ਰਾਜਸਥਾਨ ਦੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਅਜੇ ਆਪਣੇ ਤੀਜੇ ਕਾਰਜਕਾਲ ਦਾ ਆਖਰੀ ਬਜਟ ਪੇਸ਼ ਕਰ ਰਹੇ ਹਨ। ਰਾਜਸਥਾਨ ਵਿਧਾਨ ਸਭਾ ਵਿੱਚ ਬਜਟ ਭਾਸ਼ਣ ਦੌਰਾਨ ਸੀਐਮ ਅਸ਼ੋਕ ਗਹਿਲੋਤ ਅਚਾਨਕ ਅਟਕ ਗਏ। ਦਰਅਸਲ ਸੀਐਮ ਗਹਿਲੋਤ ਨੇ ਸਵੇਰੇ 11 ਵਜੇ ਬਜਟ ਭਾਸ਼ਣ ਪੜ੍ਹਨਾ ਸ਼ੁਰੂ ਕੀਤਾ। ਇਸ ਦੌਰਾਨ ਗਹਿਲੋਤ ਖੁਦ ਬਜਟ ਪੜ੍ਹਦੇ ਹੋਏ ਅਟਕ ਗਏ। ਮਨਰੇਗਾ ਦੀ 125 ਦਿਨਾਂ ਦੀ ਸ਼ਹਿਰੀ ਰੋਜ਼ਗਾਰ ਗਾਰੰਟੀ ਯੋਜਨਾ ਦੀ ਜਾਣਕਾਰੀ ਜਿਵੇਂ ਹੀ ਬਜਟ ਵਿੱਚ ਆਈ ਤਾਂ ਪਤਾ ਲੱਗਾ ਕਿ ਮੁੱਖ ਮੰਤਰੀ ਵੱਲੋਂ ਪਿਛਲੇ ਸਾਲ ਸਾਲ ਵਾਲਾ ਹੀ ਬਜਟ ਪੜ੍ਹਿਆ ਜਾ ਰਿਹਾ ਹੈ।
ਮੰਤਰੀ ਮਹੇਸ਼ ਜੋਸ਼ੀ ਨੇ ਸੀਐਮ ਕੋਲ ਜਾ ਕੇ ਇਹ ਗਲਤੀ ਦੱਸੀ। ਇਸ ਤੋਂ ਬਾਅਦ ਸੀਐਮ ਨੇ ਮਾਫੀ ਵੀ ਮੰਗੀ ਅਤੇ ਕਿਹਾ ਕਿ ਗਲਤੀ ਹੋ ਜਾਂਦੀ ਹੈ। ਪਰ ਗਹਿਲੋਤ ਵੀ ਇਸ ਗੱਲ ਤੋਂ ਹੈਰਾਨ ਸਨ ਕਿ ਬਜਟ ਪੇਪਰ ਵਿੱਚ ਪੁਰਾਣੇ ਬਜਟ ਦੇ ਕਾਗਜ਼ ਕਿਵੇਂ ਆ ਗਏ। ਹੁਣ ਮੰਨਿਆ ਜਾ ਰਿਹਾ ਹੈ ਕਿ ਬਜਟ ਲਈ ਕਿਸੇ ਨਾ ਕਿਸੇ ਅਧਿਕਾਰੀ ਤੇ ਗਾਜ ਡਿੱਗੇਗੀ। ਗਲਤੀ ਕਿੱਥੇ ਅਤੇ ਕਿਵੇਂ ਹੋਈ ਇਸ ਦੀ ਜਾਂਚ ਕੀਤੀ ਜਾ ਰਹੀ ਹੈ।