ਬੀਤੇ ਦਿਨੀ ਪੰਜਾਬ ਪੁਲਿਸ ਦੇ ਐਡੀਸ਼ਨਲ ਐਸ.ਐਚ.ਓ ਦਾ ਬਾਈਕ ਜ਼ਿਲ੍ਹਾ ਲੁਧਿਆਣਾ ਦੇ ਸਤਲੁਜ ਕਲੱਬ ਦੇ ਬਾਹਰੋਂ ਚੋਰੀ ਹੋਣ ਦੀ ਖਬਰ ਸਾਹਮਣੇ ਆਈ। ਦਰਅਸਲ ਪੁਲੀਸ ਮੁਲਾਜ਼ਮ ਦੀ ਡਿਊਟੀ ਕਲੱਬ ਦੀ ਚੋਣ ਲਈ ਲੱਗੀ ਹੋਈ ਸੀ। ਜਦੋਂ ਉਹ ਆਪਣੀ ਡਿਊਟੀ ਖਤਮ ਕਰਕੇ ਬਾਹਰ ਆਏ ਤਾਂ ਉਨ੍ਹਾਂ ਦੀ ਬੈਕ ਉਥੇ ਨਹੀਂ ਸੀ ਜਿਸ ਕਾਰਨ ਇਹ ਬਾਈਕ ਚੋਰੀ ਦਾ ਮਾਮਲਾ ਜਾਪਣ ਲੱਗਾ।

ਪਰ ਹੁਣ ਇਸ ਮਾਮਲੇ ‘ਤੇ ਲੁਧਿਆਣਾ ਪੁਲਿਸ ਨੇ ਸਪਸ਼ਟੀਕਰਨ ਦਿੱਤਾ ਹੈ ਪੁਲਿਸ ਵਲੋਂ ਦਿੱਤੀ ਜਾਣਕਾਰੀ ਚ ਕਿਹਾ ਗਿਆ ਹੈ ਕਿ ” ਲੁਧਿਆਣਾ ਪੁਲਿਸ ਸਪੱਸ਼ਟ ਕਰਨਾ ਚਾਹੁੰਦੀ ਹੈ ਕਿ ਐਸ.ਆਈ ਗੁਰਦੇਵ ਸਿੰਘ ਦਾ ਬਾਈਕ ਚੋਰੀ ਨਹੀਂ ਹੋਇਆ ਸੀ, ਇਹ ਪਾਰਕਿੰਗ ਵਿਚ ਖੜ੍ਹਾ ਸੀ ਅਤੇ ਭਾਰੀ ਭੀੜ ਕਾਰਨ ਤੁਰੰਤ ਇਸ ਦਾ ਪਤਾ ਨਹੀਂ ਲਗਾ ਸਕਿਆ ਸੀ। ਪਰ ਜਿਵੇ ਹੀ ਮੋਟਰਸਾਈਕਲ ਲੱਭਿਆ, ਮੀਡੀਆ ਨੂੰ ਇਸ ਬਾਰੇ ਦੱਸ ਦਿੱਤਾ ਗਿਆ।”