ਗੁਰਦਾਸਪੁਰ ਵਿੱਚ ਗਊਸ਼ਾਲਾ ਦੇ ਪੰਡਿਤ ਨਾਲ ਕੁਟਮਾਰ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਸ ਕਰਕੇ ਸੰਗਤ ਵੱਲੋਂ ਡਾਕਖਾਨੇ ਚੌਂਕ ਵਿਖੇ ਲਗਾਇਆ ਗਿਆ। ਇਸ ਸੰਬਧੀ ਜਾਣਕਾਰੀ ਦਿੰਦੇ ਹੋਏ ਪੁਜਾਰੀ ਨੇ ਦੋਸ਼ ਲਗਾਏ ਕਿ ਪਿੰਡ ਵੱਲੋਂ ਇੱਕ ਕਮੇਟੀ ਬਣਾਈ ਗਈ ਹੈ ਜਿਨਾਂ ਵੱਲੋਂ ਅੱਜ ਮੇਰੇ ਨਾਲ ਮਾਰ ਕੁਟਾਈ ਕੀਤੀ ਗਈ ਅਤੇ ਮੈਨੂੰ ਮੰਦਿਰ ਵਿੱਚੋਂ ਕੱਢਿਆ ਗਿਆ। ਜਿਸ ਤੋਂ ਬਾਅਦ ਸੰਗਤ ਵੱਲੋਂ ਅੱਜ ਪੋਸਟ ਆਫਿਸ ਚੌਂਕ ਵਿਖੇ ਧਰਨਾ ਲਗਾਇਆ ਗਿਆ ਹੈ ਅਤੇ ਇਨਸਾਫ ਦੀ ਮੰਗ ਕੀਤੀ ਜਾ ਰਹੀ ਹੈ।
ਇਸ ਸੰਬਧੀ ਦੂਜੀ ਧਿਰ ਨੇ ਦੋਸ਼ ਲਗਾਉਂਦੇ ਹੋਇਆ ਕਿਹਾ ਕਿ ਗਊਸ਼ਾਲਾ ਦੇ ਮੰਦਰ ਵਿੱਚ ਜੋ ਪੁਜਾਰੀ ਬੈਠਦਾ ਹੈ ਉਹ ਨੌਜਵਾਨਾਂ ਨੂੰ ਲਾਗੇ ਬਿਠਾ ਕੇ ਨਸ਼ਾ ਵਗੈਰਾ ਕਰਵਾਉਂਦਾ ਹੈ, ਜਿਸ ਕਰਕੇ ਮੰਦਰ ਦੀ ਮਰਿਆਦਾ ਭੰਗ ਹੋਈ। ਜਿਸ ਦੇ ਸਬੰਧ ਵਿੱਚ ਪੁਜਾਰੀ ਨੂੰ ਕਿਹਾ ਕਿ ਇਸ ਮੰਦਰ ਨੂੰ ਛੱਡ ਕੇ ਚਲਿਆ ਜਾਏ। ਇਸ ਤੋਂ ਬਾਅਦ ਮੁਹੱਲੇ ਵਾਲੇ ਇਕੱਠੇ ਹੋ ਗਏ ਅਤੇ ਗਊਸ਼ਾਲਾ ਵਿਖੇ ਪੁੱਜੇ ਤੇ ਜਿਸ ਤੋਂ ਬਾਅਦ ਪੁਜਾਰੀ ਵੱਲੋਂ ਕੁਝ ਨੌਜਵਾਨ ਬੁਲਾ ਕੇ ਹੱਥੋਪਾਈ ਪਾਈ ਕੀਤੀ ਗਈ ਜਿਸ ਦੀ ਰਿਪੋਰਟ ਪੁਲਿਸ ਨੂੰ ਦੇ ਦਿੱਤੀ ਗਈ ਹੈ।
ਉੱਥੇ ਹੀ ਐਸਐਚਓ ਸਦਰ ਅਮਨਦੀਪ ਸਿੰਘ ਨੇ ਕਿਹਾ ਕਿ ਸਾਨੂੰ ਇੱਕ ਕੰਪਲੇਂਟ ਆਈ ਸੀ ਕਿ ਗੁਰਦਾਸਪੁਰ ਦੇ ਗਉ ਸ਼ਾਲਾ ਵਿਖੇ ਪੰਡਿਤ ਵਲੋ ਦੁਰਵਿਹਾਰ ਕੀਤਾ ਜਾ ਰਿਹਾ ਹੈ ਉਹਨਾਂ ਨੇ ਕਿਹਾ ਕਿ ਦੋਨਾਂ ਪਾਰਟੀਆਂ ਨੂੰ ਸਵੇਰ ਦਾ ਸਮਾਂ ਦਿੱਤਾ ਗਿਆ ਸੀ ਪਰ ਹੁਣ ਸਾਨੂੰ ਪਤਾ ਲਗਾ ਕਿ ਚੌਂਕ ਵਿਚ ਧਰਨਾ ਲੱਗਾ ਹੈ।