ਆਈਪੀਐਲ ਫਰੈਂਚਾਇਜ਼ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਦਾ ਟਵਿੱਟਰ ਅਕਾਊਂਟ ਸ਼ਨੀਵਾਰ ਸਵੇਰੇ ਹੈਕ ਕਰ ਲਿਆ ਗਿਆ। ਹੈਕਰਜ ਨੇ ਟਵਿਟਰ ਹੈਂਡਲ ਦਾ ਨਾਂ ਬਦਲ ਕੇ ‘ਬੋਰਡ ਐਪ ਯਾਚ ਕਲੱਬ’ ਕਰ ਦਿੱਤਾ। ਇਸ ‘ਤੇ ਹੈਕਰਾਂ ਨੇ ਐੱਨ.ਐੱਫ.ਟੀ. ਨਾਲ ਜੁੜੀ ਪੋਸਟ ਅਪਲੋਡ ਕੀਤੀ। ਹੈਕਰਜ਼ ਨੇ ਹੈਂਡਲ ਦਾ ਬਾਇਓ ਵੀ ਬਦਲ ਦਿੱਤਾ। ਹੈਕਰਾਂ ਨੇ ਬਾਇਓ ਵਿੱਚ ਇੱਕ ਨਵਾਂ ਲਿੰਕ ਪਾਇਆ ਅਤੇ ਪ੍ਰੋਫਾਈਲ ਤਸਵੀਰ ਵਿੱਚ ਇੱਕ ਨਵਾਂ ਲਿੰਕ ਵੀ ਸ਼ਾਮਲ ਕੀਤਾ। ਹੈਕਰਾਂ ਨੇ ਬਾਇਓ ਵਿੱਚ ਲਿਖਿਆ ਹੈ ਕਿ. ਮੈਂਬਰ ਬਣਨ ਲਈ ਓਪਨਸੀ ‘ਤੇ ਬੋਰਡ ਐਪ ਜਾਂ ਮਿਊਟੈਂਟ ਐਪ ਖਰੀਦੋ। ਇੱਕ ਵੈਬਸਾਈਟ ਲਿੰਕ ਵੀ ਜੋੜਿਆ। ਫਿਲਹਾਲ ਟਵਿਟਰ ਨੇ ਪ੍ਰੋਫਾਈਲ ਨੂੰ ਸਸਪੈਂਡ ਕਰ ਦਿੱਤਾ ਹੈ।
ਆਰਸੀਬੀ ਨੇ ਹੈਕਿੰਗ ਨੂੰ ਲੈ ਕੇ ਅਧਿਕਾਰਤ ਬਿਆਨ ਜਾਰੀ ਕੀਤਾ ਹੈ। ਇਸ ਵਿੱਚ ਉਨ੍ਹਾਂ ਨੇ ਲਿਖਿਆ ਕਿ 21 ਜਨਵਰੀ 2023 ਨੂੰ ਸਵੇਰੇ 4 ਵਜੇ ਆਰਸੀਬੀ ਦਾ ਟਵਿਟਰ ਹੈਂਡਲ ਹੈਕ ਹੋ ਗਿਆ ਸੀ। ਅਸੀਂ ਖਾਤੇ ਤੱਕ ਪਹੁੰਚ ਗੁਆ ਦਿੱਤੀ ਹੈ। ਅਸੀਂ ਆਪਣੇ ਹੈਂਡਲ ‘ਤੇ ਪੋਸਟ ਕੀਤੇ ਗਏ ਕਿਸੇ ਵੀ ਟਵੀਟ ਦਾ ਸਮਰਥਨ ਨਹੀਂ ਕਰਦੇ ਹਾਂ। ਅਸੀਂ ਸਾਰੇ ਪ੍ਰਸ਼ੰਸਕਾਂ ਅਤੇ ਉਪਭੋਗਤਾਵਾਂ ਨੂੰ ਹੋਈ ਅਸੁਵਿਧਾ ਲਈ ਮੁਆਫੀ ਚਾਹੁੰਦੇ ਹਾਂ। ਅਸੀਂ ਟਵਿੱਟਰ ਸਹਾਇਤਾ ਟੀਮ ਦੇ ਸੰਪਰਕ ਵਿੱਚ ਹਾਂ ਅਤੇ ਇਸਨੂੰ ਹੱਲ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਅਸੀਂ ਜਲਦੀ ਹੀ ਟਵਿੱਟਰ ‘ਤੇ ਵਾਪਸ ਆਵਾਂਗੇ।
