ਜਦੋਂ ਲੋਕ ਕਿਸੇ ਚੀਜ਼ ਦਾ ਵਿਰੋਧ ਕਰਦੇ ਹਨ ਜਾਂ ਆਪਣੀ ਗੱਲ ਕਹਿਣ ਲਈ ਪ੍ਰਦਰਸ਼ਨਕਾਰੀ ਨਾਅਰੇਬਾਜ਼ੀ ਕਰਦੇ ਹਨ। ਇਸ ਤੋਂ ਵੱਧ ਉਹ ਸੜਕ ਜਾਮ ਕਰ ਦਿੰਦੇ ਹਨ ਅਤੇ ਜੇਕਰ ਜ਼ਿਆਦਾ ਹੋ ਜਾਵੇ ਤਾਂ ਰੇਲਵੇ ਟਰੈਕ ਜਾਮ ਕਰ ਦਿੰਦੇ ਹਨ। ਪਰ ਇੱਕ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਕੁਝ ਪ੍ਰਦਰਸ਼ਨਕਾਰੀਆਂ ਨੇ ਜਹਾਜ਼ ਦੇ ਰਨਵੇਅ ‘ਤੇ ਬੈਠ ਕੇ ਵਿਰੋਧ ਕਰਨਾ ਸ਼ੁਰੂ ਕਰ ਦਿੱਤਾ। ਇਸ ਤੋਂ ਬਾਅਦ ਹੰਗਾਮਾ ਹੋ ਗਿਆ।
ਅਸਲ ਵਿੱਚ ਇਹ ਮਾਮਲਾ ਜਰਮਨੀ ਦੇ ਬਰਲਿਨ ਦਾ ਹੈ। ਅੰਤਰਰਾਸ਼ਟਰੀ ਮੀਡੀਆ ਰਿਪੋਰਟਾਂ ਮੁਤਾਬਕ ਇਹ ਸਭ ਵੀਰਵਾਰ ਨੂੰ ਜਰਮਨੀ ਦੇ ਬ੍ਰੈਂਡੇਨਬਰਗ ਏਅਰਪੋਰਟ ‘ਤੇ ਹੋਇਆ। ਇਸ ਦੇ ਲਈ ਪ੍ਰਦਰਸ਼ਨਕਾਰੀ ਪਹਿਲਾਂ ਦੋਵੇਂ ਪਾਸੇ ਕੰਡਿਆਲੀ ਤਾਰ ਤੋੜ ਕੇ ਹਵਾਈ ਅੱਡੇ ਦੇ ਅੰਦਰ ਦਾਖਲ ਹੋਏ ਅਤੇ ਫਿਰ ਰਨਵੇਅ ਵਾਲੇ ਖੇਤਰ ਵਿਚ ਦਾਖਲ ਹੋਏ। ਉੱਥੇ ਦਾਖਲ ਹੁੰਦੇ ਹੀ ਉਹ ਸਾਰੇ ਜਾ ਕੇ ਰਨਵੇ ‘ਤੇ ਬੈਠ ਗਏ। ਇੰਨਾ ਹੀ ਨਹੀਂ ਉਹ ਆਪਣੇ ਸਾਈਕਲ ਵੀ ਚਲਾਉਣ ਲੱਗੇ। ਹਵਾਈ ਅੱਡੇ ਦੇ ਅਧਿਕਾਰੀਆਂ ਨੇ ਜਿਵੇਂ ਹੀ ਪ੍ਰਦਰਸ਼ਨਕਾਰੀਆਂ ਨੂੰ ਅਜਿਹਾ ਕਰਦੇ ਦੇਖਿਆ ਤਾਂ ਕਾਹਲੀ ਵਿੱਚ ਉਨ੍ਹਾਂ ਨੂੰ ਬਾਹਰ ਕੱਢਣ ਦੀਆਂ ਕੋਸ਼ਿਸ਼ਾਂ ਕਰਨ ਲੱਗੇ। ਦੂਜੇ ਪਾਸੇ ਇਸ ਪ੍ਰਦਰਸ਼ਨ ਕਾਰਨ ਰਨਵੇਅ ‘ਤੇ ਲੈਂਡਿੰਗ ਅਤੇ ਟੇਕਆਫ ਦੇ ਸਾਰੇ ਕਾਰਜਾਂ ਨੂੰ ਸ਼ਾਮ ਤੱਕ ਰੋਕਣਾ ਪਿਆ।
