ਸ਼ੁੱਕਰਵਾਰ ਨੂੰ ਕੰਨਿਆਕੁਮਾਰੀ ਵਿੱਚ ਵਿਵੇਕਾਨੰਦ ਰਾਕ ਮੈਮੋਰੀਅਲ ਵਿੱਚ ਪ੍ਰਧਾਨ ਮੰਤਰੀ ਮੋਦੀ ਦੇ ਧਿਆਨ ਦਾ ਅੱਜ ਦੂਜਾ ਦਿਨ ਹੈ। ਵਿਰੋਧੀ ਧਿਰ ਪੀਐਮ ਮੋਦੀ ਦੇ ਧਿਆਨ-ਸਾਧਨਾ ਨੂੰ ਚੋਣ ਜ਼ਾਬਤੇ ਦੀ ਉਲੰਘਣਾ ਦੱਸ ਰਹੀ ਹੈ। ਤਾਮਿਲਨਾਡੂ ਕਾਂਗਰਸ ਨੇ ਦੋਸ਼ ਲਾਇਆ ਹੈ ਕਿ ਪ੍ਰਧਾਨ ਮੰਤਰੀ ਆਪਣੇ ਅਹੁਦੇ ਦੀ ਦੁਰਵਰਤੋਂ ਕਰ ਰਹੇ ਹਨ। ਇਸ ਦੇ ਖਿਲਾਫ ਮਦਰਾਸ ਹਾਈ ਕੋਰਟ ‘ਚ ਪਟੀਸ਼ਨ ਦਾਇਰ ਕੀਤੀ ਗਈ ਹੈ।
ਤਾਮਿਲਨਾਡੂ ਕਾਂਗਰਸ ਕਮੇਟੀ ਨੇ ਮਦਰਾਸ ਹਾਈ ਕੋਰਟ ‘ਚ ਦਾਇਰ ਪਟੀਸ਼ਨ ‘ਚ ਕਿਹਾ ਹੈ ਕਿ ਪ੍ਰਧਾਨ ਮੰਤਰੀ ਦੇ ਵਿਵੇਕਾਨੰਦ ਰਾਕ ਦੇ ਦੌਰੇ ‘ਤੇ ਕੋਈ ਇਤਰਾਜ਼ ਨਹੀਂ ਕਰ ਸਕਦਾ, ਪਰ ਲੋਕ ਸਭਾ ਚੋਣਾਂ 2024 ਦੇ 7ਵੇਂ ਪੜਾਅ ਦੇ ਕੂਲਿੰਗ ਪੀਰੀਅਡ ਦੌਰਾਨ ਉਨ੍ਹਾਂ ਦੀ ਇਹ ਯਾਤਰਾ ਹਿੰਦੂ ਭਾਵਨਾਵਾਂ ਨੂੰ ਭੜਕਾਉਣਾ ਅਤੇ ਆਪਣੇ ਅਧਿਕਾਰਤ ਅਹੁਦੇ ਦੀ ਦੁਰਵਰਤੋਂ ਕਰਨਾ ਵੋਟ ਹਾਸਲ ਕਰਨ ਦੀ ਕੋਸ਼ਿਸ਼ ਹੈ। ਇਸ ਲਈ ਇਸ ਸਬੰਧੀ ਕਾਰਵਾਈ ਕੀਤੀ ਜਾਵੇ।
ਦੱਸ ਦਈਏ ਕਿ ਅੱਜ ਸਵੇਰੇ ਧਿਆਨ-ਸਾਧਨਾ ਕਰਦੇ ਹੋਏ ਪੀਐਮ ਮੋਦੀ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ। ਜਿਸ ‘ਚ ਉਨ੍ਹਾਂ ਨੂੰ ਭਗਵੇਂ ਕਪੜੇ, ਹੱਥ ਵਿੱਚ ਰੁਦਰਾਕਸ਼ ਦੀ ਮਾਲਾ ਅਤੇ ਮੱਥੇ ‘ਤੇ ਤਿਲਕ ਲੱਗਿਆ ਦੇਖਿਆ ਗਿਆ। ਪ੍ਰਧਾਨ ਮੰਤਰੀ ਵੀਰਵਾਰ ਸ਼ਾਮ ਨੂੰ ਕੰਨਿਆਕੁਮਾਰੀ ਪਹੁੰਚੇ। ਸਭ ਤੋਂ ਪਹਿਲਾਂ ਭਗਵਤੀ ਦੇਵੀ ਅੰਮਾਂ ਮੰਦਿਰ ਵਿਖੇ ਦਰਸ਼ਨ – ਪੂਜਾ ਅਰਚਨਾ ਕੀਤੀ। ਪੀ.ਐਮ ਨੇ ਪੂਜਾ ਦੌਰਾਨ ਚਿੱਟਾ ਮੁੰਡੂ (ਦੱਖਣੀ ਭਾਰਤ ਦਾ ਕੱਪੜਾ) ਅਤੇ ਇੱਕ ਸ਼ਾਲ ਪਹਿਨਿਆ ਹੋਇਆ ਸੀ। ਪੁਜਾਰੀਆਂ ਨੇ ਪੀ.ਐਮ ਮੋਦੀ ਨੂੰ ਪ੍ਰਸ਼ਾਦ, ਸ਼ਾਲ ਅਤੇ ਦੇਵੀ ਦੀ ਤਸਵੀਰ ਦਿੱਤੀ।
