ਇਸ ਵਾਰ ਮੋਹਾਲੀ ਵਿੱਚ 18 ਸਾਲ ਤੋਂ ਲੈ ਕੇ 120 ਸਾਲ ਤੋਂ ਵੱਧ ਉਮਰ ਦੇ ਵੋਟਰ ਲੋਕ ਸਭਾ ਚੋਣਾਂ ਵਿੱਚ ਵੋਟ ਪਾਉਣਗੇ। ਇੱਥੇ 414379 ਪੁਰਸ਼ ਵੋਟਰ ਹਨ ਜਦਕਿ 376298 ਮਹਿਲਾ ਵੋਟਰ ਹਨ। 36 ਤੀਜੇ ਲਿੰਗ ਦੇ ਵੋਟਰ ਵੀ ਸ਼ਾਮਲ ਹਨ। 120 ਸਾਲ ਤੋਂ ਵੱਧ ਉਮਰ ਦੇ ਵੋਟਰਾਂ ਦੀ ਗੱਲ ਕਰੀਏ ਤਾਂ ਇਨ੍ਹਾਂ ਵਿੱਚ ਦੋ ਮਰਦ ਅਤੇ ਇੱਕ ਮਹਿਲਾ ਵੋਟਰ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਇਸ ਵਾਰ 110 ਸਾਲ ਤੋਂ 119 ਸਾਲ ਤੱਕ ਦੇ ਤਿੰਨ ਪੁਰਸ਼ ਅਤੇ ਤਿੰਨ ਮਹਿਲਾ ਵੋਟਰ ਵੋਟਿੰਗ ਵਿੱਚ ਹਿੱਸਾ ਲੈਣਗੇ।
ਜ਼ਿਲ੍ਹਾ ਚੋਣ ਦਫ਼ਤਰ ਅਨੁਸਾਰ 85 ਸਾਲ ਤੋਂ ਵੱਧ ਉਮਰ ਦੇ ਵੋਟਰਾਂ ਨੂੰ ਘਰ ਬੈਠੇ ਹੀ ਵੋਟ ਪਾਉਣ ਦੀ ਸਹੂਲਤ ਦਿੱਤੀ ਜਾਵੇਗੀ। ਇਸ ਦੇ ਲਈ ਚੋਣਾਂ ਨਾਲ ਜੁੜੇ ਕਰਮਚਾਰੀ ਘਰ-ਘਰ ਜਾ ਕੇ ਵੋਟਿੰਗ ਕਰਵਾਉਣਗੇ। ਅਜਿਹੇ ‘ਚ ਮੋਹਾਲੀ ‘ਚ 80 ਤੋਂ 89 ਸਾਲ ਦੀ ਉਮਰ ਦੇ 1386 ਵੋਟਰ ਹਨ। ਇਨ੍ਹਾਂ ਵਿੱਚੋਂ 7034 ਪੁਰਸ਼ ਅਤੇ 652 ਮਹਿਲਾ ਵੋਟਰ ਹਨ। ਕੁੱਲ 2018 ਵੋਟਰ 90 ਸਾਲ ਤੋਂ 99 ਸਾਲ ਦੇ ਵਿਚਕਾਰ ਹਨ। ਇਨ੍ਹਾਂ ਵਿੱਚੋਂ 1046 ਪੁਰਸ਼ ਅਤੇ 972 ਮਹਿਲਾ ਵੋਟਰ ਹਨ। ਇਸੇ ਤਰ੍ਹਾਂ 100 ਤੋਂ 109 ਸਾਲ ਦੀ ਉਮਰ ਦੇ 67 ਮਰਦ ਅਤੇ 75 ਮਹਿਲਾ ਵੋਟਰ ਹਨ।
ਮੋਹਾਲੀ ਦੀ ਡਿਪਟੀ ਕਮਿਸ਼ਨਰ ਆਸ਼ਿਕਾ ਜੈਨ ਨੇ ਇਸ ਲਈ ਵੱਖ-ਵੱਖ ਟੀਮਾਂ ਬਣਾ ਕੇ ਅਧਿਕਾਰੀਆਂ ਦੀ ਡਿਊਟੀ ਲਗਾਈ ਹੈ। ਇਸ ਵਿੱਚ ਕੁੱਲ 9 ਫਲਾਇੰਗ ਸਕੁਐਡ ਟੀਮਾਂ ਦਾ ਗਠਨ ਕੀਤਾ ਗਿਆ ਹੈ। ਇੱਕ ਟੀਮ ਵਿੱਚ ਵੱਖ-ਵੱਖ ਵਿਭਾਗਾਂ ਦੇ ਚਾਰ ਵਿਅਕਤੀਆਂ ਦੀ ਡਿਊਟੀ ਲਗਾਈ ਗਈ ਹੈ। ਚੌਕਸੀ ਅਤੇ ਸੁਰੱਖਿਆ ਨੂੰ ਲੈ ਕੇ ਉਹ ਚੌਵੀ ਘੰਟੇ ਸੁਰੱਖਿਆ ‘ਤੇ ਨਜ਼ਰ ਰੱਖਣਗੇ ਅਤੇ ਪੋਲਿੰਗ ਬੂਥਾਂ ਦੀ ਲਗਾਤਾਰ ਚੈਕਿੰਗ ਕਰਦੇ ਰਹਿਣਗੇ।
ਇਸ ਵਿੱਚ ਬਿਜਲੀ ਪ੍ਰਬੰਧਨ ਲਈ ਗਮਾਡਾ ਅਧਿਕਾਰੀਆਂ, ਸਿਖਲਾਈ ਪ੍ਰਬੰਧਨ ਲਈ ਲੋਕ ਨਿਰਮਾਣ ਵਿਭਾਗ ਦੇ ਅਧਿਕਾਰੀਆਂ, ਮਟੀਰੀਅਲ ਪ੍ਰਬੰਧਨ ਲਈ ਜ਼ਿਲ੍ਹਾ ਵਿਕਾਸ ਤੇ ਪੰਚਾਇਤ ਅਫ਼ਸਰ ਅਤੇ ਟਰਾਂਸਪੋਰਟ ਪ੍ਰਬੰਧਨ ਲਈ ਆਰ.ਟੀ.ਓ ਦੀ ਡਿਊਟੀ ਲਗਾਈ ਗਈ ਹੈ।
