ਮੋਗੇ ਹਲਕੇ ਦੀ ਹੋਣਹਾਰ ਧੀ ਪਰਮ, ਜਿਸਨੇ ਆਪਣੀ ਕਾਬਲੀਅਤ ਅਤੇ ਮਿਹਨਤ ਨਾਲ ਇਹ ਸਾਬਤ ਕਰ ਦਿੱਤਾ ਕਿ ਟੈਲੇਂਟ ਲਈ ਕਿਸੇ ਸਹਾਰੇ ਦੀ ਨਹੀਂ, ਸਿਰਫ਼ ਜ਼ਜ਼ਬੇ ਅਤੇ ਲਗਨ ਦੀ ਲੋੜ ਹੁੰਦੀ ਹੈ, ਅੱਜ ਲੋਕਾਂ ਲਈ ਪ੍ਰੇਰਣਾ ਬਣੀ ਹੋਈ ਹੈ।
“That Girl” ਦੇ ਨਾਮ ਨਾਲ ਮਸ਼ਹੂਰ ਹੋ ਰਹੀ ਪਰਮ ਨੇ ਗਾਇਕੀ ਦੇ ਖੇਤਰ ਵਿੱਚ ਆਪਣਾ ਵਿਲੱਖਣ ਮੁਕਾਮ ਬਣਾਇਆ ਹੈ। ਉਸਦੀ ਸੁਰਾਂ ਭਰੀ ਆਵਾਜ਼ ਅਤੇ ਜਜ਼ਬੇ ਨੇ ਸਾਬਤ ਕੀਤਾ ਹੈ ਕਿ ਹਾਲਾਤ ਚਾਹੇ ਜਿਹੇ ਵੀ ਹੋਣ, ਜੇ ਵਿਸ਼ਵਾਸ ਆਪਣੇ ਆਪ ’ਤੇ ਹੋਵੇ ਤਾਂ ਮੰਜ਼ਿਲਾਂ ਖੁਦ ਰਾਹ ਦਿਖਾਉਂਦੀਆਂ ਹਨ।
ਅੱਜ ਮੋਗੇ ਹਲਕੇ ਦੇ ਐਮ ਐਲ ਏ ਡਾ.ਅਮਨਦੀਪ ਅਰੋੜਾ ਨੇ ਆਪਣੇ ਗ੍ਰਹਿ ਵਿਖੇ ਪਰਮ ਨਾਲ ਚਾਹ ਦਾ ਕੱਪ ਸਾਂਝਾ ਕਰਦਿਆਂ ਉਸਦੀ ਹੌਸਲਾ ਅਫਜਾਈ ਕੀਤੀ ਅਤੇ ਕਿਹਾ ਕਿ ਪਰਮ ਵਰਗੀਆਂ ਧੀਆਂ ਸਾਡੇ ਸਮਾਜ ਦੀ ਸ਼ਾਨ ਹਨ। ਇੱਕ ਆਮ ਪਰਿਵਾਰ ਤੋਂ ਉੱਠ ਕੇ ਗਾਇਕੀ ਦੇ ਮੰਚ ’ਤੇ ਆਪਣੀ ਪਛਾਣ ਬਣਾਉਣਾ ਕਾਬਿਲ-ਏ-ਤਾਰੀਫ਼ ਹੈ।
ਪਰਮ ਦੀ ਕਹਾਣੀ ਹਰੇਕ ਉਸ ਨੌਜਵਾਨ ਲਈ ਮਿਸਾਲ ਹੈ ਜੋ ਆਪਣੇ ਸੁਪਨੇ ਪੂਰੇ ਕਰਨ ਦਾ ਜਜ਼ਬਾ ਰੱਖਦਾ ਹੈ।












