ਉੱਤਰ ਪ੍ਰਦੇਸ਼ ਦੇ ਫਰੂਖਾਬਾਦ ਦੇ ਫਤਿਹਗੜ੍ਹ ‘ਚ ਇਕ ਇੰਸਪੈਕਟਰ ਨੇ ਹੋਲੀ ‘ਤੇ ਛੁੱਟੀ ਲਈ ਚਿੱਠੀ ਦਿੱਤੀ ਹੈ ਜੋ ਸੋਸ਼ਲ ਮੀਡੀਆ ‘ਤੇ ਚਰਚਾ ਦਾ ਵਿਸ਼ਾ ਬਣ ਗਈ ਹੈ। ਦਰਅਸਲ ਅਰਜ਼ੀ ‘ਚ ਇੰਸਪੈਕਟਰ ਨੇ ਲਿਖਿਆ ਕਿ ਉਸ ਦੀ ਪਤਨੀ ਪਿਛਲੇ 22 ਸਾਲਾਂ ਤੋਂ ਹੋਲੀ ‘ਤੇ ਆਪਣੇ ਪੇਕੇ ਘਰ ਨਹੀਂ ਗਈ। ਇਸ ਵਾਰ ਉਸ ਨੂੰ ਉਸਦੇ ਪੇਕੇ ਘਰ ਲੈ ਜਾਣਾ ਹੈ। ਕਿਰਪਾ ਕਰਕੇ 10 ਦਿਨਾਂ ਦੀ ਛੁੱਟੀ ਦਿਓ। ਇੰਸਪੈਕਟਰ ਨੇ ਤਿਉਹਾਰ ਦੀ ਛੁੱਟੀ ਲਈ ਐਸਪੀ ਦਫ਼ਤਰ ਨੂੰ ਚਿੱਠੀ ਭੇਜ ਦਿੱਤੀ। ਇਸ ਅਨੋਖੇ ਪੱਤਰ ਨੂੰ ਦੇਖ ਕੇ ਐਸਪੀ ਅਸ਼ੋਕ ਕੁਮਾਰ ਮੀਨਾ ਨੇ ਨੋਟਿਸ ਲਿਆ। ਉਹਨਾਂ ਨੇ ਇੰਸਪੈਕਟਰ ਦੀ ਪੰਜ ਦਿਨ ਦੀ ਛੁੱਟੀ ਮਨਜ਼ੂਰ ਕੀਤੀ ਹੈ।