ਪੰਜਾਬ ਦੇ ਫਰੀਦਕੋਟ ਜ਼ਿਲੇ ਦੀ ਜੇਲ ‘ਚ ਬੰਦ ਮੋਗਾ ਦੇ ਹਵਾਲਾਤੀ ਜਸਪ੍ਰੀਤ ਸਿੰਘ ਅਤੇ ਅੰਮ੍ਰਿਤਸਰ ਦੇ ਕੈਦੀ ਅਕਾਸ਼ਦੀਪ ਸਿੰਘ ਤੋਂ ਫੋਨ ਮਿਲੇ ਹਨ। ਜੇਲ ਪ੍ਰਸ਼ਾਸਨ ਨੂੰ ਚੈਕਿੰਗ ਦੌਰਾਨ ਦੋਨਾਂ ਤੋਂ ਫੋਨ ਮਿਲੇ। ਥਾਣਾ ਸਿਟੀ ਫਰੀਦਕੋਟ ਵਿਖੇ ਜੇਲ ਅਧਿਕਾਰੀ ਦੀ ਸ਼ਿਕਾਇਤ ‘ਤੇ ਦੋਵਾਂ ਦੋਸ਼ੀਆਂ ਖਿਲਾਫ ਜੇਲ ਐਕਟ ਅਤੇ ਹੋਰ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
ਫ਼ਰੀਦਕੋਟ ਕੇਂਦਰੀ ਜੇਲ੍ਹ ਦੇ ਸਹਾਇਕ ਸੁਪਰਡੈਂਟ ਨੇ ਦੱਸਿਆ ਕਿ ਦੋਵੇਂ ਮੁਲਜ਼ਮ ਵੱਖ-ਵੱਖ ਜੁਰਮਾਂ ਦੇ ਦੋਸ਼ਾਂ ਤਹਿਤ ਫ਼ਰੀਦਕੋਟ ਜ਼ਿਲ੍ਹੇ ਵਿੱਚ ਬੰਦ ਹਨ। ਜੇਲ੍ਹ ਗਾਰਡ ਵੱਲੋਂ ਰੂਟੀਨ ਚੈਕਿੰਗ ਕੀਤੀ ਜਾ ਰਹੀ ਸੀ। ਇਸ ਦੌਰਾਨ ਬੈਰਕ ਦੀ ਚੈਕਿੰਗ ਦੌਰਾਨ ਦੋਵਾਂ ਦੇ ਫ਼ੋਨ ਬਰਾਮਦ ਹੋਏ, ਜੋ ਉਨ੍ਹਾਂ ਨੇ ਬੈਰਕ ਵਿੱਚ ਹੀ ਛੁਪਾ ਕੇ ਰੱਖੇ ਹੋਏ ਸਨ। ਇਹ ਜਾਣਕਾਰੀ ਜੇਲ੍ਹ ਜਾਂਚ ਵਿੰਗ ਦੇ ਇੰਚਾਰਜ ਨੇ ਦਿੱਤੀ।