ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ਨੀਵਾਰ ਨੂੰ ਓਡੀਸ਼ਾ ਦੇ ਕੰਧਮਾਲ, ਬੋਲਾਂਗੀਰ ਅਤੇ ਬਰਗੜ੍ਹ ਵਿੱਚ ਚੋਣ ਰੈਲੀਆਂ ਕੀਤੀਆਂ। ਕੰਧਮਾਲ ‘ਚ ਪ੍ਰਧਾਨ ਮੰਤਰੀ ਨੇ ਮੰਚ ‘ਤੇ ਪਦਮਸ਼੍ਰੀ ਜੇਤੂ ਪੂਰਨਮਾਸੀ ਜਾਨੀ ਦੇ ਪੈਰ ਛੂਹੇ। ਪੂਰਨਮਾਸੀ ਕਵੀ ਅਤੇ ਸਮਾਜ ਸੇਵੀ ਹੈ। ਉਸਨੂੰ 2021 ਵਿੱਚ ਪਦਮ ਸ਼੍ਰੀ ਨਾਲ ਸਨਮਾਨਿਤ ਕੀਤਾ ਗਿਆ ਸੀ।
ਕੰਧਮਾਲ ‘ਚ ਆਪਣੇ ਸੰਬੋਧਨ ‘ਚ ਪੀ.ਐੱਮ. ਨੇ ਕਿਹਾ, ”ਇਸ ਚੋਣ ‘ਚ ਕਾਂਗਰਸ 50 ਸੀਟਾਂ ਤੋਂ ਹੇਠਾਂ ਸਿਮਟਣ ਜਾ ਰਹੀ ਹੈ। 4 ਜੂਨ ਨੂੰ ਪਾਰਟੀ ਦੇਸ਼ ਦੀ ਸੰਸਦ ‘ਚ ਵਿਰੋਧੀ ਧਿਰ ਵੀ ਨਹੀਂ ਬਣ ਸਕੇਗੀ।ਕਾਂਗਰਸ ਇਹ ਨਾ ਮੰਨੇ ਕਿ ਭਾਰਤ ਦੇ ਮੁਸਲਮਾਨ ਇਧਰ-ਉਧਰ ਨਹੀਂ ਜਾਣਗੇ।ਲੋਕਾਂ ਨੇ ਐਨਡੀਏ ਨੂੰ 400 ਤੋਂ ਪਾਰ ਲਿਜਾਣ ਦਾ ਮਨ ਬਣਾ ਲਿਆ ਹੈ।
ਪ੍ਰਧਾਨ ਮੰਤਰੀ ਨੇ ਕਿਹਾ, ”ਅੱਜ ਤੋਂ 26 ਸਾਲ ਪਹਿਲਾਂ ਅਟਲ ਬਿਹਾਰੀ ਵਾਜਪਾਈ ਦੀ ਸਰਕਾਰ ਨੇ ਪੋਖਰਣ ‘ਚ ਪਰਮਾਣੂ ਪ੍ਰੀਖਣ ਕੀਤਾ ਸੀ। ਇਕ ਪਾਸੇ ਉਹ ਦਿਨ ਸੀ ਜਦੋਂ ਭਾਰਤ ਨੇ ਦੁਨੀਆ ਨੂੰ ਆਪਣੀ ਤਾਕਤ ਦਿਖਾਈ ਸੀ ਅਤੇ ਦੂਜੇ ਪਾਸੇ ਕਾਂਗਰਸ ਹੈ ਜੋ ਵਾਰ-ਵਾਰ ਡਰਾਉਣ ਦੀ ਕੋਸ਼ਿਸ਼ ਕਰਦੀ ਹੈ।”