ਲੋਕ ਸਭਾ ਮੈਂਬਰ ਅਤੇ ਆਲ ਇੰਡੀਆ ਯੂਨਾਈਟਿਡ ਡੈਮੋਕ੍ਰੇਟਿਕ ਫਰੰਟ (ਏ.ਆਈ.ਯੂ.ਡੀ.ਐੱਫ.) ਦੇ ਮੁਖੀ ਮੌਲਾਨਾ ਬਦਰੂਦੀਨ ਅਜਮਲ ਨੇ ਆਸਾਮ ਦੇ ਮੁਸਲਮਾਨਾਂ ਨੂੰ ਹਿੰਦੂਆਂ ਦੀਆਂ ਭਾਵਨਾਵਾਂ ਦਾ ਸਨਮਾਨ ਕਰਨ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਨੇ ਈਦ-ਉਲ-ਅਜਹਾ ਮੌਕੇ ਗਊਆਂ ਦੀ ਬਲੀ ਨਾ ਦੇਣ ਦੀ ਅਪੀਲ ਕੀਤੀ ਹੈ।
ਅਜਮਲ ਨੇ ਕਿਹਾ, “ਆਰ.ਐਸ.ਐਸ. ਦੇ ਕੁਝ ਲੋਕ ਹਿੰਦੂ ਰਾਜ ਬਣਾਉਣ ਦੀ ਕੋਸ਼ਿਸ਼ ਕਰਕੇ ਭਾਰਤ ਨੂੰ ਖ਼ਤਮ ਕਰਨਾ ਚਾਹੁੰਦੇ ਹਨ। ਹਿੰਦੂ ਰਾਜ ਉਨ੍ਹਾਂ ਦੇ ਸੁਪਨਿਆਂ ਵਿੱਚ ਵੀ ਨਹੀਂ ਹੋਵੇਗਾ। ਉਹ ਇਸ ਦੇਸ਼ ਵਿੱਚ ਮੁਸਲਮਾਨਾਂ ਅਤੇ ਹਿੰਦੂਆਂ ਦੀ ਏਕਤਾ ਨੂੰ ਨਹੀਂ ਤੋੜ ਸਕਦੇ। ਪਰ ਜੇਕਰ ਅਸੀਂ ਇੱਕ ਦਿਨ ਲਈ ਈਦ ਮੌਕੇ ਗਊ ਨਹੀਂ ਖਾਵਾਂਗੇ ਤਾਂ ਅਸੀਂ ਮਰ ਨਹੀਂ ਜਾਵਾਂਗੇ। ਅਸੀਂ ਇਸਨੂੰ ਹਿੰਦੂ ਭਰਾਵਾਂ ਨਾਲ ਮਨਾਉਂਦੇ ਹਾਂ। ਸਾਡੇ ਸਾਰੇ ਪੂਰਵਜ ਹਿੰਦੂ ਸਨ। ਉਹ ਇਸਲਾਮ ਵਿੱਚ ਆਏ ਕਿਉਂਕਿ ਇਸ ਵਿੱਚ ਵਿਸ਼ੇਸ਼ ਗੁਣ ਹਨ, ਜੋ ਦੂਜੇ ਧਰਮਾਂ ਦੀਆਂ ਭਾਵਨਾਵਾਂ ਦਾ ਸਤਿਕਾਰ ਕਰਨਾ ਹੈ।”