ਥਾਈਲੈਂਡ ਵਿੱਚ ਸੰਸਦ ਨੇ ਪ੍ਰਧਾਨ ਮੰਤਰੀ ਦੇ ਅਹੁਦੇ ਲਈ ਪਾਇਤੋਂਗਤਾਰਨ ਸ਼ਿਨਾਵਤਰਾ ਨੂੰ ਚੁਣਿਆ ਹੈ। ਉਹ ਸਾਬਕਾ ਪ੍ਰਧਾਨ ਮੰਤਰੀ ਥਾਕਸਿਨ ਸ਼ਿਨਾਵਤਰਾ ਦੀ ਧੀ ਹੈ। 37 ਸਾਲਾ ਪਾਇਤੋਂਗਤਾਰਨ ਦੇਸ਼ ਦੇ 31ਵੇਂ ਪ੍ਰਧਾਨ ਮੰਤਰੀ ਬਣ ਗਏ ਹਨ। ਉਹ ਥਾਈਲੈਂਡ ਦੇ ਇਤਿਹਾਸ ਵਿੱਚ ਸਭ ਤੋਂ ਘੱਟ ਉਮਰ ਦੀ ਪ੍ਰਧਾਨ ਮੰਤਰੀ ਹੋਣ ਦੇ ਨਾਲ-ਨਾਲ ਇਹ ਅਹੁਦਾ ਸੰਭਾਲਣ ਵਾਲੀ ਦੇਸ਼ ਦੀ ਦੂਜੀ ਮਹਿਲਾ ਵੀ ਹੈ।
ਯਿੰਗਲਕ ਥਾਈਲੈਂਡ ਦੀ ਪ੍ਰਧਾਨ ਮੰਤਰੀ ਬਣਨ ਵਾਲੀ ਦੇਸ਼ ਦੀ ਪਹਿਲੀ ਔਰਤ ਸੀ। ਉਹ ਪਾਇਤੋਂਗਤਾਰਨ ਦੀ ਮਾਸੀ ਹੈ। ਪਾਇਤੋਂਗਤਾਰਨ ਪ੍ਰਧਾਨ ਮੰਤਰੀ ਬਣਨ ਵਾਲੇ ਸ਼ਿਨਾਵਤਰਾ ਪਰਿਵਾਰ ਦੇ ਤੀਜੇ ਨੇਤਾ ਹਨ। ਥਾਕਸਿਨ ਦੇ ਜੀਜਾ ਸੋਮਚਾਈ ਵੋਂਗਸਾਵਤ ਵੀ 2008 ਵਿੱਚ ਥਾਈਲੈਂਡ ਦੇ ਪ੍ਰਧਾਨ ਮੰਤਰੀ ਰਹਿ ਚੁੱਕੇ ਹਨ।
2001 ਵਿੱਚ ਥਾਕਸੀਨ ਥਾਈਲੈਂਡ ਦੇ ਪ੍ਰਧਾਨ ਮੰਤਰੀ ਬਣੇ ਸਨ। ਥਾਕਸੀਨ ਸ਼ਿਨਾਵਾਤਰਾ ਨੂੰ ਤਖਤਾਪਲਟ ਰਾਹੀਂ ਸੱਤਾ ਤੋਂ ਲਾਂਭੇ ਕਰ ਦਿੱਤਾ ਗਿਆ ਸੀ। ਪਾਇਤੋਂਗਤਾਰਨ ਸੱਤਾਧਾਰੀ ਪਾਰਟੀ ‘ਫੇਊ ਥਾਈ’ ਦਾ ਆਗੂ ਹੈ। ਹਾਲਾਂਕਿ, ਪਾਇਤੋਂਗਤਾਰਨ ਅਜੇ ਸੰਸਦ ਮੈਂਬਰ ਨਹੀਂ ਹੈ।
ਸੰਸਦ ‘ਚ ਸ਼ਿਨਾਵਤਰਾ ਦੇ ਪੱਖ ‘ਚ 319 ਵੋਟਾਂ ਪਈਆਂ, ਜਦਕਿ ਉਨ੍ਹਾਂ ਦੇ ਖਿਲਾਫ 145 ਵੋਟਾਂ ਪਈਆਂ। 27 ਸੰਸਦ ਮੈਂਬਰਾਂ ਨੇ ਵੋਟ ਨਹੀਂ ਪਾਈ। ਸਦਨ ਵਿੱਚ 493 ਸੰਸਦ ਮੈਂਬਰ ਹਨ। ਪਾਇਤੋਂਗਤਾਰਨ ਨੂੰ ਬਹੁਮਤ ਹਾਸਲ ਕਰਨ ਲਈ 248 ਵੋਟਾਂ ਦੀ ਲੋੜ ਸੀ। ਸ਼ੁੱਕਰਵਾਰ ਨੂੰ ਸਦਨ ‘ਚ 489 ਸੰਸਦ ਮੈਂਬਰ ਮੌਜੂਦ ਸਨ।
ਥਾਈਲੈਂਡ ਵਿੱਚ 2 ਦਿਨ ਪਹਿਲਾਂ ਅਦਾਲਤ ਨੇ ਸ਼ਰੇਥਾ ਥਾਵਿਸਿਨ ਨੂੰ ਪ੍ਰਧਾਨ ਮੰਤਰੀ ਦੇ ਅਹੁਦੇ ਤੋਂ ਹਟਾ ਦਿੱਤਾ ਸੀ। ਉਨ੍ਹਾਂ ‘ਤੇ ਅਪਰਾਧਿਕ ਰਿਕਾਰਡ ਵਾਲੇ ਵਕੀਲ ਨੂੰ ਕੈਬਨਿਟ ‘ਚ ਸ਼ਾਮਲ ਕਰਨ ਦਾ ਦੋਸ਼ ਸੀ। ਅਦਾਲਤ ਨੇ ਇਸ ਕਦਮ ਨੂੰ ਨੈਤਿਕਤਾ ਦੀ ਉਲੰਘਣਾ ਕਰਾਰ ਦਿੰਦਿਆਂ ਪ੍ਰਧਾਨ ਮੰਤਰੀ ਨੂੰ ਦੋਸ਼ੀ ਕਰਾਰ ਦਿੱਤਾ ਸੀ। ਪ੍ਰਧਾਨ ਮੰਤਰੀ ਸ਼ਰੇਤਾ ਸਿਰਫ਼ ਇੱਕ ਸਾਲ ਤੱਕ ਸੱਤਾ ਵਿੱਚ ਰਹਿ ਸਕੇ। ਉਹ 22 ਅਗਸਤ 2023 ਨੂੰ ਥਾਈਲੈਂਡ ਦੇ ਪ੍ਰਧਾਨ ਮੰਤਰੀ ਬਣੇ
