ਰਾਜਸਥਾਨ ਵਿਧਾਨ ਸਭਾ ਚੋਣ ਰੈਲੀਆਂ ਦੌਰਾਨ ਰਾਹੁਲ ਗਾਂਧੀ ਵੱਲੋਂ ਪੀਐਮ ਮੋਦੀ ਬਾਰੇ ਵਰਤੇ ਗਏ ਸ਼ਬਦਾਂ ਨੂੰ ਲੈ ਕੇ ਸਿਆਸਤ ਗਰਮਾ ਗਈ ਹੈ। ਚੋਣ ਕਮਿਸ਼ਨ ਨੇ ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੂੰ ਨੋਟਿਸ ਜਾਰੀ ਕੀਤਾ ਹੈ। ਇਸ ਵਿੱਚ ਰਾਹੁਲ ਗਾਂਧੀ ਨੂੰ ਪੀਐਮ ਮੋਦੀ ਨੂੰ ‘ਪਨੌਤੀ’ ਅਤੇ ‘ਜੇਬਕਤਰਾਂ’ ਕਹਿਣ ਦੇ ਮਾਮਲੇ ਵਿੱਚ 25 ਨਵੰਬਰ ਤੱਕ ਜਵਾਬ ਦੇਣ ਲਈ ਕਿਹਾ ਗਿਆ ਹੈ।
ਦੱਸ ਦਈਏ ਕਿ ਇਕੱਠ ਨੂੰ ਸੰਬੋਧਨ ਕਰਦੇ ਹੋਏ ਰਾਹੁਲ ਗਾਂਧੀ ਨੇ ਕਿਹਾ ਸੀ ਕਿ ਪੀਐਮ ਦਾ ਮਤਲਬ ਹੈ ਪਨੌਤੀ ਮੋਦੀ। ਵਿਸ਼ਵ ਕੱਪ ਦੇ ਫਾਈਨਲ ਮੈਚ ਦਾ ਜ਼ਿਕਰ ਕਰਦਿਆਂ ਉਨ੍ਹਾਂ ਕਿਹਾ ਕਿ ਸਾਡੇ ਮੁੰਡੇ ਸ਼ਾਨਦਾਰ ਢੰਗ ਨਾਲ ਵਿਸ਼ਵ ਕੱਪ ਜਿੱਤ ਰਹੇ ਸਨ। ਪਰ, ਉਹ ਹਾਰ ਗਏ।
ਇਸ ਤੋਂ ਇਲਾਵਾ ਰਾਹੁਲ ਗਾਂਧੀ ਜੋ ਵੀ ਜੈਬਕਤਰੇ ਦੀ ਕਹਾਣੀ ਦੱਸ ਰਹੇ ਹਨ, ਜਿਸ ‘ਤੇ ਨੋਟਿਸ ਜਾਰੀ ਕੀਤਾ ਗਿਆ ਹੈ ਉਸ ਚ ਕਹਿੰਦੇ ਹਨ ਕਿ ‘ਤਿੰਨ ਜਣੇ ਜੇਬਾਂ ਕੱਟਣ ਆਉਂਦੇ ਹਨ। ਇੱਕ ਜੇਬ ਕਤਰਾ ਧਿਆਨ ਭਟਕਾਉਣ ਦੀ ਕੋਸ਼ਿਸ਼ ਕਰਦਾ ਹੈ। ਦੂਜਾ ਪਿੱਛੇ ਤੋਂ ਆ ਕੇ ਜੇਬ ਕੱਟਦਾ ਹੈ। ਤੀਜਾ ਦੇਖ ਰਿਹਾ ਹੁੰਦਾ ਹੈ ਅਤੇ ਹਮਲਾ ਕਰਨ ਲਈ ਤਿਆਰ ਰਹਿੰਦਾ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਉਹ ਹਨ ਜੋ ਜੇਬ ਕਤਰਿਆਂ ਵਾਂਗ ਧਿਆਨ ਭਟਕਾਉਂਦੇ ਹਨ। ਜੇਬਾਂ ਕੱਟਣ ਵਾਲਾ ਅਡਾਨੀ ਹੈ ਅਤੇ ਹਮਲਾ ਕਰਨ ਵਾਲਾ ਅਮਿਤ ਸ਼ਾਹ ਹੈ।” ਭਾਜਪਾ ਨੇ ਇਸ ਮਾਮਲੇ ਦੀ ਸ਼ਿਕਾਇਤ ਚੋਣ ਕਮਿਸ਼ਨ ਨੂੰ ਵੀ ਕੀਤੀ ਸੀ।