ਬੀਐਸਐਫ ਨੇ ਫਿਰੋਜ਼ਪੁਰ ਭਾਰਤ-ਪਾਕਿ ਸਰਹੱਦ ‘ਤੇ ਹੈਰੋਇਨ ਬਰਾਮਦ ਕੀਤੀ ਹੈ। ਹੈਰੋਇਨ ਦੇ 03 ਪੈਕਟਾਂ ਦਾ ਕੁੱਲ ਵਜ਼ਨ ਲਗਭਗ – 2.5 ਕਿਲੋਗ੍ਰਾਮ ਦੱਸਿਆ ਜਾ ਰਿਹਾ ਹੈ।
ਪੰਜਾਬ ਦੇ ਫ਼ਿਰੋਜ਼ਪੁਰ ਦੇ ਸੇਠਾਂ ਵਾਲਾ ਇਲਾਕੇ ਵਿੱਚ ਬੀ.ਐਸ.ਐਫ ਨੇ ਰਾਤ ਵੇਲੇ ਡਰੋਨ ਗਤੀਵਿਧੀ ਦੇਖੀ। ਸੋਮਵਾਰ ਸਵੇਰੇ ਬੀਐਸਐਫ ਦੀ 182 ਬਟਾਲੀਅਨ ਨੇ ਸ਼ੱਕੀ ਇਲਾਕੇ ਵਿੱਚ ਤਲਾਸ਼ੀ ਮੁਹਿੰਮ ਸ਼ੁਰੂ ਕੀਤੀ। ਇੱਥੋਂ ਉਨ੍ਹਾਂ ਨੂੰ ਇੱਕ ਬੈਗ ਮਿਲਿਆ। ਬੈਗ ‘ਚੋਂ ਢਾਈ ਕਿਲੋ ਹੈਰੋਇਨ ਬਰਾਮਦ ਹੋਈ ਹੈ। ਬੈਗ ਨਾਲ ਇੱਕ ਹੁੱਕ ਅਤੇ ਇਸਦੇ ਨਾਲ ਸੰਕੇਤਕ ਲੱਗਿਆ ਹੋਇਆ ਸੀ। ਤਾਂ ਜੋ ਭਾਰਤੀ ਸਮੱਗਲਰਾਂ ਨੂੰ ਪਤਾ ਲੱਗ ਸਕੇ ਕਿ ਇਹ ਪੈਕਟ ਕਿੱਥੇ ਪਿਆ ਹੈ। ਬੀਐਸਐਫ ਦੇ ਜਵਾਨਾਂ ਨੇ ਪੀਲੀ ਟੇਪ ਨਾਲ ਲਪੇਟਿਆ ਇੱਕ ਵੱਡਾ ਪੈਕੇਟ ਬਰਾਮਦ ਕੀਤਾ ਜਿਸ ਵਿੱਚ 03 ਪੈਕਟ ਹੈਰੋਇਨ ਸਨ। ਇਸ ਦੇ ਨਾਲ ਹੀ 02 ਚਮਕਦੀਆਂ ਗੇਂਦਾਂ ਅਤੇ ਬੈਟਰੀ ਵਾਲਾ ਇੱਕ ਚਮਕਦਾਰ ਨੀਲਾ LED ਬੱਲਬ ਵੀ ਮਿਲਿਆ ਹੈ।
