ਚੰਡੀਗੜ੍ਹ ਦੇ ਸੈਕਟਰ 31 ਅਤੇ ਸੈਕਟਰ 32 ਦੇ ਚੌਰਾਹੇ ‘ਤੇ ਅੱਜ ਸਵੇਰੇ ਇੱਕ ਟਰੱਕ ਪਲਟ ਗਿਆ। ਇਹ ਟਰੱਕ ਡੇਰਾਬੱਸੀ ਤੋਂ ਬੱਦੀ ਵੱਲ ਜਾ ਰਿਹਾ ਸੀ ਜਿਸ ਫਾਈਬਰ ਸਮੱਗਰੀ ਲੋਡ ਸੀ। ਪੁਲਿਸ ਵੱਲੋ ਰਸਤਾ ਖੁਲਵਾ ਦਿੱਤਾ ਗਿਆ ਹੈ ਪਰ ਇਸ ਟਰੱਕ ਅਤੇ ਇਸ ਵਿੱਚ ਲੱਦਿਆ ਸਾਮਾਨ ਨੂੰ ਸੜਕ ਤੋਂ ਹਟਾਉਣ ਦੀ ਕੋਸ਼ਿਸ਼ ਜਾਰੀ ਹੈ। ਇੱਕ ਵੱਡੀ ਹਾਈਡ੍ਰੌਲਿਕ ਮਸ਼ੀਨ ਨੂੰ ਮੌਕੇ ‘ਤੇ ਬੁਲਾਇਆ ਗਿਆ ਹੈ। ਚੰਡੀਗੜ੍ਹ ਪੁਲਿਸ ਵੀ ਮੌਕੇ ‘ਤੇ ਮੌਜੂਦ ਹੈ।
ਹਾਦਸੇ ਸਮੇਂ ਮੌਕੇ ‘ਤੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਟਰੱਕ ਦੇ ਅੱਗੇ ਇੱਕ ਕਾਰ ਜਾ ਰਹੀ ਸੀ। ਚੌਕ ‘ਤੇ ਮੁੜਦੇ ਸਮੇਂ ਸਿਗਨਲ ਲਾਲ ਹੋਣ ਤੋਂ ਬਾਅਦ ਕਾਰ ਨੇ ਬ੍ਰੇਕਾਂ ਲਗਾਈਆਂ। ਜਿਵੇਂ ਹੀ ਟਰੱਕ ਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਉਹ ਪਲਟ ਗਿਆ। ਟਰੱਕ ਪਲਟਣ ਦੇ ਇਸ ਹਾਦਸੇ ਵਿੱਚ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਖਬਰ ਨਹੀਂ ਹੈ। ਟਰੱਕ ਦਾ ਡਰਾਈਵਰ ਅਤੇ ਕੰਡਕਟਰ ਦੋਵੇਂ ਸੁਰੱਖਿਅਤ ਦੱਸੇ ਜਾ ਰਹੇ ਹਨ। ਹਾਦਸੇ ਦੇ ਸਮੇਂ ਸਵੇਰ ਦਾ ਸਮਾਂ ਹੋਣ ਕਾਰਨ ਆਵਾਜਾਈ ਵੀ ਘੱਟ ਸੀ। ਇਸ ਕਾਰਨ ਇਸ ਹਾਦਸੇ ਵਿੱਚ ਕਿਸੇ ਹੋਰ ਵਾਹਨ ਨੂੰ ਨੁਕਸਾਨ ਨਹੀਂ ਪਹੁੰਚਿਆ