ਦਵਾਰਕਾ ਦਾ ਸਿਗਨੇਚਰ ਬ੍ਰਿਜ (ਸੁਦਰਸ਼ਨ ਬ੍ਰਿਜ) ਸਿਰਫ ਪੰਜ ਮਹੀਨਿਆਂ ਵਿੱਚ ਹੀ ਆਪਣੀ ਸੁੰਦਰਤਾ ਗੁਆ ਚੁੱਕਾ ਹੈ। ਕਈ ਥਾਵਾਂ ‘ਤੇ ਸੀਮਿੰਟ ਖਿੱਲਰਿਆ ਪਿਆ ਹੈ ਅਤੇ ਹੇਠਾਂ ਲੋਹੇ ਦੀਆਂ ਰਾਡਾਂ ਨਜ਼ਰ ਆ ਰਹੀਆਂ ਹਨ। ਕਈ ਥਾਵਾਂ ‘ਤੇ ਤਾਂ ਪਾਸੇ ਦੀਆਂ ਕੰਧਾਂ ਤੋਂ ਪਲਸਤਰ ਉਤਰ ਚੁੱਕਾ ਹੈ। ਰੇਲਿੰਗ ਨੂੰ ਵੀ ਜੰਗਾਲ ਲੱਗ ਗਿਆ ਹੈ।
ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਗੁਜਰਾਤ ਕਾਂਗਰਸ ਵੱਲੋਂ ਭਾਜਪਾ ‘ਤੇ ਨਿਸ਼ਾਨਾ ਸਾਧਿਆ ਜਾ ਰਿਹਾ ਹੈ। ਕਾਂਗਰਸ ਨੇ ਪੁਲ ਦੀਆਂ ਤਸਵੀਰਾਂ ਸ਼ੇਅਰ ਕਰਕੇ ਮੋਦੀ ਸਰਕਾਰ ‘ਤੇ ਨਿਸ਼ਾਨਾ ਸਾਧਿਆ ਹੈ। ਗੁਜਰਾਤ ਵਿਧਾਨ ਸਭਾ ‘ਚ ਪਾਰਟੀ ਵਿਧਾਇਕ ਦਲ ਦੇ ਨੇਤਾ ਅਮਿਤ ਚਾਵੜਾ ਨੇ ਇਸ ਮੁੱਦੇ ‘ਤੇ ਪੀਐਮ ਮੋਦੀ ਨੂੰ ਟੈਗ ਕਰਕੇ ਉਨ੍ਹਾਂ ‘ਤੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਨੇ ਲਿਖਿਆ, ‘ਦੇਖੋ ਨਰਿੰਦਰ ਮੋਦੀ ਦਾ ਗੁਜਰਾਤ ਦਾ ਭ੍ਰਿਸ਼ਟਾਚਾਰ ਮਾਡਲ। ਪਹਿਲੀ ਬਰਸਾਤ ਵਿੱਚ ਹੀ ਟੋਏ ਪੈਣੇ ਸ਼ੁਰੂ ਹੋ ਗਏ।’
ਦੱਸ ਦਈਏ ਕਿ ਪ੍ਰਧਾਨ ਮੰਤਰੀ ਨੇ 25 ਫਰਵਰੀ ਨੂੰ ਸੁਦਰਸ਼ਨ ਬ੍ਰਿਜ ਦਾ ਉਦਘਾਟਨ ਕੀਤਾ ਸੀ। ਪੀਐਮ ਮੋਦੀ ਨੇ ਕਿਹਾ ਸੀ, ‘ਇਹ ਪੁਰਾਣੀ ਅਤੇ ਨਵੀਂ ਦਵਾਰਕਾ ਵਿਚਕਾਰ ਕੜੀ ਦਾ ਕੰਮ ਕਰੇਗਾ।’ ਇਹ ਪੁਲ ਗੁਜਰਾਤ ਦੇ ਓਖਾ ਅਤੇ ਬੇਟ ਦਵਾਰਕਾ ਟਾਪੂਆਂ ਨੂੰ ਜੋੜਦਾ ਹੈ।