ਭਾਰਤੀ ਟੀਮ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਪਤਨੀ ਅਨੁਸ਼ਕਾ ਸ਼ਰਮਾ ਨਾਲ ਧਾਰਮਿਕ ਯਾਤਰਾ ‘ਤੇ ਹਨ। ਕੋਹਲੀ ਅਤੇ ਅਨੁਸ਼ਕਾ ਨਿਊਜ਼ੀਲੈਂਡ ਖਿਲਾਫ ਵਨਡੇ ਸੀਰੀਜ਼ ਤੋਂ ਬਾਅਦ ਅਤੇ ਆਸਟ੍ਰੇਲੀਆ ਖਿਲਾਫ ਟੈਸਟ ਸੀਰੀਜ਼ ਤੋਂ ਪਹਿਲਾਂ ਬ੍ਰੇਕ ਦੌਰਾਨ ਰਿਸ਼ੀਕੇਸ਼ ਪਹੁੰਚੇ। ਇਸ ਦੌਰਾਨ ਦੋਵੇਂ ਸਵਾਮੀ ਦਯਾਨੰਦ ਸਰਸਵਤੀ ਦੇ ਆਸ਼ਰਮ ਵੀ ਪਹੁੰਚੇ। ਸਵਾਮੀ ਦਯਾਨੰਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਅਧਿਆਤਮਕ ਗੁਰੂ ਸਨ। ਉਨ੍ਹਾਂ ਦੇ ਆਸ਼ਰਮ ਪਹੁੰਚਣ ਤੋਂ ਬਾਅਦ ਕੋਹਲੀ ਅਤੇ ਅਨੁਸ਼ਕਾ ਨੇ ਸਭ ਤੋਂ ਪਹਿਲਾਂ ਦਯਾਨੰਦ ਸਰਸਵਤੀ ਦੀ ਸਮਾਧ ‘ਤੇ ਪੂਜਾ ਅਰਚਨਾ ਕੀਤੀ। 20 ਮਿੰਟ ਤੱਕ ਮੈਡੀਟੇਸ਼ਨ ਵੀ ਕੀਤੀ।
ਇਸ ਤੋਂ ਬਾਅਦ ਕੋਹਲੀ ਅਤੇ ਅਨੁਸ਼ਕਾ ਨੇ ਦਯਾਨੰਦ ਆਸ਼ਰਮ ਦੇ ਪ੍ਰਧਾਨ ਸਵਾਮੀ ਸਾਕਸ਼ਤਕ੍ਰਿਤਾ ਨੰਦ ਮਹਾਰਾਜ ਤੋਂ ਆਸ਼ੀਰਵਾਦ ਵੀ ਲਿਆ। ਉਹ ਰਾਤ ਨੂੰ ਆਸ਼ਰਮ ਵਿੱਚ ਰਹਿਣਗੇ। ਇਸ ਤੋਂ ਇਲਾਵਾ ਤਿੰਨਾਂ ਨੇ ਆਸ਼ਰਮ ਦੀ ਰਸੋਈ ‘ਚ ਤਿਆਰ ਖਾਣਾ ਖਾਧਾ। ਇਸ ਦੌਰਾਨ ਤਿੰਨਾਂ ਨੇ ਰੋਟੀ, ਸਬਜ਼ੀ, ਖਿਚੜੀ ਅਤੇ ਕੜ੍ਹੀ ਖਾਧੀ। ਇਸ ਤੋਂ ਇਲਾਵਾ ਤਿੰਨੋਂ ਆਸ਼ਰਮਾਂ ਵਿੱਚ ਨਿਯਮਤ ਯੋਗਾ ਕਲਾਸਾਂ ਵਿੱਚ ਵੀ ਸ਼ਾਮਲ ਹੋ ਸਕਦੇ ਹਨ।
