ਅੱਜ ਕੱਲ ਵਿਆਹ- ਸ਼ਾਦੀ ਦਾ ਸੀਜ਼ਨ ਸ਼ੁਰੂ ਹੋ ਚੁੱਕਾ ਹੈ। ਦੁਨੀਆ ਦੇ ਕਈ ਦੇਸ਼ਾਂ ਤੋਂ ਵਿਆਹ ਦੇ ਸੀਜ਼ਨ ਦੌਰਾਨ ਲਾੜੇ-ਲਾੜੀ ਦੇ ਕਈ ਹੈਰਾਨੀਜਨਕ ਕਿੱਸੇ ਸਾਹਮਣੇ ਆਉਂਦੇ ਹਨ। ਕਦੇ ਕਦੇ ਕੁਝ ਦਿਲਚਸਪ ਕਿੱਸੇ ਜਾਂ ਮਜ਼ਾਕੀਆ ਹਰਕਤਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਜਾਂਦੀਆਂ ਹਨ। ਅਜਿਹਾ ਹੀ ਇਕ ਮਾਮਲਾ ਬ੍ਰਿਟੇਨ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਵਿਆਹ ਵਾਲੇ ਦਿਨ ਇਕ ਮਹਿਮਾਨ ਨੇ ਕੇਕ ਦਾ ਇਕ ਟੁਕੜਾ ਜ਼ਿਆਦਾ ਖਾ ਲਿਆ ਤਾਂ ਲਾੜਾ-ਲਾੜੀ ਨੇ ਉਸ ਮਹਿਮਾਨ ਤੋਂ ਹਰਜਾਨਾ ਲੈ ਲਿਆ।
ਦਰਅਸਲ, ਇਹ ਘਟਨਾ ਬ੍ਰਿਟੇਨ ਦੇ ਇਕ ਸ਼ਹਿਰ ਦੀ ਦੱਸੀ ਜਾ ਰਹੀ ਹੈ। Mirror.UK ਨੇ ਇੱਕ ਰਿਪੋਰਟ ਵਿੱਚ ਦੱਸਿਆ ਕਿ ਇਕ ਰਿਲੇਸ਼ਨਸ਼ਿਪ ਵਿੱਚ ਰਹਿ ਰਹੇ ਜੋੜੇ ਦੇ ਵਿਆਹ ਵਾਲੇ ਦਿਨ ਉਹ ਪਵੇਲੀਅਨ ਪਹੁੰਚੇ। ਇੱਥੇ ਇੱਕ ਵੱਡੇ ਕੇਕ ਦਾ ਪ੍ਰਬੰਧ ਕੀਤਾ ਗਿਆ ਸੀ ਅਤੇ ਸਾਰੇ ਮਹਿਮਾਨਾਂ ਨੇ ਕੇਕ ਦਾ ਇੱਕ-ਇਕ ਟੁਕੜਾ ਲੈਣਾ ਸੀ ਪਰ ਇੱਕ ਮਹਿਮਾਨ ਨੇ ਇੱਕ ਤੋਂ ਵੱਧ ਕੇਕ ਦਾ ਟੁਕੜਾ ਲੈ ਲਿਆ। ਇਹ ਸਭ ਕੈਮਰੇ ‘ਚ ਕੈਦ ਹੋ ਗਿਆ। ਇਸ ਤੋਂ ਬਾਅਦ ਜੋੜੇ ਨੇ ਵਿਆਹ ਦੇ ਕੁਝ ਦਿਨਾਂ ਦੇ ਅੰਦਰ ਹੀ ਉਸ ਮਹਿਮਾਨ ਨੂੰ ਵੀਡੀਓ ਦੇ ਨਾਲ ਮੈਸੇਜ ਕੀਤਾ। ਅਤੇ ਉਸ ਨੂੰ ਵਾਧੂ 3.66 ਪੌਂਡ ਯਾਨੀ ਲਗਭਗ 333 ਰੁਪਏ ਅਦਾ ਕਰਨ ਦਾ ਹੁਕਮ ਦਿੱਤਾ।
ਰਿਪੋਰਟ ਮੁਤਾਬਕ ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਮਹਿਮਾਨ ਨੂੰ ਇਹ ਪੈਸੇ ਦੇਣੇ ਵੀ ਪਏ। ਰਿਪੋਰਟ ਦੇ ਅਨੁਸਾਰ, ਮਹਿਮਾਨ ਨੇ ਖੁਦ ਦੱਸਿਆ ਕਿ ਮੈਂ ਇਕ ਵਾਧੂ ਟੁਕੜੇ ਲਈ ਭੁਗਤਾਨ ਕੀਤਾ ਕਿਉਂਕਿ ਜੋੜੇ ਨੇ ਕਿਹਾ ਕਿ ਅਸੀਂ ਵੀਡੀਓ ਦੇਖ ਰਹੇ ਹਾਂ ਅਤੇ ਦੇਖਿਆ ਕਿ ਤੁਹਾਡੇ ਕੋਲ ਵਿਆਹ ਦੇ ਕੇਕ ਦੇ ਦੋ ਟੁਕੜੇ ਸਨ। ਹੁਣ ਤੁਹਾਨੂੰ ਇਸਦਾ ਭੁਗਤਾਨ ਕਰਨਾ ਪਵੇਗਾ।