ਸੰਯੁਕਤ ਕਿਸਾਨ ਮੋਰਚਾ ਨਾਲ ਜੁੜੇ ਸਮੂਹ ਸੰਗਠਨਾਂ ਦੀ ਕੌਮੀ ਪੱਧਰ ਮੀਟਿੰਗ ਅੱਜ 14 ਮਾਰਚ ਨੂੰ ਦਿੱਲੀ ਵਿਖੇ ਬੁਲਾਈ ਗਈ ਹੈ। ਜਿਸ ਵਿਚ 9 ਦਸੰਬਰ ਨੂੰ ਸਰਕਰ ਵਲੋ ਦਿੱਤੇ ਭਰੋਸਾ ਪੱਤਰ ਦੀ ਸਮੀਖਿਆ ਕਰਨ, ਲਖੀਮਪੁਰ ਖੀਰੀ ਕਾਂਡ, ਐਮਐਸਪੀ ਦੇ ਮੁੱਦੇ ਤੇ ਕੌਮੀ ਪ੍ਰੋਗਰਾਮ ਦੀ ਯੋਜਨਾ, ਮੋਰਚੇ ਦੇ ਫੰਡ ਦੀ ਸਥਿਤੀ, ਪੰਜਾਬ ਚੋਣਾਂ ਵਿਚ ਹਿੱਸਾ ਲੈਣ ਵਾਲੇ ਸੰਗਠਨਾਂ ਬਾਰੇ ਫੈਸਲਾ ਕੀਤਾ ਜਾਵੇਗਾ। ਪੰਜਾਬ ਵਿਧਾਨ ਸਭਾ ਚੋਣਾਂ ਤੋਂ ਬਾਅਦ ਸੰਯੁਕਤ ਕਿਸਾਨ ਮੋਰਚਾ ਦੀਆ ਕੁੱਝ ਜਥੇਬੰਦੀਆਂ ਨਾਖੁਸ਼ ਨਜ਼ਰ ਆ ਰਹੀਆਂ ਹਨ।
ਦਰਅਸਲ ਮੁੱਲਾਂਪੁਰ ਦਾਖਾ ਵਿੱਚ ਕਿਸਾਨ ਜਥੇਬੰਦੀਆਂ ਦੀ ਮੀਟਿੰਗ ਵਿੱਚ 11 ਜਥੇਬੰਦੀਆਂ ਨੇ ਹਿੱਸਾ ਨਹੀਂ ਲਿਆ। ਸਾਰੀਆਂ 32 ਜਥੇਬੰਦੀਆਂ ਨੂੰ ਮੀਟਿੰਗ ਵਿੱਚ ਪਹੁੰਚਣ ਦਾ ਸੁਨੇਹਾ ਦਿੱਤਾ ਗਿਆ। ਜਿਸ ਵਿੱਚ 18 ਜਥੇਬੰਦੀਆਂ ਦੇ ਆਗੂ ਹਾਜ਼ਰ ਸਨ। ਤਿੰਨਾਂ ਜਥੇਬੰਦੀਆਂ ਨੇ ਫੋਨ ’ਤੇ ਸਹਿਮਤੀ ਦੇ ਦਿੱਤੀ। ਤਿੰਨ-ਚਾਰ ਘੰਟੇ ਚੱਲੀ ਇਸ ਮੀਟਿੰਗ ਵਿੱਚ ਜਬਰਦਸਤ ਹੰਗਾਮਾ ਹੋਇਆ ਅਤੇ ਕਿਸਾਨ ਆਗੂ ਕਈ ਮੁੱਦਿਆਂ ’ਤੇ ਜ਼ੁਬਾਨੀ ਲੜਾਈ ਲੜਦੇ ਰਹੇ। ਮੀਟਿੰਗ ਵਿੱਚ 14 ਮਾਰਚ ਨੂੰ ਦਿੱਲੀ ਵਿੱਚ ਐਸਕੇਐਮ ਦੀ ਕੌਮੀ ਪੱਧਰ ਦੀ ਮੀਟਿੰਗ ਦੀ ਤਿਆਰੀ, ਸਮੀਖਿਆ ਅਤੇ ਏਜੰਡੇ ਬਾਰੇ ਚਰਚਾ ਕੀਤੀ ਗਈ।
ਦਸ ਦਈਏ ਕਿ ਸੋਮਵਾਰ ਨੂੰ ਦਿੱਲੀ ‘ਚ ਸੰਯੁਕਤ ਕਿਸਾਨ ਮੋਰਚਾ ਦੀ ਪ੍ਰਸਤਾਵਿਤ ਬੈਠਕ ਨੂੰ ਲੈ ਕੇ ਕਿਹਾ ਜਾ ਰਿਹਾ ਹੈ ਕਿ ਐੱਸ.ਕੇ.ਐੱਮ. ਫਿਰ ਤੋਂ ਕਿਸਾਨ ਅੰਦੋਲਨ ਸ਼ੁਰੂ ਕਰਨ ਦਾ ਫੈਸਲਾ ਲੈ ਸਕਦੀ ਹੈ।