ਰੁਪਏ ਵਿੱਚ ਨਹੀਂ, ਸਗੋਂ ਇੱਕ ਚੈਰਿਟੀ ਨਿਲਾਮੀ ਦੌਰਾਨ 122 ਕਰੋੜ ਰੁਪਏ ਵਿੱਚ। ‘ਮੋਸਟ ਨੋਬਲ ਨੰਬਰ’ ਚੈਰਿਟੀ ਨਿਲਾਮੀ ਦੌਰਾਨ ‘ਪੀ7’ ਵੀਆਈਪੀ ਨੰਬਰ ਪਲੇਟ 55 ਮਿਲੀਅਨ ਦਿਰਹਮ (ਲਗਭਗ 122.6 ਕਰੋੜ ਰੁਪਏ) ਵਿੱਚ ਨਿਲਾਮ ਹੋਈ ਹੈ।
ਇਸ ਤੋਂ ਬਾਅਦ ਇਸ ਨੰਬਰ ਨੇ ਸਭ ਤੋਂ ਮਹਿੰਗੀ ਨੰਬਰ ਪਲੇਟ ਦਾ ਗਿਨੀਜ਼ ਵਰਲਡ ਰਿਕਾਰਡ ਬਣਾ ਲਿਆ ਹੈ। ਹਾਲਾਂਕਿ, ਬੋਲੀ ਦੇਣ ਵਾਲੇ ਦਾ ਨਾਮ ਗੁਪਤ ਰੱਖਿਆ ਗਿਆ ਹੈ। ਨਿਲਾਮੀ ਟੈਲੀਗ੍ਰਾਮ ਦੇ ਸੰਸਥਾਪਕ ਪਾਵੇਲ ਦੁਰੋਵ ਨੇ 25 ਮਿਲੀਅਨ ਦਿਰਹਮ ਨਾਲ ਸ਼ੁਰੂ ਕੀਤੀ ਸੀ ਪਰ ਇਸ ਤੋਂ ਬਾਅਦ ਇਹ ਵਧਦੀ ਰਹੀ ਅਤੇ ਆਖਰਕਾਰ 55 ਮਿਲੀਅਨ ਦਿਰਹਮ ‘ਤੇ ਖਤਮ ਹੋ ਗਈ। ਨੰਬਰ ਪਲੇਟ AA19 AED 4.9 ਮਿਲੀਅਨ ਵਿੱਚ ਨਿਲਾਮ ਕੀਤੀ ਗਈ ਸੀ ਜਦੋਂ ਕਿ O 71 ਦੀ ਨਿਲਾਮੀ AED 150 ਮਿਲੀਅਨ ਵਿੱਚ ਕੀਤੀ ਗਈ ਸੀ ਅਤੇ Q22222 ਨੂੰ AED 0.97 ਮਿਲੀਅਨ ਵਿੱਚ ਨਿਲਾਮ ਕੀਤਾ ਗਿਆ ਸੀ। ਇਸ ਸਮਾਗਮ ਦੌਰਾਨ ਕੁਝ ਵੀਆਈਪੀ ਮੋਬਾਈਲ ਨੰਬਰਾਂ ਦੀ ਨਿਲਾਮੀ ਵੀ ਕੀਤੀ ਗਈ।
