ਚੰਡੀਗੜ੍ਹ: ਪੰਜਾਬ ਵਿਧਾਨਸਭਾ ਚੋਣਾਂ ‘ਚ ਇਸ ਵਾਰ ਆਮ ਆਦਮੀ ਪਾਰਟੀ ਦੀ ਬਹੁਤ ਵੱਡੀ ਜਿੱਤ ਹੋਈ ਹੈ। ਪਾਰਟੀ 92 ਸੀਟਾਂ ‘ਤੇ ਜੇਤੂ ਰਹੀ ਹੈ। ‘ਆਪ’ ਦੀ ਇਸ ਸੁਨਾਮੀ ‘ਚ ਸੁਖਬੀਰ ਬਾਦਲ, ਨਵਜੋਤ ਸਿੰਘ ਸਿੱਧੂ, ਚਰਨਜੀਤ ਸਿੰਘ ਚੰਨੀ, ਪਰਮਿੰਦਰ ਸਿੰਘ ਢੀਂਡਸਾ ਸਮੇਤ ਪੰਜ ਵਾਰ ਦੇ ਮੁੱਖ ਮੰਤਰੀ ਤੇ ਦਿੱਗਜ ਆਗੂ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਦੋ ਵਾਰ ਮੁੱਖ ਮੰਤਰੀ ਰਹਿ ਚੁੱਕੇ ਕੈਪਟਨ ਅਮਰਿੰਦਰ ਸਿੰਘ ਸਮੇਤ ਕਈ ਦਿੱਗਜ ਆਗੂ ਢਹਿ ਢੇਰੀ ਹੋ ਗਏ। ਇਨ੍ਹਾਂ ਦਿੱਗਜਾਂ ਤੋਂ ਬਿਨਾਂ ਵਿਧਾਨ ਸਭਾ ਦਾ ਚਿਹਰਾ ਕੁਝ ਬਦਲਿਆ ਨਜ਼ਰ ਆਵੇਗਾ।
ਇਸ ਵਾਰ ਤਿੰਨ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ, ਕੈਪਟਨ ਅਮਰਿੰਦਰ ਸਿੰਘ, ਚਰਨਜੀਤ ਸਿੰਘ ਚੰਨੀ ਅਤੇ ਦੋ ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਬਾਦਲ, ਓਪੀ ਸੋਨੀ ਵਿਧਾਨ ਸਭਾ ਵਿੱਚ ਨਜ਼ਰ ਨਹੀਂ ਆਉਣਗੇ। ਬਾਦਲ ਪਰਿਵਾਰ ਵੀ ਹੁਣ ਇਸ ਵਿਧਾਨਸਭਾ ‘ਚ ਨਹੀਂ ਦਿਖੇਗਾ। ਸਾਬਕਾ ਵਿੱਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ, ਬਿਕਰਮ ਮਜੀਠੀਆ ਵੀ ਚੋਣ ਹਾਰ ਗਏ। ਇਸ ਤੋਂ ਇਲਾਵਾ ਰਜ਼ੀਆ ਸੁਲਤਾਨਾ ਵੀ ਇਸ ਵਾਰ ਕੈਬਨਿਟ ਦਾ ਹਿੱਸਾ ਨਹੀਂ ਹੋਵੇਗੀ। ਵਿਧਾਨ ਸਭ ‘ਚ ਪਾਣੀ ਦਾ ਮੁੱਦਾ ਚੁੱਕਣ ਵਾਲੇ ਬੈਂਸ ਬ੍ਰਦਰ ਵੀ ਬੁਰੀ ਤਰ੍ਹਾਂ ਚੋਣ ਹਾਰੇ ਹਨ ‘ਤੇ ਹੁਣ ਉਨ੍ਹਾਂ ਦੀ ਆਵਾਜ਼ ਵੀ ਵਿਧਾਨ ਸਭਾ ‘ਚ ਨਹੀਂ ਗੂੰਜੇਗੀ। ਇਨ੍ਹਾਂ ਤੋਂ ਇਲਾਵਾ ਕਈ ਅਜਿਹੇ ਆਗੂ ਹਨ ਜੋ ਪਹਿਲੀ ਵਾਰ ਪੰਜਾਬ ਵਿਧਾਨ ਸਭਾ ਵਿੱਚ ਨਜ਼ਰ ਆਉਣਗੇ। 8 ਸਾਲ ਪਹਿਲਾਂ ਸੂਬੇ ਦੀ ਰਾਜਨੀਤੀ ਵਿੱਚ ਪ੍ਰਵੇਸ਼ ਕਰਨ ਵਾਲੀ ਆਮ ਆਦਮੀ ਪਾਰਟੀ ਨੇ ਇਸ ਵਾਰ 92 ਸੀਟਾਂ ਜਿੱਤ ਕੇ ਭਾਰੀ ਬਹੁਮਤ ਹਾਸਲ ਕੀਤਾ ਹੈ।
ਪੰਜਾਬ ਵਿਧਾਨਸਭਾ ‘ਚ ਇਸ ਵਾਰ ਨਹੀਂ ਦਿਖਣਗੇ ਇਹ ਸਿਆਸੀ ਆਗੂ
- ਪ੍ਰਕਾਸ਼ ਸਿੰਘ ਬਾਦਲ
- ਸੁਖਬੀਰ ਬਾਦਲ
- ਕੈਪਟਨ ਅਮਰਿੰਦਰ ਸਿੰਘ
- ਨਵਜੋਤ ਸਿੰਘ ਸਿੱਧੂ
- ਚਰਨਜੀਤ ਸਿੰਘ ਚੰਨੀ
- ਮਨਪ੍ਰੀਤ ਬਾਦਲ
- ਬਿਕਰਮ ਮਜੀਠੀਆ
- ਓਪੀ ਸੋਨੀ
- ਰਾਕੇਸ਼ ਪਾਂਡੇ
- ਬੈਂਸ ਬ੍ਰਦਰਸ
- ਰਜ਼ੀਆ ਸੁਲਤਾਨਾ
