ਲੋਕ ਸਭਾ ਚੋਣਾਂ ਦੌਰਾਨ ਚੋਣ ਜ਼ਾਬਤਾ ਲਾਗੂ ਹੋਣ ਦੇ ਬਾਵਜੂਦ ਪੰਜਾਬ ਕਰ ਵਿਭਾਗ ਦੀ ਟੀਮ ਵੱਲੋਂ ਵੱਡੀ ਮਾਤਰਾ ਵਿੱਚ ਸੋਨਾ ਲੈ ਕੇ ਜਾਂਦੇ ਇੱਕ ਨਿੱਜੀ ਵਾਹਨ ਨੂੰ ਫੜਿਆ ਗਿਆ ਹੈ।
ਅਡੀਸ਼ਨਲ ਕਮਿਸ਼ਨਰ ਜੀਵਨ ਜੋਤ ਕਰਨ ਨੇ ਦੱਸਿਆ ਕਿ ਉਨ੍ਹਾਂ ਦੀ ਟੀਮ ਨੇ 5 ਕਰੋੜ ਰੁਪਏ ਦੇ ਸੋਨੇ ਅਤੇ ਹੀਰਿਆਂ ਦੇ ਗਹਿਣੇ ਜ਼ਬਤ ਕੀਤੇ ਹਨ। ਅਡੀਸ਼ਨਲ ਕਮਿਸ਼ਨਰ ਜੀਵਨ ਜੋਤ ਕੌਰ ਨੇ ਦੱਸਿਆ ਕਿ ਸਟੇਟ ਟੈਕਸ ਅਫ਼ਸਰ ਨੇ ਬਠਿੰਡਾ ਤੋਂ ਚੰਡੀਗੜ੍ਹ ਨੂੰ ਜਾਂਦੀ ਸੜਕ ’ਤੇ ਚੈਕਿੰਗ ਦੌਰਾਨ ਇੱਕ ਸਫ਼ੈਦ ਰੰਗ ਦੀ ਇਨੋਵਾ ਕਾਰ ਨੂੰ ਰੋਕਿਆ।
ਜਦੋਂ ਇਹ ਚੰਡੀਗੜ੍ਹ ਨੰਬਰ ਦੀ ਇਨੋਵਾ ਨਾ ਰੁਕੀ ਤਾਂ ਸੰਗਰੂਰ ਭਵਾਨੀਗੜ੍ਹ ਰੋਡ ‘ਤੇ ਕਾਲਾ ਝੱਡ ਟੋਲ ਪਲਾਜ਼ਾ ‘ਤੇ ਇਸ ਦਾ ਪਿੱਛਾ ਕਰ ਕੇ ਕਾਬੂ ਕਰ ਲਿਆ ਗਿਆ । ਗੱਡੀ ਦੀ ਤਲਾਸ਼ੀ ਲੈਣ ‘ਤੇ ਉਸ ‘ਚੋਂ ਚੂੜੀਆਂ, ਮੁੰਦਰੀਆਂ, ਚੋਕਰ ਸੈੱਟ ਅਤੇ ਹਾਰ ਸਮੇਤ ਸੋਨੇ ਅਤੇ ਹੀਰੇ ਜੜੇ ਗਹਿਣੇ ਬਰਾਮਦ ਹੋਏ।
