ਆਮ ਲੋਕਾਂ ‘ਤੇ ਅੱਜ (18 ਜੁਲਾਈ) ਤੋਂ ਮਹਿੰਗਾਈ ਦਾ ਬੋਝ ਕਈ ਗੁਣਾ ਵਧ ਜਾਵੇਗਾ। ਪਿਛਲੇ ਮਹੀਨੇ, ਜੀਐਸਟੀ ਕੌਂਸਲ ਨੇ ਆਪਣੀ ਮੀਟਿੰਗ ਦੌਰਾਨ ਘਰੇਲੂ ਵਰਤੋਂ ਦੀਆਂ ਕਈ ਵਸਤਾਂ ‘ਤੇ ਜੀਐਸਟੀ ਲਗਾਉਣ ਅਤੇ ਕੁਝ ਵਸਤਾਂ ‘ਤੇ ਜੀਐਸਟੀ ਦਰਾਂ ਵਧਾਉਣ ਦਾ ਫੈਸਲਾ ਕੀਤਾ ਸੀ। ਇਹ ਫੈਸਲੇ ਅੱਜ (18 ਜੁਲਾਈ) ਤੋਂ ਲਾਗੂ ਹੋ ਗਏ ਹਨ। ਅਜਿਹੇ ‘ਚ ਅੱਜ ਤੋਂ ਸਾਡੀ ਰੋਜ਼ਾਨਾ ਜ਼ਰੂਰਤ ਦੀਆਂ ਕੁਝ ਚੀਜ਼ਾਂ ਮਹਿੰਗੀਆਂ ਹੋ ਗਈਆਂ ਹਨ।
ਇਹ ਚੀਜ਼ਾਂ ਹੋ ਜਾਣਗੀਆਂ ਮਹਿੰਗੀਆਂ
ਦਹੀਂ, ਲੱਸੀ, ਪਨੀਰ, ਸ਼ਹਿਦ, ਮੱਛੀ, ਸੁੱਕਾ ਸੋਇਆਬੀਨ, ਸੁੱਕਾ ਮਖਾਨਾ ਅਤੇ ਸੁਕੇ ਮਟਰ, ਕਣਕ ਅਤੇ ਹੋਰ ਅਨਾਜ ਤੋਂ ਇਲਾਵਾ ਮੁਰੱਬੇ ਵਰਗੇ ਉਤਪਾਦਾਂ ‘ਤੇ ਪੈਕ ਕੀਤੇ ਜਾਂ ਲੇਬਲ ਕੀਤੇ (ਹੋਰ) ਉਤਪਾਦਾਂ ‘ਤੇ ਪੰਜ ਫੀਸਦੀ ਜੀਐਸਟੀ ਲਗਾਇਆ ਜਾਵੇਗਾ।
ਹਸਪਤਾਲ ਵਿੱਚ 5,000 ਰੁਪਏ (ਗੈਰ-ਆਈਸੀਯੂ) ਤੋਂ ਵੱਧ ਕਿਰਾਏ ਦੇ ਵਾਲੇ ਕਮਰੇ ਉੱਤੇ 5% ਜੀਐਸਟੀ ਲੱਗੇਗਾ।
ਚੈੱਕ ਬੁੱਕ ਜਾਰੀ ਕਰਨ ‘ਤੇ ਬੈਂਕਾਂ ਦੁਆਰਾ ਲਗਾਏ ਜਾਣ ਵਾਲੇ ਖਰਚਿਆਂ ‘ਤੇ 18 ਫੀਸਦੀ ਜੀ.ਐੱਸ.ਟੀ ਲੱਗੇਗਾ।
1,000 ਰੁਪਏ ਪ੍ਰਤੀ ਦਿਨ ਤੋਂ ਘੱਟ ਕਿਰਾਏ ਵਾਲੇ ਹੋਟਲ ਦੇ ਕਮਰਿਆਂ ‘ਤੇ 12 ਫੀਸਦੀ ਜੀ.ਐੱਸ.ਟੀ। ਜੋ ਕਿ ਅਜੇ ਤਕ ਨਹੀਂ ਲੱਗਦਾ ਸੀ।
ਪ੍ਰਿੰਟਿੰਗ/ਲਿਖਣ ਜਾਂ ਡਰਾਇੰਗ ਦੀ ਸਿਆਹੀ, LED ਲਾਈਟਾਂ, LED ਲੈਂਪ ‘ਤੇ 12% ਦੀ ਬਜਾਏ 18% GST।
ਨਕਸ਼ੇ, ਐਟਲਸ ਅਤੇ ਗਲੋਬ, ਚਾਰਟ ‘ਤੇ 12 ਫੀਸਦੀ ਜੀਐਸਟੀ ਦਾ ਭੁਗਤਾਨ ਕਰਨਾ ਹੋਵੇਗਾ।
ਬਲੇਡ, ਚਾਕੂ, ਪੈਨਸਿਲ ਸ਼ਾਰਪਨਰ, ਚਮਚ, ਕਾਂਟੇ ਵਾਲੇ ਚੱਮਚ, ਸਕਿਮਰ ਆਦਿ ‘ਤੇ ਜੀ.ਐੱਸ.ਟੀ 12 ਫੀਸਦੀ ਤੋਂ ਵਧਾ ਕੇ 18 ਫੀਸਦੀ ਕਰ ਦਿੱਤਾ ਗਿਆ ਹੈ।
ਆਟਾ ਚੱਕੀ, ਦਾਲ ਮਸ਼ੀਨ ‘ਤੇ 5 ਫੀਸਦੀ ਦੀ ਬਜਾਏ 18 ਫੀਸਦੀ ਜੀ.ਐੱਸ.ਟੀ।
ਵਪਾਰਕ ਵਰਤੋਂ ਲਈ ਰਿਹਾਇਸ਼ੀ ਮਕਾਨਾਂ ਨੂੰ ਕਿਰਾਏ ‘ਤੇ ਦੇਣ ‘ਤੇ ਵੀ ਅੱਜ ਤੋਂ ਟੈਕਸ ਵਸੂਲਿਆ ਜਾਵੇਗਾ।
ਜੀਐਸਟੀ ਕੌਂਸਲ ਦੀ ਮੀਟਿੰਗ ਵਿੱਚ ਲਏ ਫੈਸਲੇ ਮੁਤਾਬਕ ਹੁਣ ਸ਼ਮਸ਼ਾਨਘਾਟ, ਸੜਕ, ਮੈਟਰੋ, ਪੁਲ, ਰੇਲਵੇ ਅਤੇ ਵੇਸਟ ਪ੍ਰੋਸੈਸਿੰਗ ਮਸ਼ੀਨਰੀ ਲਗਾਉਣ ਦੇ ਕੰਮ ’ਤੇ ਵੀ 12 ਦੀ ਬਜਾਏ 18 ਫੀਸਦੀ ਜੀਐਸਟੀ ਅਦਾ ਕਰਨਾ ਹੋਵੇਗਾ। ਇਸ ਨਾਲ ਅੱਜ ਤੋਂ ਇਨ੍ਹਾਂ ਦੇ ਨਿਰਮਾਣ ਦੀ ਲਾਗਤ ਵੀ ਵਧ ਗਈ ਹੈ।